ថ្ងៃសុក្រ-សៅរ៍ ៦-៧រោច ខែមាឃ ឆ្នាំកុរ ឯកស័ក្ត ព.ស.២៥៦៣ ត្រូវនឹងថ្ងៃទី១៤-១៥ ខែកុម្ភ: ឆ្នាំ២០២០ កម្មវិធីបោះតង់បរិស្ថានក្រោមប្រធានបទ « ថ្ងៃនៃក្តីស្រឡាញ់៖ យើងស្រឡាញ់បរិស្ថាន និងធម្មជាតិ» Valentine’s Prey Lang ត្រូវបានរៀបចំឡើងនៅក្នុងតំបន់ដែនជម្រកសត្វព្រៃព្រៃឡង់ ភូមិសាស្ត្រខេត្តកំពង់ធំ ក្រោមការដឹកនាំរបស់ ឯកឧត្តម សៅ សុភាព រដ្ឋលេខាធិការក្រសួងបរិស្ថាន និង​មានការចូលរួមពី តំណាងរាស្ត្រខេត្តកំពង់ធំ គណអភិបាលខេត្តកំពង់ធំ អភិបាលស្រុក មន្ទីរបរិស្ថានខេត្តកំពង់ធំ ក្រចេះ ស្ទឹងត្រែង ព្រះវិហារ សៀមរាប ឧត្តរមានជ័យ បន្ទាយមានជ័យ កែប តាកែវ ស្វាយរៀង កោះកុង និងមានការចូលរួមពីបណ្តាដៃគូអភិវឌ្ឍន៍ សមាគម និងអង្គការមិនមែនរដ្ឋាភិបាល សហគមន៍មូលដ្ឋាននានាផងដែរ។​ ឯកឧត្តម សៅ សុភាព បានមានប្រសាសន៍ថា “យុវជន គឺជាផ្នែកសំខាន់ក្នុងការអប់រំ ផ្សព្វផ្សាយ លើកកម្ពស់ការយល់ដឹងជាសាធារណ: ដើម្បីឱ្យមានការគាំទ្រពីគ្រប់មជ្ឈដ្ឋានចំពោះការការពារ និងការអភិរក្សធនធានធម្មជាតិ ហើយការបោះជំរុំតង់បរិស្ថាននៅក្នុងថ្ងៃទិវានៃក្តីស្រលាញ់នេះ គឺចង់បណ្តុះស្មារតី មន្ត្រីរាជការ អាជ្ញាធរ ប្រជាជន សហគមន៍មូលដ្ឋាន និងអ្នកពាក់ព័ន្ធនានា ជាពិសេសយុវជន ឱ្យចេះស្រឡាញ់ និងជំរុញឱ្យមានការចូលរួមកាន់តែសកម្មក្នុងការការពារ អភិរក្សធនធានធម្មជាតិ ជីវ:ចម្រុះ និងប្រព័ន្ធអេកូឡូស៊ី ដើម្បីជាប្រយោជន៍ដល់សង្គមជាតិ”។

កម្មវិធីបោះតង់ថ្ងៃស្រឡាញ់បរិស្ថាន ( Valentine’s Prey Lang) នៅក្នុងតំបន់ដែនជម្រកសត្វព្រៃ«ព្រៃឡង់»​ មានរៀបចំកម្មវិធីជាច្រេីនដូចជា ពិធីបំបួសដើមឈើ និងការធ្វើបទបង្ហាញ និងផ្សព្វផ្សាយពីសក្តានុពលធនធានធម្មជាតិ ជីវ:ចម្រុះ និងសេវាកម្មប្រព័ន្ធអេកូឡូស៉ីនៃតំបន់ដែនជម្រកសត្វព្រៃ«ព្រៃឡង់»ដល់អ្នកចូលរួមផងដែរ។

គួរបញ្ជាក់ថា ព្រៃឡង់ត្រូវបានរាជរដ្ឋាភិបាលបង្កើតជាដែនជម្រកសត្វព្រៃ«ព្រៃឡង់» នៅឆ្នាំ ២០១៦ស្ថិតនៅក្រោមសមត្ថកិច្ចគ្រប់គ្រង និងអភិរក្សរបស់ក្រសួងបរិស្ថាន មានទំហំផ្ទៃដីសរុបជាង ៤៣ ម៉ឺនហិកតាស្ថិតនៅក្នុងភូមិសាស្ត្រខេត្ត ចំនួន ៤ គឺខេត្តស្ទឹងត្រែង ព្រះវិហារ កំពង់ធំ និងខេត្តក្រចេះ។

ព័ត៌មានបន្ថែម

កិច្ចប្រជុំ ស្តីពី ការស្នើសុំទីតាំងដំឡើងស្ថានីយត្រួតពិនិត្យគុណភាពខ្យល់
ថ្ងៃ ព្រហស្បតិ៍, 26 វិច្ឆិកា, 2020 កិច្ចប្រជុំ ស្តីពី ការស្នើសុំទីតាំងដំឡើងស្ថានីយត្រួតពិនិត្យគុណភាពខ្យល់
កម្មវិធីបើកវគ្គបណ្ដុះបណ្ដាលស្ដីពី តួនាទីរបស់ក្រុមប្រឹក្សាឃុំក្នុងការចូលរួមគ្រប់គ្រងតំបន់ការពារធម្មជាតិ
ថ្ងៃ ពុធ, 25 វិច្ឆិកា, 2020 កម្មវិធីបើកវគ្គបណ្ដុះបណ្ដាលស្ដីពី តួនាទីរបស់ក្រុមប្រឹក្សាឃុំក្នុងការចូលរួមគ្រប់គ្រងតំបន់ការពារធម្មជាតិ
កិច្ចប្រជុំតាមប្រព័ន្ធអនឡាញស្ដីពី ការវាយតម្លៃសេវាកម្មអេកូឡូស៊ី​នៅកម្ពុជា
ថ្ងៃ ពុធ, 25 វិច្ឆិកា, 2020 កិច្ចប្រជុំតាមប្រព័ន្ធអនឡាញស្ដីពី ការវាយតម្លៃសេវាកម្មអេកូឡូស៊ី​នៅកម្ពុជា