នៅព្រឹក​ ថ្ងៃព្រហស្បតិ៍ ១៥កើត ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៩ ខែមករា ឆ្នាំ២០២០ ឯកឧត្តម ស្រ៊ុន ដារិទ្ធិ រដ្ឋលេខាធិការនៃក្រសួងបរិស្ថាន​ បានចូលរួមកិច្ចប្រជុំពិភាក្សាលើករណីរដ្ឋបាលខេត្តបាត់ដំបង បានស្នើសុំកាត់ដី​ ចំនួន ០២កន្លែង ចេញពីតំបន់ប្រើប្រាស់ច្រើនយ៉ាងសំឡូតនៃតំបន់ការពារធម្មជាតិ ដើម្បីរៀបចំគម្រោងអភិវឌ្ឍន៍ តំបន់ព្រំប្រទល់កម្ពុជា-ថៃ ស្ថិតក្នុងភូមិឆករកា ឃុំសំឡូត ស្រុកសំឡូត ខេត្តបាត់ដំបង ដោយមានការចូលរួមពីមន្រ្តីនៃមន្ទីរបរិស្ថានខេត្តបាត់ដំបង តំណាងសាលាខេត្តបាត់ដំបង តំណាងក្រសួងមហាផ្ទៃ តំណាងក្រសួងរៀបចំដែនដី នគរូបនីយកម្ម និងសំណង់ តំណាងក្រសួងសេដ្ឋកិច្ច និងហិរញ្ញវត្ថុ និងអ្នកពាក់ព័ន្ធទៀតសរុបចំនួន ៣១នាក់​ នៅសាលាស្រុកសំឡូត។
ចំពោះកិច្ចប្រជុំលើសំណើរសុំទីតាំងដីវិនិយោគ ដោយទទួលបានលទ្ធផលដូចខាងក្រោម៖
១. អង្គប្រជុំ ជាពិសេសថ្នាក់ក្រោមជាតិគាំទ្រគម្រោង​វិនិយោគនេះ ដែលមានការសម្រេចជាគោលការណ៍រដ្ឋាភិបាល
២. ការផ្ដល់ទីតាំងវិនិយោគអាចធ្វើឡើងតាមជម្រើសពីរ៖ទី១ ការជួលដីពីរដ្ឋសម្រាប់គម្រោងវិនិយោគ និងទី២ ត្រូវស្នើសុំជាកម្មសិទ្ធិឯកជនពីរដ្ឋ
៣. បន្តពិភាក្សាជាមួយក្រុមហ៊ុន ដើម្បីពិនិត្យលទ្ធភាពថាតើក្រុមហ៊ុនមានឆន្ទៈ និងលទ្ធភាពវិនិយោគដែរឬទេ?
៤. ក្នុងករណីក្រុមហ៊ុនជ្រើសរើសជម្រើសណាមួយខាងលើ ក្រុមការងារ​នឹងបន្តសហការ ដើម្បីចុះសិក្សាលម្អិត ដោយកំណត់និយាមកា និងកសាងផែនទីច្បាស់លាស់។

ព័ត៌មានបន្ថែម

កិច្ចពិភាក្សាអំពីកិច្ចសហការលើការងារគ្រប់គ្រងសំរាម សំណល់រឹង ជាមួយក្រុមហ៊ុន Infrastructure Asia (IA) និង Singapore Corporation Enterprise (SCE)
ថ្ងៃ ពុធ, 24 កុម្ភៈ, 2021 កិច្ចពិភាក្សាអំពីកិច្ចសហការលើការងារគ្រប់គ្រងសំរាម សំណល់រឹង ជាមួយក្រុមហ៊ុន Infrastructure Asia (IA) និង Singapore Corporation Enterprise (SCE)
ពិធីប្រគល់រង្វាន់ និងវិញ្ញាបនបត្រដល់ជ័យលាភី ការប្រកួតវីដេអូបែបអត្ថាធិប្បាយ
ថ្ងៃ អង្គារ, 23 កុម្ភៈ, 2021 ពិធីប្រគល់រង្វាន់ និងវិញ្ញាបនបត្រដល់ជ័យលាភី ការប្រកួតវីដេអូបែបអត្ថាធិប្បាយ
កិច្ចប្រជុំពិភាក្សាលើសេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់ក្រសួងបរិស្ថាន
ថ្ងៃ អង្គារ, 23 កុម្ភៈ, 2021 កិច្ចប្រជុំពិភាក្សាលើសេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់ក្រសួងបរិស្ថាន