សកម្មភាពចុះល្បាតរបស់មន្ត្រីឧទ្យានុរក្សនៃតំបន់ប្រើប្រាស់ច្រើនយ៉ាងសំឡូត ភូមិសាស្រ្តខេត្តបាត់ដំបង

កាលពីថ្ងៃទី២៩ ខែមីនា ឆ្នាំ២០២០ តំបន់ប្រើប្រាស់ច្រើនយ៉ាងសំឡូត មន្ត្រីឧទ្យានុរក្សប្រចាំការស្នាក់ការសំឡូត បានសហការជាមួយកម្លាំងមន្ត្រីប្រតិបត្តិ ចុះធ្វើការល្បាតចំណុចភូមិសាស្រ្តស្រែសាម៉ បានជួបជនសង្ស័យ ចំនួន0៤នាក់ ម្នាក់មានស្ពាយការ៉ុងពណ៌ស ក្រុមល្បាតបានហៅឱ្យឈប់ដើម្បីធ្វើការត្រួតពិនិត្យ ប៉ុន្តែជនសង្ស័យទាំង០៤នាក់ បានទម្លាក់ការ៉ុងចោល រួចរត់គេចខ្លួនចូលព្រៃបាត់ស្រមោល ក្រុមល្បាតបានត្រួតពិនិត្យមើលក្នុងការ៉ុងស ឃើញមានសត្វស្វាឈ្មោលងាប់ចំនួន ០១ក្បាល ទំងន់ប្រហែល១០គីឡូក្រាម កូនអណ្តើក ចំនួន០២ក្បាល។ មន្ត្រីឧទ្យានុរក្ស បានដុតសត្វស្វានៅនឹងកន្លែង រីឯកូនអណ្តើកទាំងពីរក្បាល បានយកមកប្រលែងនៅក្នុងស្ទឹងមុខស្នាក់ការបរឡាង ស្ថិតក្នុងភូមិសំឡូត ឃុំសំឡូត ស្រុកសំឡូត ខេត្តបាត់ដំបង។
គួរបញ្ជាក់ថា កំណើនប្រជាពលរដ្ឋនៅស្រុកសំឡូត ខេត្តបាត់ដំបង ដែលបានធ្វើការចំណាកស្រុក ពីប្រទេសជិតខាង(ប្រទេសថៃ) ដោយអ្នកខ្លះបានកំពុងមកតាំងលំនៅក្នុងព្រៃ៕

ព័ត៌មានបន្ថែម

ថ្ងៃ ចន្ទ, 3 សីហា, 2020 ក្រុមការងារបច្ចេកទេសចុះកំណត់អត្តសញ្ញាណប្រជាពលរដ្ឋការពារសត្វស្លាបនៅខេត្តព្រៃវែង

ថ្ងៃ ចន្ទ, 3 សីហា, 2020 ឯកឧត្ដម ទិន ពន្លក ដឹកនាំកិច្ចប្រជុំស្តីពីការបង់ថ្លៃសេវាកម្មប្រព័ន្ធអេកូឡូស៊ី(PES)

ថ្ងៃ ចន្ទ, 3 សីហា, 2020 កិច្ចប្រជុំស្តីពីការពិនិត្យលើសេចក្តីព្រាងសំណើរគម្រោង “ការគ្រប់គ្រងសំណល់ប្លាស្ទិក”