កិច្ចប្រជុំពិភាក្សាថ្នាក់តំបន់ស្ដីពី ការប្តេជា្ញ តម្លាភាព និងមហិច្ឆិតានៃ​សកម្មភាពអាកាសធាតុនៅតំបន់អាស៊ី អាគ្នេយ៍

មន្ត្រីក្រសួងបរិស្ថា​ន​ បានចូលរួមចែករំលែក​បទពិសោធន៍របស់កម្ពុជាពាក់ព័ន្ធនឹងការបញ្ជ្រាប​ភាពធន់នឹងអាកាសធាតុទៅក្នុងផែនការអភិវឌ្ឍន៍នៅតំបន់អាស៊ីអាគ្នេយ៍ ក្នុងកិច្ចប្រជុំពិភាក្សាថ្នាក់តំបន់ស្ដីពី ការប្តេជា្ញ តម្លាភាព និងមហិច្ឆិតានៃ​សកម្មភាពអាកាសធាតុនៅតំបន់អាស៊ី អាគ្នេយ៍។
………………………………………
កាលពីព្រឹកថ្ងៃទី០៧ ខែធ្នូ ឆ្នាំ២០១៩ លោក​ ហេង ចាន់ធឿន អនុប្រធាននាយកដ្ឋានប្រែប្រួលអាកាស​ធាតុ និងលោកស្រី ភឿក រាសី អនុប្រធានការិយាល័យនៃនាយកដ្ឋានប្រែប្រួលអាកាសធាតុ​បានចូលរួមចែករំលែកបទពិសោធន៍របស់កម្ពុជា​ពាក់ព័ន្ធនឹងការ​បញ្ជ្រាបភាពធន់នឹងអាកាសធាតុទៅក្នុងផែនការអភិវឌ្ឍន៍នៅតំបន់អាស៊ីអាគ្នេយ៍ ក្នុងកិច្ចប្រជុំពិភាក្សាថ្នាក់តំបន់ស្ដីពីការប្តេជា្ញ តម្លាភាព និងមហិច្ឆិតា​ នៃសកម្មភាពអាកាសធាតុនៅតំបន់អាស៊ីអាគ្នេយ៍ នាទីក្រុងម៉ាឌ្រីត​ ប្រទេសអេស្បាញ​។ កិច្ចប្រជុំពិភាក្សា​នេះ​ មានតំណាងមកពីប្រទេស ឥណ្ឌូនេស៊ី មីយ៉ាន់ម៉ា កម្ពុជា អង្គការកម្មវិធីបរិស្ថានសហប្រជាជាតិ មូលនិធិអាកាសធាតុបៃតង និងធនាគារអភិវឌ្ឍន៍អាស៊ី​ ដោយផ្ដោតលេីចំណុច​សំខាន់ៗ​ទៅ​លេីកាលានុវត្តភាពតាមវិស័យអាទិភាព​សម្រាប់មហិច្ឆិតា​សកម្ម​ភាពអាកាសធាតុ​នូវធាតុបន្ស៊ាំក្នុងការរួមចំណែកថ្នាក់ជាតិក្នុងការអនុវត្តអនុសញ្ញាUNFCCC (NDC) ឧបសគ្គនៃក្នុងការអនុវត្តNDC នៃហិរញ្ញប្បទាន បច្ចេក​វិទ្យា និងសមត្ថភាព រួមទាំងការចែករំលែកបទពិសោធន៍ល្អៗ​ពីបណ្តាលប្រទេសពាក់ព័ន្ធដែល​បានអនុវត្តកន្លងមក​ ដេីម្បីបន្តការអនុវត្តសកម្មភាព​នេះ​ នៅតំបន់អាស៊ីអាគ្នេយ៍៕