កិច្ចប្រជុំអន្តរក្រសួង​ ស្តីពីការ​ពិនិត្យ និងផ្តល់​យោបល់លើរបាយការណ៍​វាយ​តម្លៃ​ហេតុប៉ះ​ពាល់​បរិស្ថាន និងសង្គម​ដំបូង ​(IESIA​​​) សម្រាប់​គម្រោង​អាជីវកម្ម​ថ្មសំណង់
_________________

ទីស្តីការក្រសួងបរិស្ថាន​ នៅព្រឹក​ ថ្ងៃព្រហស្បតិ៍ ១រោច ខែមិគសិរ​ ឆ្នាំកុរ​ ឯកស័ក​ ព.ស​ ២៥៦៣​ ត្រូវនឹងថ្ងៃទី១២ ខែធ្នូ​ ឆ្នាំ២០១៩ ឯកឧត្តម នេត្រ ភក្ត្រា រដ្ឋលេខាធិការនៃក្រសួងបរិស្ថាន​ បាន​ដឹកនាំកិច្ចប្រជុំអន្តរក្រសួង​ស្តីពីការ​ពិនិត្យ និងផ្តល់​យោបល់លើរបាយការណ៍​វាយ​តម្លៃ​ហេតុប៉ះ​ពាល់​បរិស្ថាន និងសង្គម​ដំបូង ​(IESIA​​​) សម្រាប់​គម្រោង​អាជីវកម្ម​ថ្មសំណង់ ​លើ​ផ្ទៃដី​ទំហំ ១៥,៩០ហិកតា ដែល​មាន​ទីតាំង​ស្ថិត​នៅ​តំបន់ភ្នំស្យា ក្នុងភូមិសាស្រ្ត​ភូមិ​ត្រពាំងរាំង ឃុំ​តានី ស្រុក​អង្គរជ័យ ខេត្ត​កំពត របស់​ក្រុមហ៊ុន CHH INVESTMENT CO,. LTD. (ម្ចាស់គម្រោង) ដែល​សិក្សា និង​រៀបចំ​របាយការណ៍​វាយ​តម្លៃ​ដោយក្រុម​ហ៊ុន​ទីប្រឹក្សា អធីអិម ហ្រ្គីន ខនសាល់ធេនស៊ី ឯ.ក។

កិច្ចប្រជុំនេះ​ មានសមាសភាពចូលរួមពីតំណាង​អគ្គនាយកដ្ឋានពាក់ព័ន្ធ នៃក្រសួង​បរិស្ថាន អគ្គលេខាធិការដ្ឋាន​នៃក្រុមប្រឹក្សាជាតិអភិវឌ្ឍន៍ដោយ​ចីរភាព​ តំណាង​​អន្តរក្រសួងពាក់ព័ន្ធ​ក្រុម​ប្រឹក្សា​អភិវឌ្ឍន៍​កម្ពុជា រដ្ឋបាល​ខេត្តកំពត មន្ទីរ​បរិស្ថាន​ខេត្តកំពត អង្គការ DPA នាយកដ្ឋាន​​វាយតម្លៃហេតុ​ប៉ះ​ពាល់​​បរិស្ថាន​នៃ​ក្រសួង​បរិស្ថាន តំណាង​ម្ចាស់​គម្រោង និងក្រុមហ៊ុន​ទីប្រឹក្សា​ សរុបប្រមាណ​ ៣៦នាក់។

ជារួម​ អង្គប្រជុំ​ បានទទួលលទ្ធផល​ ដូចខាងក្រោម៖
១-​ អង្គប្រជុំ​ បានគាំទ្រគម្រោងអាជីវកម្មថ្ម​សំណង់នេះ ដើម្បីចូលរួមអភិវឌ្ឍ​វិស័យ​សំណង់ និងផ្តល់ចំណូលចូលថវិកាជាតិ តាមរយៈការបង់ពន្ធ និងការបង់សួយសារ
២-​ ម្ចាស់គម្រោង​ និងក្រុមហ៊ុនទីប្រឹក្សាត្រូវសរសេរបញ្ចូលនៅពេលបញ្ចប់គម្រោងក្រុមហ៊ុន​ ត្រូវប្រគល់ដីជូនរដ្ឋ និងធ្វើការស្តារការដ្ឋានឡើងវិញ​ ដាក់​ចូលទៅក្នុងវាយតម្លៃហេតុប៉ះពាល់បរិស្ថាន និងសង្គមដំបូងនេះ
៣-​ ម្ចាស់គម្រោង​ ត្រូវធ្វើការបំផ្ទុះថ្មនៅចន្លោះពីម៉ោង ១២ថ្ងៃត្រង់ និងម៉ោង៦:០០នាទីល្ងាច និងត្រូវជូនដំណឹងមុន​ ឱ្យ​​ប្រជាពលរដ្ឋបានច្បាស់លាស់ជាប្រចាំ
៤-​ ម្ចាស់គម្រោង​ ត្រូវស្រោចទឹកទៅក្នុងការដ្ឋាន និងតាមផ្លូវដឹកជញ្ជូនយ៉ាង​យោចណាស់ ០៤ដង/ថ្ងៃ​ ដើម្បីកាត់បន្ថយការហុយធូលី និងត្រូវធ្វើការគ្របតង់រថយន្តពេលដឹកជញ្ជូន
៥-​ ម្ចាស់គម្រោង​ ត្រូវជីកស្រះស្តុកសំណល់ចេញពីការដ្ឋានឱ្យបានគ្រប់គ្រាន់​ ដើម្បីធានាថ្មសំណល់រាវដែលចេញពីការដ្ឋានមិនហូរចូលទៅក្នុង​ដីស្រែរបស់ប្រជាពលរដ្ឋ
៦-​ ម្ចាស់គម្រោង​ ត្រូវណែនាំអ្នកបើកបរឱ្យគោរពច្បាប់ចរាចរណ៍ និងត្រូវធ្វើការត្រួតពិនិត្យសារធាតុញៀនរៀងរាល់ ០៦ខែម្តង
៧-​ ម្ចាស់គម្រោង​ ត្រូវចុះបញ្ជី ប.ស.ស ជូនកម្មករឱ្យបានគ្រប់ៗគ្នា និងត្រូវពិនិត្យ​សុខភាពពួកគាត់រៀងរាល់ ០៦ខែម្តង
៨-​ ត្រូវរួមចំណែកជួយអភិវឌ្ឍន៍ការងារ​សង្គមនៅក្នុងសហគមន៍មូលដ្ឋាន
៩-​ ម្ចាស់គម្រោង​ ត្រូវកែសម្រួលរបាយការណ៍នេះ​ ស្របតាមស្មារតីអង្គប្រជុំ​៕

ព័ត៌មានបន្ថែម

មន្ទីរបរិស្ថាន​ខេត្ត​បាត់ដំបង​
ថ្ងៃ ចន្ទ, 27 មករា, 2020 មន្ទីរបរិស្ថាន​ខេត្ត​បាត់ដំបង​
លទ្ធផលគុណភាពខ្យល់បានបង្ហាញថា ស្ថានភាពគុណភាពខ្យល់នៅរាជធានីភ្នំពេញត្រឹមម៉ោង ១២ ថ្ងៃទី២៧ ខែមករា ឆ្នាំ ២០២០
ថ្ងៃ ចន្ទ, 27 មករា, 2020 លទ្ធផលគុណភាពខ្យល់បានបង្ហាញថា ស្ថានភាពគុណភាពខ្យល់នៅរាជធានីភ្នំពេញត្រឹមម៉ោង ១២ ថ្ងៃទី២៧ ខែមករា ឆ្នាំ ២០២០
ប្រពៃណីវប្បធម៌ នៃធម្មជាតិ កើតមានរហូតដល់សព្វថ្ងៃនៅក្នុងតំបន់អង្គរ ខេត្តសៀមរាប
ថ្ងៃ អាទិត្យ, 26 មករា, 2020 ប្រពៃណីវប្បធម៌ នៃធម្មជាតិ កើតមានរហូតដល់សព្វថ្ងៃនៅក្នុងតំបន់អង្គរ ខេត្តសៀមរាប