សិក្ខាសាលាពិគ្រោះយោបល់លើសេចក្តីព្រាងមាតិកាសៀវភៅអប់រំ បរិស្ថានសម្រាប់កុមារតូច

សិក្ខាសាលាពិគ្រោះយោបល់លើសេចក្តីព្រាងមាតិកាសៀវភៅអប់រំ បរិស្ថានសម្រាប់កុមារតូច

ឯកឧត្តម ជួប ប៉ារីស៍ អគ្គនាយក​នៃអគ្គនាកដ្ឋានចំណេះដឹ​ងនិងព័ត៌មានបរិស្ថាន​ អញ្ជេីញ​បើកសិក្ខាសាលាពិគ្រោះយោបល់លើសេចក្តីព្រាងមាតិកាសៀវភៅអប់រំ បរិស្ថាន សម្រាប់កុមារតូចនៅទីស្តីការក្រសួងបរិស្ថាន ថ្ងៃទី២៩ ខែវិច្ឆិកា ឆ្នាំ២០១៩។

ឯកឧត្តម ជួប ប៉ារីស៍ មានប្រសាសន៍ថាក្រសួងបរិស្ថាន ជាសេនាធិការ ឱ្យរាជរដ្ឋាភិបាល កម្ពុជា និងមានតួនាទី ជា អ្នករៀបចំ គោលនយោបាយផង អ្នកសម្របសម្រួល អនុវត្ត ផង ជាមួយក្រសួង-ស្ថាប័នពាក់ព័ន្ធ ក្នុងកិច្ច គាំពារ បរិស្ថាន ការអភិរក្សជីវៈចម្រុះ ការ ប្រើប្រាស់​ធនធានធម្មជាតិឱ្យមាននិរន្តរភាព និងការរស់នៅដោយចីរភាព។ ជាមួយ​គ្នានេះ​ក្រសួងបរិស្ថាន​បានយកចិត្តទុកដាក់​លេីកកម្ពស់អាហាររូបឧបត្ថម្ភដល់ កុមារតូចឱ្យបានគ្រប់គ្រាន់ និងសុខភាពល្អ។ ការអប់រំបរិស្ថានសម្រាប់កុមារតូច ពិតជាមានសារៈ សំខាន់ ដូចមាន ចែ ង ក្នុងគោលនយោ បាយកិច្ចគាំពារស្រ្តី និងកុមារ របស់ក្រសួងបរិស្ថាន។ ឯកឧត្តម​ បានបន្ថែម​ថា​ការអប់រំបរិស្ថានដល់កុមារពិតជាមានសារៈសំខាន់ដល់ ការគិតពិចារណា និងការកែប្រែឥរិយាបថជាវិជ្ជមានរបស់ពួកគេចំពោះបរិស្ថាន និងបញ្ហាប្រឈមនានា ជាពិសេសវាអាចចូលរួមលើក កម្ពស់ ចំណេះដឹង បណ្តុះឆន្ទះ សេចក្តី ស្រលាញ់ របស់កុមារ ចំពោះការអភិរក្ស ធនធានធម្មជាតិ និងជីវៈចម្រុះ កិច្ចគាំពារបរិស្ថាន និងជាពិសេសការឆ្លើយ តប របស់ ពួកគាត់ចំពោះបញ្ហាបរិស្ថាននានា សម្រាប់ពេលបច្ចុប្បន្ន និងពេល អនាគត សំដៅសម្រេចឱ្យបាននៅការរស់នៅប្រកបដោយចរីភាព។