កិច្ចប្រជុំអន្តរក្រសួង​ ស្តីពីការពិនិត្យ និងផ្តល់យោបល់លើរបាយការណ៍​វាយតម្លៃ​ហេតុប៉ះពាល់បរិស្ថាន និងសង្គមដំបូង (IESIA) លើគម្រោងបង្កើតរោងចក្រផលិតក្រដាសវេចខ្ចប់គ្រប់ប្រភេទ
______________

នៅទីស្តីការក្រសួងបរិស្ថាន នារសៀលថ្ងៃព្រហស្បតិ៍ ៩កើត ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី០៥ ខែធ្នូ ឆ្នាំ២០១៩ ឯកឧត្តម សូ ខនឬទ្ធីគុណ រដ្ឋលេខាធិការនៃក្រសួងបរិស្ថាន បានដឹកនាំកិច្ចប្រជុំអន្តរក្រសួង​ ដើម្បីពិនិត្យ និងផ្តល់យោបល់លើ​របាយការណ៍វាយតម្លៃ​ហេតុប៉ះពាល់បរិស្ថាន និងសង្គមដំបូង (IESIA) លើគម្រោងបង្កើតរោងចក្រផលិតក្រដាសវេចខ្ចប់គ្រប់ប្រភេទ លើផ្ទៃដីទំហំ ៤១.៦១៦ម៉ែត្រការ៉េ ដែលមាន​ទីតាំងស្ថិតភូមិស្រះកែវ ឃុំកំពង់ព្រះ ស្រុកសង្កែ ខេត្តបាត់ដំបង របស់ក្រុមហ៊ុន ដុងលាង ផេភើរ មីល អ៊ិនដាសស្រ្ទី ថេកណឡជី (ខេម បូ ឌា) ឯ.ក (ម្ចាស់គម្រោ ង) ដែលបានសិក្សា និងរៀបចំរបាយការណ៍វាយតម្លៃហេតុ​ប៉ះពាល់បរិស្ថានដោយក្រុមហ៊ុន​ទីប្រឹក្សា អេស ប៊ី ខេ ស្រាវជ្រាវ និង​អភិវឌ្ឍន៍។

កិច្ចប្រជុំនេះ​ មានសមាសភាពចូលរួមពីឯកឧត្តម លោក លោកស្រី តំណាងអគ្គនាយកដ្ឋាននៃក្រសួងបរិស្ថាន អគ្គលេខាធិការដ្ឋាន​នៃ​ក្រុមប្រឹក្សា​ជាតិ​អភិវឌ្ឍន៍​ដោយចីរភាព​ និងអន្តរក្រសួង​ពាក់ព័ន្ធ​ ក្រុមប្រឹក្សាអភិវឌ្ឍន៍កម្ពុជា រដ្ឋបាលខេត្តបាត់ដំបង​ និងមន្ទីរបរិស្ថានខេត្តបាត់ដំបង តំណាងនាយកដ្ឋានវាយតម្លៃ​ហេតុប៉ះពាល់បរិស្ថាន តំណាងក្រុមហ៊ុន ដុងលាង ផេភើរ មីល អ៊ិនដាសស្រ្ទី ថេកណឡជី (ខេមបូឌា) ឯ.ក (ម្ចាស់គម្រោ ង) និងក្រុមហ៊ុនទីប្រឹ ក្សា អេស ប៊ី ខេ ស្រាវជ្រាវ និងអភិវឌ្ឍន៍​ ចំនួន​ ៣៦នាក់។

ជារួម​ អង្គប្រជុំ​ បានទទួលលទ្ធផល​ ដូចខាងក្រោម៖
១-​ អង្គប្រជុំ​ បានគាំទ្រចំពោះគម្រោង​វិនិយោគខាងលើ
២-​ ក្រុមហ៊ុនម្ចាស់គម្រោង​ ត្រូវរៀបចំអាងប្រព្រឹត្តកម្មសំណល់រាវ ដោយ​សំណល់រាវត្រូវគោរពតាមស្តង់ដារ​បទដ្ឋានរបស់ក្រសួងបរិស្ថាន
៣-​ ក្រុមហ៊ុនម្ចាស់គម្រោង​ ត្រូវកែសម្រួល​របាយការណ៍​នេះ​ ស្របតាមស្មារតីអង្គប្រជុំ​៕

ព័ត៌មានបន្ថែម

សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ថ្ងៃ អង្គារ, 1 មិថុនា, 2021 សម្តេចតេជោ នាយករដ្ឋមន្រ្តី បានចែករំលែកទស្សនៈផ្ទាល់ខ្លួន៦ចំណុចជាមួយថ្នាក់ដឹកនាំកំពូលពិភពលោកនៅក្នុងប្រជុំកំពូលទីក្រុងសេអ៊ូលលើកទី២ នៃភាពជាដៃគូសម្រាប់ការអភិវឌ្ឍន៍បៃតង និងគោលដៅសកលឆ្នាំ២០៣០ (P4G)
ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
ថ្ងៃ ចន្ទ, 31 ឧសភា, 2021 ឯកឧត្តម សាយ សំអាល់៖ សហគមន៍ជាដៃគូសន្ទនាជាមួយរាជរដ្ឋាភិបាល ក្នុងការធានានិរន្តរភាពនៃការគ្រប់គ្រងធនធានធម្មជាតិ
នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១
ថ្ងៃ ព្រហស្បតិ៍, 27 ឧសភា, 2021 នៅព្រឹក ថ្ងៃពុធ ១៥កើត ខែជេស្ឋ ឆ្នាំឆ្លូវ ត្រូវនឹងថ្ងៃទី ២៦ ខែឧសភា ឆ្នាំ២០២១