ក្រសួងបរិស្ថានបណ្តុះបណ្តាល មន្ត្រីក្របខណ្ឌថ្មីឆ្នាំ២០១៩ ស្តីពី «ក្របខណ្ឌការងារច្បាប់ និងលិខិតបទដ្ឋានគតិយុត្តនៃក្រសួងបរិស្ថាន»

នៅទីស្តីការក្រសួងបរិស្ថាន​ នាថ្ងៃទី១៥កើត ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១១ ខែធ្នូ ឆ្នាំ២០១៩ ក្រសួងបរិស្ថាន បានបើកវគ្គបណ្តុះបណ្តាល ស្តីពី «ក្របខណ្ឌការងារច្បាប់ និងលិខិតបទដ្ឋានគតិយុត្តនៃក្រសួងបរិស្ថាន» ជូនដល់មន្ត្រីក្របខណ្ឌថ្មីឆ្នាំ២០១៩ក្រោមអធិបតីភាព​ឯកឧត្តម​ សុខ​ គាង​ អនុរដ្ឋលេខាធិការក្រសួងបរិស្ថាន​ និងមានការអញ្ជេីញចូលរួម​​ថ្នាក់ដឹកនាំ​ និង មន្រ្ដី​ក្រសួង​បរិស្ថាន​ គ្រូឧទ្ទេសនាមជាច្រេីននាក។

ឯកឧត្តម​ សុខ​ គាង​ បានលេីកទឹកចិត្តឱ្យសិក្ខាកាមយកចិត្តទុកដាក់​ ស្តាប់​និងប្រែក្លាយការសិក្សាទៅជាការអនុវត្តជាក់ស្តែង​ក្នុងការប្រតិបត្តិការងាររបស់ក្រសួងបរិស្ថាន ។ ឯកឧត្តម​ បានបញ្ជាក់ថា​វគ្គបណ្តុះបណ្តាលរៀបចំឡេីងក្នុងពេលនេះ ជាការឆ្លើយតបទៅនឹងគោលនយោបាយយុទ្ធសាស្ត្រចតុកោណដំណាក់កាលទី៤ នៃរាជរដ្ឋាភិបាលអាណត្តិទី៦នេះ ក្នុងទិសដៅអនុវត្តកំណែទម្រង់រដ្ឋបាលសាធារណៈ ពិសេសការកសាង និងការអភិវឌ្ឍសមត្ថភាពមន្ត្រីរាជការលើការងារបរិស្ថាន ដែលជាថ្នាលបណ្តុះនូវធនធានមនុស្ស សម្រាប់ក្របខណ្ឌច្បាប់ការងារបរិស្ថាន និងលិខិតបទដ្ឋានគតិយុត្តិនានា ក្នុងការយល់ដឹងពីតួនាទីភារកិច្ច និងជាពុទ្ធិដ៍សំខាន់សម្រាប់យកទៅអនុវត្តក្នុងអង្គភាពរបស់ខ្លួនក្នុងនាមជាមន្រ្តីរាជការ ។
សូមបញ្ជាក់ថា​ វគ្គបណ្តុះបណ្តាលនេះមានមន្រ្តីចូលរួមចំនួន៥០រូប និងមានរយៈពេល១០ថ្ងៃ ចាប់ពីថ្ងៃទី១១-២១​ ខែធ្នូ​ ឆ្នាំ២០១៩​ ដែលមានគ្រូឧទ្ទេសមានបទពិសោធន៍ មកពីបណ្តាអគ្គនាយកដ្ឋាននានានៃក្រសួងបរិស្ថាន លេីមេរៀនចំនួន០៧មេរៀន៖
១. ក្របខណ្ឌលិខិតបទដ្ឋានគតិយុត្តលើការងាររដ្ឋបាលការពារ និងច្បាប់ស្តីពីតំបន់ការពារធម្មជាតិ
២. ក្របខណ្ឌការងារចំណេះដឹង និងព័ត៌មានបរិស្ថាន
៣. ក្របខណ្ឌលិខិតបទដ្ឋានគតិយុត្តលើការងារកិច្ចគាំពារបរិស្ថាន
៤. ក្របខណ្ឌលិខិតបទដ្ឋានគតិយុត្តលើការងារសហគមន៍មូលដ្ឋាន
៥. ការងារហិរញ្ញវត្ថ និងថវិកា
៦. ការងារផែនការ និងថវិកា
៧. ការងារធនធានមនុស្ស

ព័ត៌មានបន្ថែម

កម្មវិធីបើកវគ្គបណ្ដុះបណ្ដាលស្ដីពី តួនាទីរបស់ក្រុមប្រឹក្សាឃុំក្នុងការចូលរួមគ្រប់គ្រងតំបន់ការពារធម្មជាតិ
ថ្ងៃ ពុធ, 25 វិច្ឆិកា, 2020 កម្មវិធីបើកវគ្គបណ្ដុះបណ្ដាលស្ដីពី តួនាទីរបស់ក្រុមប្រឹក្សាឃុំក្នុងការចូលរួមគ្រប់គ្រងតំបន់ការពារធម្មជាតិ
កិច្ចប្រជុំតាមប្រព័ន្ធអនឡាញស្ដីពី ការវាយតម្លៃសេវាកម្មអេកូឡូស៊ី​នៅកម្ពុជា
ថ្ងៃ ពុធ, 25 វិច្ឆិកា, 2020 កិច្ចប្រជុំតាមប្រព័ន្ធអនឡាញស្ដីពី ការវាយតម្លៃសេវាកម្មអេកូឡូស៊ី​នៅកម្ពុជា
ពិធីចុះហត្ថលេខាកិច្ចព្រមព្រៀងអនុវត្តន៍ «គម្រោងទប់ស្កាត់នឹងសំណល់ប្លាស្ទិកក្នុងសមុទ្រនៅកម្ពុជា»
ថ្ងៃ ពុធ, 25 វិច្ឆិកា, 2020 ពិធីចុះហត្ថលេខាកិច្ចព្រមព្រៀងអនុវត្តន៍ «គម្រោងទប់ស្កាត់នឹងសំណល់ប្លាស្ទិកក្នុងសមុទ្រនៅកម្ពុជា»