ក្រុមការងារជំនាញក្រសួងបរិស្ថានពិនិត្យលើការអភិរក្សវប្បធម៌នៅ«ភ្នំត្បែង»

ដោយមានការគាំទ្រពីមូលនិធិហ៊ែនរិកបូលប្រទេសអាល្លឹម៉ង់ ចាប់ពីថ្ងៃទី០១-០៦ ខែធ្នូ ឆ្នាំ២០១៩ នាយកដ្ឋានតំបន់បេតិកភណ្ឌ នៃអគ្គនាយកដ្ឋានសហគមន៍មូលដ្ឋាន ចុះសិក្សាវាយតម្លៃស្ដីពី “ការចុះបញ្ជីដីព្រៃអារក្ស និងដីព្រៃកប់ខ្មោចក្នុងដីសមូហភាពរបស់សហគមន៍ជនជាតិដើមភាគតិចកួយ នៅភូមិក្រាំងដូង និងភូមិអន្លង់ស្វាយ ឃុំព្រះឃ្លាំង ស្រុកត្បែងមានជ័យ ខេត្តព្រះវិហារ។ លោក លឿង កេសរោ ប្រធាននាយកដ្ឋានតំបន់បេតិកភណ្ឌ បានបញ្ជាក់ឱ្យដឹងថាការចុះសិក្សានេះរៀបចំឡើងដោយមានការចូលរួមពីភាគីពាក់ព័ន្ធសំខាន់ៗដែលអញ្ជើញមកពី មន្ទីរបរិស្ថានខេត្តព្រះវិហារ មន្ទីររៀបចំដែនដី នគររូបនីយកម្ម និងសំណង់ និងមន្រ្តីឧទ្យានុរក្សប្រចាំការស្នាក់ការតំបន់បេតិកភណ្ឌធម្មជាតិភ្នំត្បែង តំណាងអង្គការសមាគមអភិរក្សសត្វព្រៃ ក្រុមប្រឹក្សាឃុំព្រះឃ្លាំង និងសមាជិកគណៈកម្មាធិការសហគមន៍ជនជាតិដើមភាគតិចកួយភូមិព្រះឃ្លាំង និងភូមិអន្លង់ស្វាយ ក្នុងគោលបំណងដើម្បីស្វែងយល់ពីតម្រូវការប្រើប្រាស់ដីទាំងពីរប្រភេទជាលក្ខណៈប្រពៃណី។

សូមបញ្ជាក់ថា ក្រុមការងារបានចុះទៅពិនិត្យមើលការប្រើប្រាស់តំបន់ព្រៃអារក្ស តំបន់បេតិកភណ្ឌវប្បធម៌របស់ជនជាតិដើមភាគតិចកួយ ដែលតែងតែបន្តការគោរពប្រពៃណី និងជំនឿពីបុរាណ នៅតាមតំបន់វប្បធម៌រួមមាន ពើងល្អាងកួយ ប្រាសាទព្រះលាន និងព្រះវិហារចាស់ជាដើម ដែលស្ថិតក្នុងតំបន់បេតិកភណ្ឌធម្មជាតិ «ភ្នំត្បែង»។ ជាមួយគ្នានេះ ក្រុមការងារក៏បានចុះទៅពិនិត្យលើការបន្តប្រើប្រាស់ ព្រៃកប់សព របស់ជនជាតិដើមភាគតិចកួយ និងទីតាំងផ្នូរបូរាណ ជាទីកន្លែងដែលពួកគាត់នៅបន្តគោរព និងអភិរក្សមកទល់បច្ចុប្បន្នផងដែរ។

  

ព័ត៌មានបន្ថែម

ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ថ្ងៃ អង្គារ, 12 តុលា, 2021 កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)
ថ្ងៃ ចន្ទ, 11 តុលា, 2021 ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)