នៅព្រឹកថ្ងៃ ព្រហស្បត្តិ៍ ១រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែធ្នូ ឆ្នាំ២០១៩ នេះ លោកជំទាវ ម៉ុម ថានី រដ្ឋលេខាធិការ និងជាប្រធានគណកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងបរិស្ថាន បានអញ្ជើញជាអធិបតីក្នុងពិធីបើកសិក្ខាសាលា”ស្រ្តី និងបរិស្ថាន” នៅទីរួមខេត្តកំពង់ធំ ដោយមានការចូលរួមពីឯកឧត្តម ស៊ឹម យ៉ារ៉ែន អនុរដ្ឋលេខាធិការ និងប្រធានក្រុមការងារយុវជន ក្រសួងបរិស្ថាន លោកជំទាវ ព្រុំ សុភី អនុរដ្ឋលេខាធិការ និងជាប្រធានក្រុមការងារបច្ចេកទេសយេនឌ័រ និងកុមារតូច ក្រសួងបរិស្ថាន ប្រធានមន្ទីរបរិស្ថានខេត្តកំពង់ធំ និងសមាជិកសមាជិកាក្រុមការងារស្រ្តី យុវជន យេនឌ័រ និងកុមារតូចក្រសួងបរិស្ថានផងដែរ។លោកជំទាវបានមានប្រសាសន៍ថា សិក្ខាសាលានាឱកាសនេះ ជាជួបជុំពង្រឹងបន្ថែមទៀតនូវកិច្ចសហប្រតិបតិ្តការរវាងបណ្តាញក្រុមការងារទាំង៤ ដើម្បីពិនិត្យលើការអនុវត្តការងារកន្លងមក បញ្ហាប្រឈម និងផែនការសកម្មភាពថ្មីៗបន្ថែមទៀតសម្រាប់អនុវត្តឆ្នាំ២០២០ ជាពិសេសទស្សនកិច្ចសិក្សាស្វែងយល់ផ្ទាល់បទពិសោធន៍របស់សហគ្រិនជោគជ័យជាស្រ្តីនៃសិប្បកម្មកែច្នៃគ្រាប់ស្វាយចន្ទីជ័យសំបូរ ស្ថិតក្នុងស្រុកកំពង់ស្វាយ ខេត្តកំពង់ធំដែលឆ្លុះបញ្ចាំងពីគំនិតច្នៃប្រឌិត ឆន្ទៈតស៊ូ ការចែករំលែកភាពជាអ្នកដឹកនាំ និងភាពខ្លាំងរបស់ស្រ្តី។ជាមួយគ្នានេះដែរគណៈប្រតិភូក៏បានទស្សនានូវទិដ្ឋភាពនៅប្រាសាទសំបូរព្រៃគុហ៍ ដែលផ្សារភ្ជាប់ស្រ្តី និងបរិស្ថាន បង្កប់នូវគំនិតអប់រំពីតម្លៃដ៏មហាសាលនៃសម្បត្តិបេតិកភណ្ឌ វប្បធម៌ ធនធានធម្មជាតិរបស់យើងផងដែរ។ លោកជំទាវ ក៏បានចែករំលែក និងរំលឹកឡើងវិញ នូវសមិទ្ធិផលការងារដែលបានអនុវត្តកន្លងមក ក្នុងការលើកម្ពស់សុខមាលភាព ជីវភាព ការអនុវត្តនូវគោលនយោបាយគាំពារមន្រ្តីរាជការក្រសួងបរិស្ថាន ការបណ្តុះបណ្តាចំណេះដឹង និងជំនាញសំខាន់ៗដែលពាក់ពទ្ធ័ដល់មន្រ្តីរាជការជាស្រ្តី ដើម្បីជាធាតុចូលសំខាន់ៗក្នុងកិច្ចពិភាក្សាក្នុងអង្គសិក្ខាសាលាអោយកាន់តែផុលផុសថែមទៀត។គួរបញ្ជាក់ថា៖សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងបរិស្ថាន បង្កើតឡើង ក្នុងគោលបំណងស្នូលសំខាន់២គឺ លើកកម្ពស់សុខមាលភាព ជីវភាពមន្រ្តីរាជការក្រសួងបរិស្ថានតាមរយះការអនុវត្តនូវគោលនយោបាយគាំពារមន្រ្តីរាជការក្រសួងបរិស្ថានទាំង១១ចំនុច ដើម្បីរួមចំណែកសម្រេចបាននូវគោលដៅ និងផែនការយុទ្ធសាស្រ្តរួមក្នុងកិច្ចគាំពារបរិស្ថាន ការការពារធនធានធម្មជាតិ ការអភិរក្សជីវចម្រុៈ និងការអភិវឌ្ឍដោយចីរភាព ។

 

ព័ត៌មានបន្ថែម

ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១