នៅព្រឹកថ្ងៃទី៨ ខែវិច្ឆិកា ឆ្នាំ២០១៦ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានបានអញ្ជើញបើកសិក្ខាសាលាពិគ្រោះយោបល់ថ្នាក់ជាតិស្តីពី«ការបង្កើតរបៀងអភិរក្សជីវៈចម្រុះសម្រាប់ប្រព័ន្ធតំបន់ការពារធម្មជាតិ» ដោយមានការចូលរួមពីសំណាក់តំណាងក្រសួង ស្ថាប័ន គណៈអភិបាលខេត្ត មន្ទីរបរិស្ថាន នាយកតំបន់ការពារធម្មជាតិ មន្ត្រីជំនាញ គ្រឹះស្ថានឧត្តមសិក្សា អង្គការមិនមែនរដ្ឋាភិបាល ដៃគូអភិវឌ្ឍន៍ សហគមន៍ និងវិស័យឯកជន សរុបចំនួន ២១៦នាក់។
សិក្ខាសាលាថ្ងៃនេះត្រូវបានរៀបចំឡើងក្រោមគំនិតផ្តួចផ្តើមរបស់ក្រសួងបរិស្ថាន ក្នុងគោលបំណងពិនិត្យ ពិភាក្សា ប្រមូលផ្តុំមតិយោបល់ និងសម្រេចលើសំណើបង្កើតរបៀងអភិរក្សជីវៈចម្រុះ ដើម្បីធានាសុវត្ថិភាពប្រព័ន្ធអេកូឡូស៊ីនៅក្នុងតំបន់ការពារធម្មជាតិ តាមរយៈការតភ្ជាប់តំបន់ការពារទាំងអស់ជាលក្ខណៈរបៀងអភិរក្សជីវៈចម្រុះ ស្របតាមមុខងារ និងសេវាកម្មនៃប្រព័ន្ធអេកូឡូស៊ី សំដៅឆ្លើយតបនឹងកំណែទម្រង់លើវិស័យបរិស្ថាន និងធនធានធម្មជាតិនៅកម្ពុជា។
ឯកឧត្តមរដ្ឋមន្រ្តីបានសង្កត់ធ្ងន់លើភាពចាំបាច់ និងសារៈប្រយោជន៍នៃការរៀបចំក្រមបរិស្ថាន ការពង្រឹងប្រសិទ្ធភាពការងារគ្រប់គ្រងតំបន់ការពារនិងអភិរក្សធម្មជាតិ និងការបង្កើតរបៀងអភិរក្សជីវៈចម្រុះ ដោយតភ្ជាប់តំបន់ការពារធម្មជាតិទាំង៤៥តំបន់ ឱ្យទៅជាតំបន់របៀងអភិរក្សចំនួន៥ ដែលរួមមាន៖ ១. របៀងអភិរក្សជីវៈចម្រុះខាងត្បូងបឹងទន្លេសាប ២. របៀងអភិរក្សជីវៈចម្រុះខាងជើងបឹងទន្លេសាប ៣. របៀងអភិរក្សជីវៈចម្រុះខាងកើតទន្លេមេគង្គ ៤. តំបន់ឧទ្យានសមុទ្រនិងកោះ និង ៥. តំបន់បឹងទន្លេសាបនិងទន្លេមេគង្គ។
ឯកឧត្តមរដ្ឋមន្រ្តីក៏បានស្នើឱ្យអង្គសិក្ខាសាលាទាំងមូលពិនិត្យផ្តល់យោបល់ ដើម្បីឱ្យសំណើបង្កើតរបៀងខាងលើទទួលបានការចូលរួមពីគ្រប់មជ្ឈដ្ឋាន ជាពិសេសការចូលរួមពីសហគមន៍មូលដ្ឋាន ដែលឆ្លុះឱ្យឃើញនូវការអនុវត្តប្រជាធិបតេយ្យតាមបែបវិមជ្ឈការនៅថ្នាក់ក្រោមជាតិ។ ព្រឹត្តិការណ៍ថ្ងៃនេះឆ្លុះឱ្យឃើញនូវការរៀបចំឡើងវិញនូវរបៀបរបបដឹកនាំ និងការគ្រប់គ្រងលើវិស័យបរិស្ថាន និងធនធានធម្មជាតិ និងជាការដាស់តឿន កែប្រែផ្នត់ គំនិត និង ឥរិយាបថពាក់ព័ន្ធ នឹង ការគ្រប់គ្រង របស់ ស្ថាប័នមានសមត្ថកិច្ច និងការចូលរួមពីគ្រប់មជ្ឈដ្ឋាន៕

photo_2016-11-08_12-09-32 photo_2016-11-08_12-09-31 photo_2016-11-08_12-09-29 photo_2016-11-08_12-09-29-2 photo_2016-11-08_12-09-27 photo_2016-11-08_12-09-26

ព័ត៌មានបន្ថែម

កិច្ចប្រជុំពិនិត្យ ប្លង់មេនិងផែនការអភិវឌ្ឍន៍វិនិយោគទេសចរណ៍ធម្មជាតិខ្នាតតូចចំនួន ៥ ស្ថិតនៅក្នុងឧទ្យានជាតិព្រះ មុនីវង្សបូកគោ ភូមិសាស្ត្រសង្កាត់ព្រែកត្នោត ខេត្តកំពត
ថ្ងៃ អង្គារ, 26 តុលា, 2021 កិច្ចប្រជុំពិនិត្យ ប្លង់មេនិងផែនការអភិវឌ្ឍន៍វិនិយោគទេសចរណ៍ធម្មជាតិខ្នាតតូចចំនួន ៥ ស្ថិតនៅក្នុងឧទ្យានជាតិព្រះ មុនីវង្សបូកគោ ភូមិសាស្ត្រសង្កាត់ព្រែកត្នោត ខេត្តកំពត
ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន បានជួបប្រជុំទ្វេភាគី ជាមួយលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) និងសហការី តាមរយៈប្រព័ន្ធវីដេអូ (Zoom)
ថ្ងៃ អង្គារ, 26 តុលា, 2021 ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន បានជួបប្រជុំទ្វេភាគី ជាមួយលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) និងសហការី តាមរយៈប្រព័ន្ធវីដេអូ (Zoom)
ពិធីប្រគល់-ទទួលឧបករណ៍វាស់កម្រិតបញ្ចេញឧស្ម័ន ពីយានយន្តនិង ឧបករណ៍វាស់កម្រិតសំឡេង
ថ្ងៃ ចន្ទ, 25 តុលា, 2021 ពិធីប្រគល់-ទទួលឧបករណ៍វាស់កម្រិតបញ្ចេញឧស្ម័ន ពីយានយន្តនិង ឧបករណ៍វាស់កម្រិតសំឡេង