នៅថ្ងៃអង្គារ ១២កើត ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២ ខែមិថុនា ឆ្នាំ២០២០ នៅទីស្តីការក្រសួងបរិស្ថាន ឯកឧត្តម សៅ សុភាព រដ្ឋលេខាធិការ បានដឹកនាំក្រុមការងារនៃក្រសួងបរិស្ថានចូលរួមប្រជុំតាមប្រព័ន្ធអនឡាញ ជាមួយក្រុមការងារធនាគារពិភពលោក ស្តីពី ជំនួយបច្ចេកទេសទៅលើការគ្រប់គ្រងសំណល់រឹង និងប្លាស្ទិក ដោយមានការអញ្ជើញចូលរួមពី ឯកឧត្តម ហេង ណារ៉េត អគ្គនាយក នៃអគ្គនាយកដ្ឋានគាំពារបរិស្ថាន លោកជំទាវ ងិន លីណា អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព លោកប្រធាននាយកដ្ឋានសេដ្ឋកិច្ចបៃតង លោកប្រធាននាយកដ្ឋាន អនុប្រធាននាយកដ្ឋាន និងមន្ត្រី នៃនាយកដ្ឋានគ្រប់គ្រងសំណល់រឹង និងក្រុមការងារធនាគារពិភពលោក។ កិច្ចប្រជុំបានពិភាក្សាផ្តោតសំខាន់លើការពិនិត្យ និងផ្តល់ធាតុចូលលើសេចក្តីព្រាងផែនការសកម្មភាព និងផែនទីបង្ហាញផ្លូវស្តីពីការគ្រប់គ្រងប្លាស្ទិក ដោយផ្តោតលើការកំណត់ជម្រើសគោលនយោបាយ និងផែនការសកម្មភាពគ្រប់គ្រងប្លាស្ទិក។ ជាលទ្ធផល ឯកឧត្តមរដ្ឋលេខាធិការ បានគាំទ្រទៅលើសំណើជម្រើសគោលនយោបាយដែលបានលើកឡើងក្នុងកិច្ចពិភាក្សា និងស្នើឱ្យក្រុមការងារនៃនាយកដ្ឋានគ្រប់គ្រងសំណល់រឹង សហការជាមួយអគ្គលេខាធិការដ្ឋានក្រុមប្រឹក្សាដោយចីរភាព និងអគ្គនាយកដ្ឋានចំណេះដឹងនិងព័ត៌មានបរិស្ថាន ពិនិត្យលម្អិត និងផ្តល់ធាតុចូលបន្ថែមលើសេចក្តីព្រាងផែនទីបង្ហាញផ្លូវស្តីពីការគ្រប់គ្រងប្លាស្ទិក ក៏ដូចជាពិនិត្យទៅលើលទ្ធភាពនៃការកំណត់អាទិភាពជ្រើសរើសប្លាស្ទិកទាំង១០ប្រភេទសម្រាប់អនុវត្តក្នុងគោលនយោបាយគ្រប់គ្រងប្លាស្ទិកនេះ ឱ្យបានសមស្របទៅនឹង យុទ្ធសាស្ត្រ និងផែនការសកម្មភាពបរិស្ថានជាតិ ព្រមទាំងស្នើឱ្យមានការរៀបចំកិច្ចពិគ្រោះយោបល់ជាមួយស្ថាប័នពាក់ព័ន្ធ ជាពិសេសវិស័យឯកជន ដើម្បីផ្សព្វផ្សាយ និងប្រមូលធាតុចូលបន្ថែម។

ព័ត៌មានបន្ថែម

ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ថ្ងៃ អង្គារ, 12 តុលា, 2021 កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)
ថ្ងៃ ចន្ទ, 11 តុលា, 2021 ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)