ខេត្តសៀមរាប៖ នៅថ្ងៃព្រហស្បតិ៍-សុក្រ ១-២កើត ខែបុស្ស ឆ្នាំកុរ ព.ស.២៥៦៣ ត្រូវនឹងថ្ងែទី២៦-២៧ ខែធ្នូ ឆ្នាំ២០១៩ អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព (ក.ជ.អ.ច.) សហការជាមួយក្រសួងរ៉ែ និងថាមពល លេខាធិការដ្ឋានគណៈកម្មាធិការជាតិសម្រាប់ការអភិឌ្ឍតាមបែបប្រជាធិបតេយ្យនៅថ្នាក់ក្រោមជាតិ (NCDD-S) និងកម្មវិធីអភិវឌ្ឍន៍សហប្រជាជាតិ (UNDP) បានរៀបចំវេទិកាចែករំលែកចំណេះដឹងប្រចាំឆ្នាំស្តីពី «គម្រោងជំរុញបរិយាកាសអំណោយផលសម្រាប់ការអភិវឌ្ឍដោយចីរភាពនៅកម្ពុជា – BESD» ក្រោមអធិបតីភាព ឯកឧត្តម ទិន ពន្លក អគ្គលេខាធិការ និងជានាយកគម្រោងជំរុញបរិយាកាសអំណោយផលសម្រាប់ការអភិវឌ្ឍដោយចីរភាពនៅកម្ពុជា (BESD) និងមានការចូលរួមពីឯកឧត្តម លោកជំទាវ លោក លោកស្រី តំណាងក្រសួង-ស្ថាប័នពាក់ព័ន្ធ អង្គការមិនមែនរដ្ឋាភិបាល ដៃគូអភិវឌ្ឍន៍ និងគ្រឹះស្ថានឧត្តមសិក្សាជាច្រើននាក់។
ឯកឧត្តម ទិន ពន្លក បានបង្ហាញថា គម្រោងបានអនុវត្តន៍ក្រោមការសហការគ្នាពិដៃគូទទួលបានសមិទ្ធិផលសំខាន់ៗដូចជា៖ (១) រៀបចំសិក្ខាសាលាពិគ្រោះយោបល់ថ្នាក់ជាតិស្តីពីការបង់ថ្លៃសេវាកម្មប្រព័ន្ធអេកូឡូស៊ី (PES) ដោយបានកំណត់នូវជម្រើសសមស្របមួយចំនួនសម្រាប់អនុវត្តនៅកម្ពុជា (តំបន់ឧទ្យានជាតិភ្នំគូលែនសៀមរាប និងតំបន់ប្រើប្រាស់ច្រើនយ៉ាងទឹកសាបក្បាលឆាយ ខេត្តព្រះសីហនុ) និងផ្តល់ជាអនុសាសន៍ក្នុងការរៀបចំគោលនយោបាយសម្រាប់គៀរគរនូវធនធានហិរញ្ញវត្ថុបម្រើឱ្យសកម្មភាពអភិរក្ស និងការពារនូវប្រព័ន្ធអេកូឡូស៊ីទាំងនោះ។ ជាលទ្ធផល គឺត្រូវរៀបចំអនុវត្តការប្រតិបត្តិការងារការបង់ថ្លៃប្រព័ន្ធអេកូឡូស៊ីនេះ (២) សេដ្ឋកិច្ចចក្រា(Circular Economy) គឺបានបង្កើតក្រុមការងារគ្រប់គ្រងថង់ប្លាស្ទិច ផ្សព្វផ្សាយអប់រំអំពីការគ្រប់គ្រង និងការកាត់បន្ថយថង់ប្លាស្ទិកតាមរយៈយុទ្ធនាការនានា ដូចជា រៀបចំតន្ត្រីអប់រំបរិស្ថាននៅកំឡុងពេលបុណ្យអ៉ុំទុក បទចម្រៀងបែបអប់រំ គំនូរជីវចល ជាមួយសាកលវិទ្យាល័យភូមិន្ទភ្នំពេញ និងបានកំណត់យកក្រុងកែបជាក្រុងសាកល្បងមួយ ដោយធ្វើការប្រជុំផ្សព្វផ្សាយ ព្រមទាំងបានសិក្សាពីការកែច្នៃពីសំរាមទៅជាថាមពលជាមួយក្រុមហ៊ុន H&M (៣) ថាមពលកកើតឡើងវិញ គឺបានរៀបចំការសន្ទនាថ្នាក់គោលនយោបាយ ដោយបានធ្វើការជាមួយក្រុមហ៊ុន Energy Lab ការសិក្សាវាយតម្លៃហានិភ័យនៃការវិនិយោគថាមពលកកើតឡើងវិញ និងបានដាក់ឱ្យប្រើប្រាស់នូវកម្មវិធីថ្នាបណ្តុះបណ្តាលអាជីវកម្មថាមពលស្អាតក្នុងវិស័យកសិកម្ម និង (៤) ធ្វើការរៀបចំផែនការសកម្មភាពរួមបញ្ចូលគ្នាសម្រាប់ឆ្នាំ២០២០។
សូមបញ្ជាក់ថា វេទិកាចែករំលែកចំណេះដឹងស្តីពី «គម្រោងជំរុញបរិយាកាសអំណោយផលសម្រាប់ការអភិវឌ្ឍដោយចីរភាពនៅកម្ពុជា» រៀបចំឡើងក្នុងគោលបំណងដើម្បីពិនិត្យមើលលទ្ធផលសម្រចបាន មេរៀនបទពិសោធន៍ និងការអនុវត្តល្អៗទាំងផ្នែកគោលនយោបាយ និងការអនុវត្តផ្ទាល់ផងដែរ ដោយមានការគាំទ្រមូលនិធិពីស្ថានទូតស៊ុយអែតប្រចាំនៅកម្ពុជា និងកម្មវិធីអភិវឌ្ឍន៍សហប្រជាតិ៕

ព័ត៌មានបន្ថែម

សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ថ្ងៃ អង្គារ, 1 មិថុនា, 2021 សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
ថ្ងៃ ចន្ទ, 31 ឧសភា, 2021 ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១
ថ្ងៃ ព្រហស្បតិ៍, 27 ឧសភា, 2021 នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១