មន្ទីរបរិស្ថានខេត្ដព្រះវិហារ

ថ្ងៃអាទិត្យ ៩កើត ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០២ ខែកុម្ភះ ឆ្នាំ២០២០ មន្រ្តីឧទ្យានុរក្ស​នៃ​ដែនជម្រកសត្វព្រៃ ព្រៃទ្បង់បឹងពែរ​ រួមជាមួយ​លោកគ្រូបង្រៀននៅសាលាអនុវិទ្យាល័យ ចំនួន០២នាក់ បានយកកូនសត្វឈ្លូសចំនួន ០១ក្បាល ដែលប្រជាពលរដ្ឋចាប់បានពេលវាវង្វេងមេនៅក្នុងព្រៃនៃភូមិពើក ឃុំពុទ្រា ស្រុកជ័យសែន ខេត្តព្រះវិហារ យកមកប្រគល់ជូន មជ្ឈមណ្ឌលសហគមន៍ចំបក់ហោះ ស្ថិតនៅក្នុងភូមិស្រែធ្នុង ឃុំរមណីយ ស្រុករវៀង ខេត្តព្រះព្រះវិហារ ដើម្បីឱ្យមជ្ឈមណ្ឌលជួយសង្គ្រោះ ព្រោះកូនឈ្លូសនៅតូចមិនទាន់ចេះស៊ីស្មៅ ឬចំណីបាននៅឡើយ។