អបអរសាទរ ទិវាបរិស្ថានជាតិ និងបរិស្ថានពិភពលោក ៥ មិថុនា
ថ្ងៃ ចន្ទ, 1 មិថុនា, 2020ជារៀងរាល់ឆ្នាំ ពិភពលោកតែងប្រារព្ធនូវ «ទិវាបរិស្ថានពិភពលោក ៥ មិថុនា» ដែលនៅកម្ពុជាតែងប្រារព្ធដូចគ្នា គឺទិវាបរិស្ថានជាតិ និងបរិស្ថានពិភពលោក ៥ មិថុនា ដោយប្រធានបទសម្រាប់ឆ្នាំ២០២០នេះ គឺ «ការអភិរក្សជីវៈចម្រុះដើម្បីយើងទាំងអស់គ្នា»
ជីវៈចម្រុះ សំដៅដល់សារពាង្គកាយខុសគ្នានៅក្នុងប្រភេទតែមួយ ឬប្រភេទផ្សេងគ្នា និងបណ្តាសារពាង្គកាយរស់នៃគ្រប់លំដាប់ថ្នាក់ និងប្រភពទាំងអស់ រួមទាំងប្រព័ន្ធអេកូឡូស៊ីដែនដីគោក ដែនសមុទ្រ ដែនទឹកសាប និងបណ្តាទំនាក់ទំនងអេកូឡូស៊ី ដែលនៅក្នុងនោះមានប្រព័ន្ធអេកូឡូស៊ីទាំងនេះ។
ប្រទេសកម្ពុជា មាននូវធនធានជីវៈចម្រុះដ៏សម្បូរបែប ដោយក្នុងនោះរួមមាន ថនិកសត្វ ១២៣ប្រភេទ សត្វស្លាប ៥៤៥ប្រភេទ ឧរង្គសត្វ ៨៨ប្រភេទ រុក្ខជាតិតូចៗ(Vascular plants) ២៣០៨ប្រភេទ ត្រី ៨៧៤ប្រភេទ ផ្កាថ្មរឹង ២៤ប្រភេទ ផ្កាថ្មទន់ ១៤ប្រភេទ ស្មៅសមុទ្រ ១០ប្រភេទ និងថលជលិក ៦៣ប្រភេទ ដែលបានផ្តល់នូវអត្ថប្រយោជន៍ដល់ប្រជាជនកម្ពុជា លើផ្នែកបរិស្ថាន សេដ្ឋកិច្ច និងវប្បធម៌។
សព្វថ្ងៃនេះ ជីវៈចម្រុះកំពុងទទួលរងនូការគំរាមកំហែង ដែលទាមទារឲ្យមាននូវការអភិរក្ស ដោយត្រូវមានការចូលរួមពីយើងទាំងអស់គ្នា គឺដើម្បីយើងទាំងអស់គ្នា។ សូមចូលរួមអភិរក្សជីវៈចម្រុះ ជៀសវាងស្តាយក្រោយនៅពេលដែលបាត់បង់ទៅ។
ព័ត៌មានបន្ថែម
ថ្ងៃ ចន្ទ, 10 សីហា, 2020
ពេលមានភ្លៀងធ្លាក់ជារដូវផ្សិតក្ងោកនៅតាមព្រៃ
