នៅទីស្តីការក្រសួងបរិស្ថាន នាព្រឹកថ្ងៃច័ន្ទ ២រោច ខែមាឃ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែកុម្ភៈ ឆ្នាំ២០២០ ឯកឧត្តម ស្រ៊ុន ដារិទ្ធ រដ្ឋលេខាធិការនៃក្រសួងបរិស្ថាន បានដឹកនាំកិច្ចប្រជុំអន្តរក្រសួងដើម្បីពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គមពេញលេញ (ESIA) សម្រាប់គម្រោងសាងសង់អាកាសយាន​ដ្ឋានអន្តរជាតិតារាសាគរ លើផ្ទៃដីទំហំ ២១៧,៣១ហិកតា ដែលមានទីតាំងភូមិសាស្ត្រស្ថិតនៅក្នុងឃុំតានូន ស្រុកបុទុមសាគរ ខេត្តកោះកុង របស់ក្រុមហ៊ុន យូញៀន ឌីវេឡុបមេន គ្រុប ខូ អិលធីឌី ដែលបានសិក្សា និងរៀបចំរបាយការណ៍​វាយតម្លៃហេតុប៉ះពាល់បរិស្ថានដោយក្រុមហ៊ុនទីប្រឹក្សា អ៊ី&អេ ខនសាល់ធេន។

កិច្ចប្រជុំនេះ មានសមាសភាពចូលរួមពីឯកឧត្តម លោកជំទាវថ្នាក់ដឹកនាំក្រសួង លោក លោកស្រី តំណាងអគ្គនាយកដ្ឋានពាក់ព័ន្ធនៃក្រសួងបរិស្ថាន និងអគ្គលេខាធិការដ្ឋាន​នៃក្រុមប្រឹក្សាជាតិអភិវឌ្ឍន៍ដោយចីរភាព តំណាងអន្តរក្រសួងពាក់ព័ន្ធ ក្រុមប្រឹក្សាអភិវឌ្ឍន៍កម្ពុជា រដ្ឋបាលខេត្តកោះកុង មន្ទីរបរិស្ថានខេត្តកោះកុង តំណាងនាយកដ្ឋានវាយតម្លៃហេតុប៉ះពាល់បរិស្ថាន តំណាងក្រុមហ៊ុន ញូញៀន ឌីវេឡុបមេន គ្រុប ខូ អិលធីឌី (ម្ចាស់គម្រោង) និងក្រុមហ៊ុនទីប្រឹក្សា អ៊ី&អេ ខនសាល់ធេន ចំនួន ៣៩នាក់។

ជារួម អង្គប្រជុំ បានទទួលលទ្ធផល ដូចខាងក្រោម៖
១-​ អង្គប្រជុំ​ គាំទ្រលេី​របាយការណ៍​វាយតម្លៃ​ហេតុប៉ះពាល់បរិស្ថាន​ និងសង្គមពេញលេញ​ សម្រាប់​គម្រោងបង្កើតអាកាសយានដ្ឋានអន្តរជាតិតារាសាគរ លើផ្ទៃដី ២១៧,៣១ហិកតា
២-​ ម្ចាស់គម្រោង​ ត្រូវទទួលយកនូវមតិយោបល់របស់អង្គប្រជុំ និងកែសម្រួលរបាយការណ៍នេះ​ ស្របតាមស្មារតីអង្គប្រជុំ ដើម្បីដាក់ជូនក្រសួង ពិនិត្យ​ និងអនុម័ត៕

ព័ត៌មានបន្ថែម

កិច្ចពិភាក្សាលើផែនការយុទ្ធសាស្រ្តថវិកាជាតិ ការកំណត់សូចនាករសកម្មភាពសម្រាប់ឆ្នាំ២០២១-២០២៣នៃអគ្គនាយកដ្ឋានចំណេះដឹង និងព័ត៌មានបរិស្ថាន
ថ្ងៃ ព្រហស្បតិ៍, 20 កុម្ភៈ, 2020 កិច្ចពិភាក្សាលើផែនការយុទ្ធសាស្រ្តថវិកាជាតិ ការកំណត់សូចនាករសកម្មភាពសម្រាប់ឆ្នាំ២០២១-២០២៣នៃអគ្គនាយកដ្ឋានចំណេះដឹង និងព័ត៌មានបរិស្ថាន
ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានបានទទួលជួបពិភាក្សាការងារជាមួយឯកឧត្តម Bjorn Haggmark ឯកអគ្គរាជទូតស៊ុយអែតប្រចាំកម្ពុជា
ថ្ងៃ ពុធ, 19 កុម្ភៈ, 2020 ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានបានទទួលជួបពិភាក្សាការងារជាមួយឯកឧត្តម Bjorn Haggmark ឯកអគ្គរាជទូតស៊ុយអែតប្រចាំកម្ពុជា
ឯកឧត្តម អ៊ាង សុផល្លែត ចូលរួមវេទិកាសាធារណៈ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណរបស់រាជរដ្ឋាភិបាលកម្ពុជានៅស្រុកអូររាំងឪ
ថ្ងៃ ពុធ, 19 កុម្ភៈ, 2020 ឯកឧត្តម អ៊ាង សុផល្លែត ចូលរួមវេទិកាសាធារណៈ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្រចតុកោណរបស់រាជរដ្ឋាភិបាលកម្ពុជានៅស្រុកអូររាំងឪ