ឯកឧត្ដម រត្ន័ វិរៈ អនុរដ្ឋលេខាធិការក្រសួងបរិស្ថាន បានដឹងនាំក្នុងវគ្គបណ្ដុះបណ្ដាលស្តីពី​ “ការពង្រឹងប្រសិទ្ធភាពនៃការអនុវត្តច្បាប់ និងកសាងសំណុំរឿងបទល្មើសធនធានធម្មជាតិ” នៅក្នុងស្នាក់ការកែវសីម៉ា ខេត្តមណ្ឌលគិរី

នៅរសៀល ថ្ងៃព្រហស្បតិ៍​ ២កេីត មិគសិរ​ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃ២៨​ ខែវិច្ឆិកា​ ឆ្នាំ២០១៩​ ឯកឧត្ដម រត្ន័ វិរៈ អនុរដ្ឋលេខាធិការក្រសួងបរិស្ថាន បានដឹងនាំក្នុងវគ្គបណ្ដុះបណ្ដាលស្តីពី​ “ការពង្រឹងប្រសិទ្ធភាពនៃការអនុវត្តច្បាប់ និងកសាងសំណុំរឿងបទល្មើសធនធានធម្មជាតិ” នៅក្នុងស្នាក់ការកែវសីម៉ា ខេត្តមណ្ឌលគិរី។

ឯកឧត្តម​ បានជំរុញឱ្យមានការអនុវត្តច្បាប់ បន្ថែមទៀត និងស្វែងយល់អំពីលិខិតបទដ្ឋានគតិយុត្តិទាំងឡាយដែលទាក់ទងទៅនឹងកិច្ចការពារថែរក្សា អភិរក្សជីវចម្រុះ និងធនធានធម្មជាតិ។ លើសពីនេះ​ ឯកឧត្ដម សូមឱ្យមានការ​សហការរវាងកងកំលាំងទាំងអស់ជាពិសេស មន្ត្រីឧទ្យានុរក្ស មន្ត្រីនគរបាល មន្ត្រីកងរាជអាវុធហត្ថ ក្នុងការតាំងចិត្តចូលរួមបង្រ្គាបទប់ស្កាត់​បទល្មើស​ដែលមាននៅក្នុងតំបន់ការពាររបស់យើង។ បន្ថែមពីលើនេះឯកឧត្ដម​ បានលើកឡើងអំពីការរិះរកវិធី​ដើម្បីបង្កើនមុខរបរដល់មន្រ្តីឧទ្យានុរក្ស និងប្រជាសហគមន៍ដែលរស់នៅក្នុងតំបន់ការពារធនធានធម្មជាតិឱ្យមានជីវភាពប្រសើរឡើង និងរួមគ្នាការពារធនធានធម្មជាតិរបស់យើងវិញ។