កិច្ចប្រជុំពិនិត្យសេចក្តីព្រាងប្រកាសស្តីពី នីតិវិធីនៃការគ្រប់គ្រង ការប្រមូលចំណូល​ និងការប្រើប្រាស់មូលនិធិបរិស្ថាន និងសង្គម

រតនគិរី ៖ កិច្ចប្រជុំពិនិត្យសេចក្តីព្រាងគោលការណ៍ណែនាំស្តីពី នីតិវិធីនៃការគ្រប់គ្រង និងប្រើប្រាស់មូលនិធិបរិស្ថាន និងសង្គម​ បានរៀបចំឡេីងក្រោមអធិបតីភាព ឯកឧត្តម សូ ខនឬទ្ធីគុណ រដ្ឋលេខាធិការក្រសួងបរិស្ថាន និង​ឯកឧត្តម​ វង់​ សណ្តាប់​ អនុរដ្ឋលេខាធិការ​ក្រសួង​សេដ្ឋកិច្ច​និង​ហិរញ្ញវត្ថុ​ និងដោយមានការចូលរួមពីថ្នាក់ដឹកនាំក្រសួងបរិស្ថាន ក្រសួងសេដ្ឋកិច្ច និងហិរញ្ញវត្ថុ មន្រ្តីតាមមន្ទីរ អង្គភាពពាក់ព័ន្ធនានា នៅព្រឹកថ្ងៃទី១២ ខែធ្នូ ឆ្នាំ២០១៩ នៅមន្ទីរបរិស្ថានខេត្តរតនគិរី ។

កិច្ចប្រជុំនេះរៀបចំឡើងដើម្បីប្រមូលធាតុចូល សម្រាប់គោលការណ៍ណែនាំស្តីពី នីតិវិធីនៃការគ្រប់គ្រង និងប្រើប្រាស់មូលនិធិបរិស្ថាន និងសង្គម ឱ្យមានប្រសិទ្ធភាព ដោយផ្តោតទៅលើការពិនិត្យពិភាក្សាលើនិតិវិធីនៃប្រើប្រាស់មូលនិធិបរិស្ថាន និងសង្គម ។

ក្នុងឱកាសនោះ ឯកឧត្តម សូ ខនឬទ្ធិគុណ បានមានប្រសាសន៍ថា ៖ នីតិវិធីនៃការគ្រប់គ្រង ការប្រមូលចំណូល​ និងការប្រើប្រាស់មូលនិធិបរិស្ថាន និងសង្គម​ មានសារៈសំខាន់ចូលរួមកិច្ចគាំពារបរិស្ថាន អភិរក្សជីវៈចម្រុះ និងប្រើប្រាស់ធនធានធម្មជាតិឱ្យបានសមស្រប មាននិរន្តភាព និងការរស់នៅរបស់ប្រជាពលរដ្ឋ ដោយចីរភាព ។

ឯកឧត្តមបានបន្តថា កិច្ចប្រជុំនៅថ្ងៃនេះ បានចូលរួមចំណែកយ៉ាងសំខាន់ ដើម្បីឱ្យភាគីពាក់ព័ន្ធទាំងអស់ បានចូលរួមមតិយោបល់ទៅលើសេចក្តីព្រាងគោលការណ៍ណែនាំស្តីពី នីតិវិធីនៃការគ្រប់គ្រង និងប្រើប្រាស់មូលនិធិ ក្នុងគម្រោងនានាដើម្បីផលប្រយោជន៍សង្គម និងបរិស្ថាន ។

សូមបញ្ជាក់ថា មូលនិធិបរិស្ថាន និងសង្គម ត្រូវផ្តល់សម្រាប់សកម្មភាព ៖
• ការគាំពារបរិស្ថាន ការអភិរក្សព្រៃឈើ ជីវៈចម្រុះ និងប្រព័ន្ធអេកូឡូស៊ី ប្រកបដោយនិរន្តភាព និងការរស់នៅប្រកបដោយចីរភាព
• ការស្តារបរិស្ថាន និងកែលម្អធនធានជីវៈចម្រុះ និងប្រព័ន្ធអេកូឡូស៊ីឡើងវិញ នៅទូទាំងព្រះរាជាណាចក្រកម្ពុជា
• ការអភិវឌ្ឍហេដ្ឋារចនាសម្ព័ន្ធ និងធ្វើឱ្យប្រសើរឡើងវិញនូវជីវភាពរស់នៅប្រចាំថ្ងៃរបស់ប្រជាជន ដែលរស់នៅក្នុង និងក្បែរតំបន់គម្រោងអភិវឌ្ឍន៍ ឬតំបន់ផ្សេងទៀត
• ការសិក្សាស្រាវជ្រាវបច្ចេកទេសវិទ្យាសាស្រ្តជីវៈចម្រុះ និងប្រព័ន្ធអេកូឡូស៊ី
• ការស្រាវជ្រាវបច្ចេកទេស និងវិទ្យាសាស្រ្តលើវិស័យបរិស្ថាន
• ការផ្សព្វផ្សាយពីវិស័យបរិស្ថាន
• ទ្រទ្រង់កម្មវិធីបង្កើតសហគមន៍ការពារធម្មជាតិ និងសហគមន៍នានាបម្រើឱ្យវិស័យបរិស្ថាន
• ការបណ្តុះបណ្តាលធនធានមនុស្សសម្រាប់វិស័យបរិស្ថាន និងធនធានធម្មជាតិ
• ការអប់រំផ្សព្វផ្សាយលើតំបន់ការពារធម្មជាតិ ៕

ព័ត៌មានបន្ថែម

សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ថ្ងៃ អង្គារ, 1 មិថុនា, 2021 សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
ថ្ងៃ ចន្ទ, 31 ឧសភា, 2021 ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១
ថ្ងៃ ព្រហស្បតិ៍, 27 ឧសភា, 2021 នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១