នៅថ្ងៃអង្គារ ១៣រោច ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៤ ខែធ្នូ ឆ្នាំ២០១៩ ឯកឧត្តម អ៊ាង សុផល្លែត រដ្ឋលេខាធិការក្រសួងបរិស្ថាន បានដឹកនាំប្រតិភូក្រសួងបរិស្ថានចូលរួមកិច្ចប្រជុំ ឧត្តមមន្ត្រីពិសេស សម្រាប់តំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA Special Senior Officials’ Meeting) នៅខេត្តសាឡាវ៉ាន ប្រទេសឡាវ។ សម្រាប់ប្រតិភូកម្ពុជាដែលចូលរួមកិច្ចប្រជុំនេះមានតំណាងមកពីក្រសួងពាណិជ្ជកម្ម ក្រសួងបរិស្ថាន ក្រសួងមហាផ្ទៃ ក្រសួងការបរទេស និងសហប្រតិបត្តិការអន្តរជាតិ ក្រសួងផែនការ ក្រសួងកសិកម្ម រុក្ខាប្រមាញ់ និងនេសាទ ក្រសួងសេដ្ឋកិច្ច និងហិរញ្ញវត្ថុ ក្រសួងផែនការ ក្រសួងការងារ និងបណ្តុះបណ្តាលវិជ្ជាជីវៈ ក្រសួងទេសចរណ៍ ធនាគារជាតិនៃកម្ពុជា ក្រុមប្រឹក្សាអភិវឌ្ឍន៍កម្ពុជា ព្រមទាំងរដ្ឋបាលខេត្តទាំង៤ (ក្រចេះ ស្ទឹងត្រែង រតនៈគិរី និងមណ្ឌលគិរី)។ កិច្ចប្រជុំនេះបានពិភាក្សា ផ្តោតលើការត្រួតពិនិត្យវឌ្ឍនភាពនៃការអនុវត្តសេចក្តីសម្រេចនៃកិច្ចប្រជុំកំពូលCLVលើកទី១០ និងកិច្ចប្រជុំឧត្តមមន្ត្រីCLVលើកទី១២ ហើយបានពិភាក្សាលើការរៀបចំកិច្ចប្រជុំកំពូលCLVលើកទី១១ ដែលនឹងត្រូវប្រព្រឹត្តទៅនៅខែមីនា ឆ្នាំ២០២០ នៅទីក្រុងវៀងចន្ទ ប្រទេសឡាវ៕

ព័ត៌មានបន្ថែម

ឯកឧត្តម វ៉ាន់ មុនីនាថ អញ្ជើញដឹកនាំកិច្ចប្រជុំលើកទី៣ ក្រុមការងារបច្ចេកទេស ទីក្រុងនិរន្តរភាព
ថ្ងៃ ព្រហស្បតិ៍, 6 សីហា, 2020 ឯកឧត្តម វ៉ាន់ មុនីនាថ អញ្ជើញដឹកនាំកិច្ចប្រជុំលើកទី៣ ក្រុមការងារបច្ចេកទេស ទីក្រុងនិរន្តរភាព
ការគ្រប់គ្រងបរិស្ថាននិងធនធានធម្មជាតិជាការងាររួមដើម្បីនិរន្តរភាពបរិស្ថាននិងធនធានធម្មជាតិ
ថ្ងៃ អង្គារ, 4 សីហា, 2020 ការគ្រប់គ្រងបរិស្ថាននិងធនធានធម្មជាតិជាការងាររួមដើម្បីនិរន្តរភាពបរិស្ថាននិងធនធានធម្មជាតិ
សារលិខិតជូនពរចំពោះសម្ដេចអគ្គមាហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក្នុងឱកាសដ៏មង្គលសួស្ដីប្រពៃថ្លៃថ្លា ពោរពេញដោយក្ដីសោមនស្សរីករាយ នៃពិធីចម្រើនជន្មាយុគម្រប់៦៩ ឈានចូល៧០ឆ្នាំ
ថ្ងៃ អង្គារ, 4 សីហា, 2020 សារលិខិតជូនពរចំពោះសម្ដេចអគ្គមាហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក្នុងឱកាសដ៏មង្គលសួស្ដីប្រពៃថ្លៃថ្លា ពោរពេញដោយក្ដីសោមនស្សរីករាយ នៃពិធីចម្រើនជន្មាយុគម្រប់៦៩ ឈានចូល៧០ឆ្នាំ