ឯកឧត្តម សៅ សុភាព រដ្ឋលេខាធិការក្រសួងបរិស្ថាន មានប្រសាសន៍ថា ក្រសួងបរិស្ថាន លើកទឹកចិត្តអង្គការ DCA ពង្រឹងកិច្ចសហប្រតិបត្តិការល្អជាមួយក្រសួងបរិស្ថាន និងអ្នកពាក់ព័ន្ធផ្សេងៗទៀត ឱ្យបានកាន់តែខ្លាំងក្លា និងទូលំទូលាយ ទៅលើផ្នែកផ្សេងៗថែមទៀត ជាពិសេសផ្អែកអប់រំ និងផ្សព្វផ្សាយបរិស្ថាន ដើម្បីរួមគ្នាសមេ្រចឱ្យបានជោគជ័យក្នុងសកម្មភាពឆ្លើយតបការប្រែប្រួលអាកាសធាតុ ជួយជម្រុញកម្ពុជាឱ្យមានការអភិវឌ្ឍប្រកបដោយចីរភាព សំដៅលើកកម្ពស់សេដ្ឋកិច្ចជាតិ និងកាត់បន្ថយភាពក្រីក្រឱ្យបានមួយកម្រិតថែមទៀត ក្រោមបរិបទនៃការប្រែប្រួលអាកាសធាតុ ។ ឯកឧត្តម សៅ សុភាព លើកឡើងបេបនេះ ក្នុងឱកាសអញ្ជើញជាអធិបតី ក្នុងពិធីចុះហត្ថលេខាលើអនុស្សារណៈយោគយល់គ្នា រវាងក្រសួងបរិស្ថាន និងអង្គការ DCA ស្តីពីកិច្ចសហការលើការប្រែប្រួលអាកាសធាតុ ថ្ងៃសុក្រ ៦កើត ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ០៤ ខែតុលា ឆ្នាំ២០១៩ នៅទីស្តីការក្រសួងបរិស្ថាន។

ឯកឧត្តម សៅ សុភាព បន្ថែមថា ពិធីចុះហត្ថលេខានេះ គឺជាសក្ខីកម្មមួយបង្ហាញអំពីកិច្ចសហប្រតិបត្តិការយ៉ាងសកម្ម រវាងក្រសួងបរិស្ថាន និងអង្គការ DCA នៅកម្ពុជា ក្នុងគោលបំណងសហការលើកម្ពស់ការយល់ដឹង និងការអនុវត្តគោលនយោបាយទាក់ទងនឹងការប្រែប្រួលអាកាសធាតុ និងសកម្មភាពផ្សេងទៀតដែលបានចែងក្នុងកិច្ចព្រមព្រៀងគ្នានេះ។
ឯកឧត្តមរដ្ឋលេខាធិការបានបន្តថា តាមរយៈអនុស្សរណៈនេះនឹងជំរុញ ពង្រីកកិច្ចសហប្រតិបត្តិការក្នុងសកម្មភាពចំបងៗមួយចំនួន ដូចជា ការគាំទ្រដល់ទិវាបរិស្ថាន ទិវាសំអាតភពផែនដី ការកសាងសមត្ថភាពរបស់មន្ត្រីនិងអ្នកពាក់ព័ន្ធ ការអភិរក្សធនធានធម្មជាតិ និងការរៀបចំវេទិកាផ្សេងៗទៀតដែលជាការចូលរួមចំណែកដល់ការអនុវត្តផែនការយុទ្ធសាស្រ្តស្តីពីការប្រែប្រួលអាកាសធាតុកម្ពុជា (២០១៤-២០២៣) ស្របទៅតាមគោលនយោបាយ និងយុទ្ធសាស្រ្តថ្នាក់ជាតិរបស់រាជរដ្ឋាភិបាលកម្ពុជា។

សូមបញ្ជាក់ថា កន្លងមក កិច្ចសហការគ្នារវាងក្រសួងបរិស្ថាន និងអង្គការ DCA គឺបានផ្តោតលើការចូលរួមគាំទ្រដល់សកម្មភាពទិវាបរិស្ថាន កម្មវិធីពិភាក្សាអំពីបរិស្ថានរបស់ក្រុមយុវជន ទិវាសម្អាតភពផែនដី គាំទ្រដល់សមាជិកក្រុមប្រឹក្សាជាតិអភិវឌ្ឍន៍ដោយចីរភាព ចូលរួមក្នុងសន្និសីទសហប្រជាតិស្តីពីការប្រែប្រួលអាកាសធាតុជាដើម៕

 

ព័ត៌មានបន្ថែម

ប្រពៃណីវប្បធម៌ នៃធម្មជាតិ កើតមានរហូតដល់សព្វថ្ងៃនៅក្នុងតំបន់អង្គរ ខេត្តសៀមរាប
ថ្ងៃ អាទិត្យ, 26 មករា, 2020 ប្រពៃណីវប្បធម៌ នៃធម្មជាតិ កើតមានរហូតដល់សព្វថ្ងៃនៅក្នុងតំបន់អង្គរ ខេត្តសៀមរាប
កិច្ចប្រជុំស្តីពី «បច្ចុប្បន្នភាព នៃការគ្រប់គ្រងតំបន់ដែនជម្រកសត្វព្រៃ គូលែន-ព្រហ្មទេព»
ថ្ងៃ ព្រហស្បតិ៍, 23 មករា, 2020 កិច្ចប្រជុំស្តីពី «បច្ចុប្បន្នភាព នៃការគ្រប់គ្រងតំបន់ដែនជម្រកសត្វព្រៃ គូលែន-ព្រហ្មទេព»
ពិធីសម្ពោធដាក់ឱ្យប្រើប្រាស់ជាផ្លូវការសាលាបឋមសិក្សាស្រែអ៊ី និងការ ប្រកាសដាក់ឱ្យដំណើរការគម្រោងអេកូទេសចរណ៍ ស្ថិតនៅក្នុងខេត្តមណ្ឌលគិរី
ថ្ងៃ ពុធ, 22 មករា, 2020 ពិធីសម្ពោធដាក់ឱ្យប្រើប្រាស់ជាផ្លូវការសាលាបឋមសិក្សាស្រែអ៊ី និងការ ប្រកាសដាក់ឱ្យដំណើរការគម្រោងអេកូទេសចរណ៍ ស្ថិតនៅក្នុងខេត្តមណ្ឌលគិរី