លោកជំទាវ ឃុន រចនា អនុរដ្ឋលេខាធិការ ក្រសួងអប់រំ យុវជន និងកីឡា និងឯកឧត្តម ជួប ប៉ារីស៍អគ្គនាយកចំណេះដឹងនិងព័ត៌មានបរិស្ថាន នៃក្រសួងបរិស្ថាន នៅថ្ងៃព្រហស្បតិ៍ ៨កើត ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២ ខែមករា ឆ្នាំ២០២០ បានអញ្ជើញជាអធិបតីបើកកម្មវិធីវិស្តាកម្ពុជានៅរាជធានីភ្នំពេញ។ វេទិកានេះ ប្រព្រឹត្តទៅដោយមាការចូលរួមពី លោក Sornkrit Ponlookin សមាជិកគណៈកម្មាធិការសម្ព័ន្ធភាពព្រះពុទ្ធសាសនាពិភពលោក(WAB) និង ថ្នាក់ដឹកនាំ និងមន្រ្តីរាជការក្រសួងអប់រំ យុវជន និងកីឡា និងក្រសួងបរិស្ថាន ដៃគូសហការ និងតំណាងក្រសួងស្ថាប័នពាក់ព័ន្ធ និងតំណាងអាជ្ញាធរមូលដ្ឋាននៃខេត្តព្រះសីហនុជាច្រើននាក់។

ឯកឧត្តម ជួប ប៉ារីស៍ បានលើកឡើងថា៖ ដើម្បីធ្វើការងារអប់រំអំពីបរិស្ថានដល់កុមារ ឲ្យចេះធ្វើអនាម័យ កសាងអំពើល្អ មានវិន័យ សណ្តាប់ធ្នាប់ និងចូលរួមកសាងសង្គមជាតិមួយដ៏ល្អ។ ឯកឧត្តមបន្ថែមទៀតថា កុមារដើរតួនាទី ជាទំពាំងស្នងឬស្សី ផ្សព្វផ្សាយអប់រំបន្តដល់សហគមន៏ ដែលពួកគេរស់នៅ។ ការអភិវឌ្ឍដោយចីរភាពបានលុះត្រា មានការគិតគូរដល់ការអភិវឌ្ឍបរិស្ថាន សង្គម និងសេដ្ឋកិច្ចផងដែរ ព្រមទាំងអនុវត្តន៍ កម្មវីធីសាលាមេត្រី និងអារាមមេត្រី មានគោលការណ៏ណែនាំល្អ ដែលត្រូវសហការរួមគ្នា។

ក្នុងឱកាសនោះ លោកជំទាវ ឃុន រចនា មានប្រសាសន៍ថា៖ ក្នុងយុទ្ធសាស្រ្តចតុកោណដំណាក់ការទី ៤ របស់រាជរដ្ឋាភិបាលកម្ពុជា បានផ្ដោតសំខាន់បំផុតលើការអភិវឌ្ឍមនុស្ស ដើម្បីសម្រេចចក្ខុវិស័យរយៈពេលវែង ឆ្នាំ២០៣០ ប្រទេសកម្ពុជា នឹងក្លាយទៅជាប្រទេសដែលមានចំណូលមធ្យមកម្រិតខ្ពស់ និងនៅឆ្នាំ២០៥០ក្លាយជាប្រទេសអភិវឌ្ឍន៍។

ដូច្នេះប្រទេសកម្ពុជាត្រូវការមូលធនមនុស្សដែលមានបំណិន មានសមត្ថភាព ដើម្បីចូលរួម ការកសាងអភិវឌ្ឍសេដ្ឋកិច្ចនិងសង្គម។ លោកជំតាវបានបញ្ជាក់បន្ថែមថា ប្រទេសកម្ពុជាគោរពព្រះពុទ្ធសាសនា ដែលយើងមិនអាចមើលរំលងពីការទទួលបានការអប់រំតាមព្រះពុទ្ធសាសនា ក្នុងការអប់រំមនុស្សឲ្យក្លាយទៅជាកុមារ យុវជន មូលធនមនុស្ស ដែលមានគុណធម៌ មានចរិយាធម៌ សីលធម៌ វិន័យ ភាពអត់ធ្មត់ ការទទួលខុសត្រូវនិងមានសមត្ថភាព។

ព័ត៌មានបន្ថែម

ឯកឧត្តម អ៊ាង សុផល្លែត ប្រគល់គ្រឿងឧបភោគបរិភោគជូនដល់សាលាស្រុកអូររាំងឪ ដើម្បីត្រៀមបម្រុងទុកប្រគេន និងជួយទៅដល់វត្ត អាស្រមអត្តខាត និងប្រជាជនខ្វះខាតរក្នុងមូលដ្ឋានស្រុកអូររាំងឪ
ថ្ងៃ អាទិត្យ, 5 មេសា, 2020 ឯកឧត្តម អ៊ាង សុផល្លែត ប្រគល់គ្រឿងឧបភោគបរិភោគជូនដល់សាលាស្រុកអូររាំងឪ ដើម្បីត្រៀមបម្រុងទុកប្រគេន និងជួយទៅដល់វត្ត អាស្រមអត្តខាត និងប្រជាជនខ្វះខាតរក្នុងមូលដ្ឋានស្រុកអូររាំងឪ
បន្តអនុវត្តតាមប្រសាសន៍ដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្រសួងបរិស្ថានផ្តល់ថវិកា USD ២០, ០០០ ដល់លោក បេន ដេវីស និងសហគមន៍តាបស ខេត្តព្រះវិហារ
ថ្ងៃ ព្រហស្បតិ៍, 2 មេសា, 2020 បន្តអនុវត្តតាមប្រសាសន៍ដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្រសួងបរិស្ថានផ្តល់ថវិកា USD ២០, ០០០ ដល់លោក បេន ដេវីស និងសហគមន៍តាបស ខេត្តព្រះវិហារ
រដ្ឋមន្ត្រី និងមន្ត្រីៗចំនួននៃក្រសួងបរិស្ថាន បរិច្ចាគប្រាក់បៀវត្សរបស់ខ្លួនពី ១ ទៅ ៦ខែ ជូនគណៈកម្មការជាតិប្រយុទ្ធប្រឆាំងនឹងជំងឺកូវីដ១៩
ថ្ងៃ ព្រហស្បតិ៍, 2 មេសា, 2020 រដ្ឋមន្ត្រី និងមន្ត្រីៗចំនួននៃក្រសួងបរិស្ថាន បរិច្ចាគប្រាក់បៀវត្សរបស់ខ្លួនពី ១ ទៅ ៦ខែ ជូនគណៈកម្មការជាតិប្រយុទ្ធប្រឆាំងនឹងជំងឺកូវីដ១៩