កិច្ចប្រជុំលើកទី៣ គណៈកម្មាធិការនាយក និងកិច្ចប្រជុំប្រចាំឆ្នាំនៃកិច្ចផ្តួចផ្តើមថ្នាក់តំបន់ឥណ្ឌូ-ភូមា នៃអនុសញ្ញារ៉ាមសារ

កិច្ចប្រជុំនេះប្រព្រឹត្តឡើងក្រោមអធិបតីភាព ឯកឧត្តម ស្រ៊ុន ដារិទ្ធិ រដ្ឋលេខាធិការក្រសួងបរិស្ថាន និងមានការចូលរួមពីថ្នាក់ដឹកនាំ និងមន្រ្តីក្រសួងបរិស្ថាន តំណាងមន្ទីរបរិស្ថានខេត្តសៀមរាប តំណាងប្រទេសសមាជិកនៃកិច្ចផ្តួចផ្តើមថ្នាក់តំបន់ឥណ្ឌូ-ភូមា រួមមានប្រទេសឡាវ មីយ៉ាន់ម៉ា ថៃ និងវៀតណាម តំណាងមជ្ឈមណ្ឌលរ៉ាមសារអាស៊ីខាងកើត តំណាងភាពជាដៃគូនៃបណ្តាញផ្លូវហោះហើរសត្វស្លាបអាស៊ីខាងកើត-អូស្ត្រាលី តំណាងអង្គការដៃគូរួមមានអង្គការជីវិតសត្វស្លាបអន្តរជាតិ អង្គការអភិរក្សតំបន់ដីសើមនិងសត្វស្លាបព្រៃ អង្គការស្បៀងនិងកសិកម្មនៃសហប្រជាជាតិ តំណាងមជ្ឈមណ្ឌលជីវៈចម្រុះអាស៊ាន តំណាងគណៈកម្មាធិការទន្លេមេគង្គ និងតំណាងបណ្តាញសាកលវិទ្យាល័យក្នុងតំបន់មេគង្គជាច្រើននាក់។