ព្រឹកថ្ងៃទី​៧ ខែមីនា​ ឆ្នាំ​២០២០​ នៅភ្នំបូកគោ ខេត្តកំពត​ ឯកឧត្តម​ ជា​ សុផារ៉ា​ ឧបនាយករដ្ឋមន្រ្តី​ រដ្ឋមន្ត្រី​ក្រសួង​រៀប​ចំ​ដែនដី​ នគរូបនីយកម្ម​ និងសំណង់​ បានអញ្ជេីញជាអធិបតីក្នុងពិធីបេីកការដ្ឋានសាងសង់គម្រោងអភិវឌ្ឍលំនៅឋាន​ “កំណប់ឋានសួគ៌”​ របស់ក្រុមហ៊ុន​ សុខា​ អូតែល​ ដែលពិធីនេះមានការអញ្ជេីញចូលរួមពី​ ឯកឧត្តម​ ស៊ុន​ ចាន់ថុល​ ទេសរដ្ឋមន្រ្តី​ រដ្ឋមន្ត្រី​ក្រសួង​សាធារណៈ​ការ​ និង​ដឹកជញ្ជូន​ ឯកឧត្តម​ ថោង​ ខុន​ រដ្ឋមន្ត្រី​ ក្រសួង​ទេសចរណ៍​ ឯកឧត្ដម​ សាយ​ សំអាល់​ រដ្ឋមន្ត្រី​ក្រសួង​បរិស្ថាន​ និងឯកឧត្តម​ ជា​វ តាយ​ អភិបាលនៃគណអភិបាលខេត្តកំពត​ រួម​ជាមួយ​ថ្នាក់ដឹកនាំ​ មន្ត្រី​រាជការ​ តំណាងក្រុមហ៊ុន​វីនិយោគ​កងកម្លាំងប្រដាប់អាវុធគ្របប្រភេទ​ កម្មករ​ កម្មការិនី​ និងសិស្សានុសិស្ស​ជាច្រើននាក់​។
ក្នុងឱកាសនោះឯកឧត្តម ជាវ តាយ បានមានប្រសាសន៍ថា​ដោយសារកំណើនភ្ញៀវទេសចរពីមួយឆ្នាំទៅមួយឆ្នាំក្នុងខេត្តកំពតដែលចាំបាច់តម្រូវអោយមានសេវាកម្មឆ្លើយតបសមស្របពិសេសការបង្កើននូវសេវាកម្មស្នាក់នៅកំរិតខ្ពស់ សេវាម្ហូបអាហារនិងទីផ្សារមានស្តង់ដាសមស្របបំរើសេចក្តីត្រូវការរបស់ភ្ញៀវទេសចរ។

ឯកឧត្ដម​ ឧបនាយករដ្ឋមន្រ្តី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្មនិងសំណង់ បានចាត់ទុកការបើកការដ្ឋានសាងសង់គំរោងអភិវឌ្ឍលំនៅស្ថានកំណប់ឋានសួគ៌លើភ្នំបូកគោនាពេលនេះថាជាផ្នែកមួយនៃគំរោងអភិវឌ្ឍក្រុងបូកគោដែលមានទីតាំងនៅក្នុងខេត្តកំពត ខេត្តកែបនិងខេត្តព្រះសីហនុដែលទីតាំងខេត្តទាំង៣នេះមានការផ្សារភ្ជាប់ជាមួយនឹងតំបន់នោះ។​

បូកគោ​គឺជារមណីយដ្ឋានដ៏កម្រ​ មានអាកាសធាតុត្រជាក់គ្រប់រដូវកាលដែលមិនមានចំងាយឆ្ងាយប៉ុន្មានពីរាជធានីភ្នំពេញ ដែលថ្ងៃខាងមុខហេដ្ឋារចនាសម្ព័ន្ធនឹងមានការតភ្ជាប់ធ្វើអោយមានលក្ខណះងាយស្រួលហើយទីតាំងភ្នំបូកគោនេះមានកំពស់1075mពីផ្ទៃបាតសមុទ្រ ដែលមានន័យថាទីតាំងនេះមានលក្ខណះភូមិសាស្រ្តល្អ។

ឯកឧត្ដម​ ឧបនាយករដ្ឋមន្រ្តីបានបញ្ជាក់ថា​សុខសន្តិភាពនិងស្ថេរភាពនយោបាយនេះគឺមានលក្ខណះអំណោយផលណាស់សំរាប់យើងទាំងអស់គ្នាបន្តដល់កូនចៅជំនាន់ក្រោយដូច្នេះដើម្បីភាពសុខដុមរមនានិងការអភិវឌ្ឍ ទាំងអស់គ្នាគួរតែដើរតាមនិងគាំទ្រដល់ការដឹកនាំរបស់សម្តេចតេជោហ៊ុនសែននាយករដ្ឋមន្រ្តីនៃព្រះរាជាណាចក្រកម្ពុជា។

ព័ត៌មានបន្ថែម

ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១