កិច្ចប្រជុំអន្តរក្រសួងលើគម្រោងបង្កើតរោងចក្រវាយនភណ្ឌ និងកាត់ដេររបស់ក្រុមហ៊ុន ថបស្ព័ត ថេកស្ថាយ អិលធីឌី
______________________

នៅទីស្តីការក្រសួងបរិស្ថាន នៅព្រឹក ថ្ងៃច័ន្ទ ១៣កើត ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៩ ខែធ្នូ ឆ្នាំ២០១៩ លោកជំទាវ ម៉ុម ថានី រដ្ឋលេខាធិការនៃក្រសួងបរិស្ថាន បានដឹកនាំកិច្ចប្រជុំអន្តរក្រសួងស្តីពី​ការពិនិត្យ និងផ្តល់យោបល់លើ​របាយការណ៍វាយតម្លៃហេតុ​ប៉ះពាល់បរិស្ថាន និងសង្គមពេញលេញ (ESIA) សម្រាប់គម្រោងបង្កើតរោងចក្រវាយនភណ្ឌ និងកាត់ដេរ នៅលើផ្ទៃដីទំហំ ១២២.៣៣៥ម៉ែត្រក្រឡា ដែល​មាន​ទីតាំងស្ថិតនៅសង្កាត់បាវិត ក្រុងបាវិត ខេត្តស្វាយរៀង របស់ក្រុមហ៊ុន ថបស្ព័ត ថេកស្ថាយ អិលធីឌី ដែលសិក្សា និងរៀបចំរបាយការណ៍​ដោយក្រុមហ៊ុនទីប្រឹក្សា អ៊ី & អេ ខនសាល់ធេន។

ជារួម​ អង្គប្រជុំ​ បានទទួលលទ្ធផល​ ដូចខាងក្រោម៖
១-​ អង្គប្រជុំគាំទ្រគម្រោងខាងលេី
២-​ ម្ចាស់គម្រោង​ ត្រូវត្រួតពិនិត្យឱ្យច្បាស់លាស់ចំពោះការគ្រប់គ្រងសំណល់រឹង-រាវ ជាពិសេសការបង្ហូរសំណល់រាវចូលទៅក្នុងព្រែកតាពៅ
៣-​ ម្ចាស់គម្រោង​ ត្រូវបញ្ចូលបន្ថែមនូវ​លិខិតបទដ្ឋានគតិយុត្តផ្សេងៗ​ ដែលពាក់ព័ន្ធនឹងគម្រោង និងបញ្ចូលបន្ថែម​នូវមតិយោបល់របស់អង្គប្រជុំទៅក្នុងរបាយការណ៍នេះ
៤-​ ម្ចាស់គម្រោង​ ត្រូវធ្វើការសហការឱ្យបានល្អជាមួយអាជ្ញាធរមូលដ្ឋាន និងស្ថាប័នជំនាញពាក់ព័ន្ធ ដើម្បីធ្វើការពិនិត្យគុណភាពទឹកដែលបង្ហូរចូលទៅក្នុងអូរតាពៅ
៥-​ ម្ចាស់គម្រោង និងក្រុមហ៊ុនទីប្រឹក្សាត្រូវបញ្ចូលបន្ថែមនូវការប្តេជ្ញាចិត្តរបស់ក្រុមហ៊ុនក្នុងការការពារបរិស្ថាន​ ដែលក្រុមហ៊ុនបានលើកឡើងនៅក្នុងអង្គប្រជុំសម្រាប់អនុវត្តឆ្នាំ២០២០
៦-​ អង្គប្រជុំ​ស្នើសុំឱ្យក្រុមប្រឹក្សាអភិវឌ្ឍន៍កម្ពុជា​ ជួយផ្តល់ព័ត៌មានបន្ថែម​ទៅលើការគ្រប់គ្រងសំណល់រាវដែលចេញពីតំបន់សេដ្ឋកិច្ចពិសេស ទៅកាន់អូរតាពៅ
៧-​ ក្រសួងលើកទឹកចិត្តដល់ក្រុមហ៊ុនក្នុងការធ្វើអាង/ ស្រះស្តុកទឹកដែលចេញពីអាងប្រពឹត្តកម្ម
៨-​ ម្ចាស់គម្រោង​ ត្រូវត្រួតពិនិត្យ និងគ្រប់គ្រងទៅលើការចែកចាយ​សំណល់ធុងសារធាតុគីមីឱ្យបានច្បាស់លាស់​ ដើម្បីធានាថាមិនប៉ះពាល់ដល់សុខភាពសាធារណៈ
៩-​ ម្ចាស់គម្រោង​ ត្រូវធ្វើការគ្រប់គ្រងផេះធ្យូងថ្ម និងសំណល់ភក់ឱ្យបានត្រឹមត្រូវទៅតាមលក្ខណះបច្ចេកទេស
១០-​ ម្ចាស់គម្រោង​ ត្រូវកាត់បន្ថយផល​ប៉ះពាល់ដោយសម្លេង ដោយគិតគូពីសុខភាពបុគ្គលិក-កម្មករ ជាពិសេស ម្ចាស់គម្រោង​ ត្រូវគោរពទៅតាមច្បាប់ការងារដែលបានកំណត់៕

ព័ត៌មានបន្ថែម

ប្រពៃណីវប្បធម៌ នៃធម្មជាតិ កើតមានរហូតដល់សព្វថ្ងៃនៅក្នុងតំបន់អង្គរ ខេត្តសៀមរាប
ថ្ងៃ អាទិត្យ, 26 មករា, 2020 ប្រពៃណីវប្បធម៌ នៃធម្មជាតិ កើតមានរហូតដល់សព្វថ្ងៃនៅក្នុងតំបន់អង្គរ ខេត្តសៀមរាប
កិច្ចប្រជុំស្តីពី «បច្ចុប្បន្នភាព នៃការគ្រប់គ្រងតំបន់ដែនជម្រកសត្វព្រៃ គូលែន-ព្រហ្មទេព»
ថ្ងៃ ព្រហស្បតិ៍, 23 មករា, 2020 កិច្ចប្រជុំស្តីពី «បច្ចុប្បន្នភាព នៃការគ្រប់គ្រងតំបន់ដែនជម្រកសត្វព្រៃ គូលែន-ព្រហ្មទេព»
ពិធីសម្ពោធដាក់ឱ្យប្រើប្រាស់ជាផ្លូវការសាលាបឋមសិក្សាស្រែអ៊ី និងការ ប្រកាសដាក់ឱ្យដំណើរការគម្រោងអេកូទេសចរណ៍ ស្ថិតនៅក្នុងខេត្តមណ្ឌលគិរី
ថ្ងៃ ពុធ, 22 មករា, 2020 ពិធីសម្ពោធដាក់ឱ្យប្រើប្រាស់ជាផ្លូវការសាលាបឋមសិក្សាស្រែអ៊ី និងការ ប្រកាសដាក់ឱ្យដំណើរការគម្រោងអេកូទេសចរណ៍ ស្ថិតនៅក្នុងខេត្តមណ្ឌលគិរី