ក្រសួងបរិស្ថាន​បានរៀបចំ​កម្ម​វិធី​តាំង​ពិព័រណ៍​រូប​ថត​ក្រោម​ប្រធាន​បទ “សម្រស់​ធម្មជាតិ និង​បរិស្ថាន”

នាព្រឹកថ្ងៃទី ៩ ខែ វិច្ឆិកា ២០១៦ នាយកដ្ឋានរង្វាន់ និងលើកទឹកចិត្ត នៃអគ្គនាយកដ្ឋាន ចំណេះដឹង និងព័ត៌មានបរិស្ថាន នៃក្រសួងបរិស្ថាន និងគ្រឹះស្ថានមីក្រូហិរញ្ញវត្ថុព្រីនស៍ ហ្វាយនែន ភីអិលស៊ី បានរៀបចំកម្មវិធីតាំងពិព័រណ៍រូបថតក្រោមប្រធានបទ “សម្រស់ធម្មជាតិ និងបរិស្ថាន” ប្រចាំ ឆ្នាំ២០១៦ ដែលប្រព្រឹត្តទៅក្រោមអធិបតីភាពឯកឧត្តម អ៊ាង សុផល្លែត អនុរដ្ឋលេខាធិការ ក្រសួងបរិស្ថាន ឯកឧត្តម ភាវ សុវុទ្ធី អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន និងលោក ហន់ សុរចនា អគ្គនាយកគ្រឹះស្ថានមីក្រូហិរញ្ញវត្ថុព្រីនស៍ ហ្វាយនែន ភីអិលស៊ី ព្រមទាំង មានការចូលរួមពីថ្នាក់ដឹកនាំអគ្គនាយកដ្ឋាន មន្រ្តីបរិស្ថាន និងបេក្ខជនដែលជាប់នៅក្នុងរូបភាពទាំង ៣០។ កម្មវិធីប្រកួតប្រជែង និងតាំងពិព័រណ៍រូបថតដែលមានរយៈពេលបីថ្ងៃ ចាប់ពីថ្ងៃទី៩ ដល់ថ្ងៃ ទី១១ ខែធ្នូ ឆ្នាំ២០១៦ខាងមុខនេះ រៀបចំឡើងក្នុងគោលបំណងបង្កើនការស្រឡាញ់ និងថែរក្សា ធនធានធម្មជាតិ ហើយក៏មានគោលដៅប្រែក្លាយផ្នត់គំនិតសាធារណជនឱ្យមានឥរិយាបថ និងទម្លាប់ ល្អចំពោះធម្មជាតិ ដើម្បីឱ្យការរស់នៅប្រកបដោយចីរភាព និងមេត្រីភាពបរិស្ថាន។