កិច្ចប្រជុំលើកទី៩ របស់គណៈកម្មាធិការដឹកនាំ ស្តីពីសន្តិសុខស្បៀង និងការប្រែប្រួលអាកាសធាតុ
—————————————-

នៅទីក្រុងបូហ្គោ ប្រទេសឥណ្ឌូនេស៊ី ឯកឧត្តម វ៉ាន់ មុនីនាថ អគ្គលេខាធិការរង និងលោក លៀង សុផល បានអញ្ជើញចូលរួមកិច្ចប្រជុំលើកទី៩ របស់គណៈកម្មាធិការដឹកនាំ ស្តីពីសន្តិសុខស្បៀង និងការប្រែប្រួលអាកាសធាតុចាប់ពីថ្ងៃទី២៦-២៧ ខែវិច្ឆិកា ឆ្នាំ២០១៩ រួមជាមួយប្រធាន ឬតំណាងឧត្តមមន្ត្រីអាស៊ាន និងក្រុមការងារអាស៊ានពាក់ព័ន្ធសរុបចំនួន៣០ នាក់។ កិច្ចប្រជុំនេះ ពិនិត្យពិភាក្សាលើ ១)បច្ចុប្បន្នភាពកម្មវិធីនិងគំនិតផ្តួចផ្តើមរបស់ក្រុមការងារអាស៊ាន និងស្ថាប័នអពាក់ព័ន្ធតាមវិស័យ ដើម្បីគាំទ្រក្របខ័ណ្ឌការងារពហុបំណងអាស៊ាន ស្តីពីវិស័យកសិកម្ម និងព្រៃឈើ ជាមួយនឹងការប្រែប្រួលអាកាសធាតុ ដើម្បីសន្តិសុខស្បៀង ២)ក្របខណ័្ឌសន្តិសុខស្បៀងចម្រុះអាស៊ាននិងផែនការយុទ្ធសាស្ត្រ និង៣)គម្រោងកម្មវិធីអន្តរវិស័យ។ បន្ទាប់ពីបានពិភាក្សាផ្លាស់ប្តូរ និងចែករំលែកពីបទសោធន៍ ដើម្បីលើកកម្ពស់កិច្ចសហប្រតិបត្តិការរួចមក អង្គប្រជុំ បានឯកភាពគ្នាផ្តល់ជាអនុសាសន៍មួយចំនួន ដូចខាងក្រោម៖
១.ប្រធានបទសំខាន់ៗ ដែលរួមមាន ការប្រែប្រួលអាកាសធាតុ កសិកម្ម ព្រៃឈើ ការអភិវឌ្ឍជនបទ ការស្រាវជ្រាវវិទ្យាសាស្ត្រ និងកសិ-អេកូទេសចរណ៍ សម្រាប់សន្តិសុខស្បៀង នឹងត្រូវបន្តយកទៅពិនិត្យពិចារណា និងពិភាក្សាបន្ថែមនៅកំរិតថ្នាក់ក្រុមការងារ ឧត្តមមន្រ្តី និងរដ្ឋមន្រ្តីកសិកម្ម និងព្រៃឈើអាស៊ាន ដើម្បីបន្ស៊ីការងារគ្នា។
២.ក្រុមការងារកសិកម្ម និងព្រៃឈើអាស៊ាន នឹងពិនិត្យឡើងវិញនូវក្របខណ័្ឌការងារ និងអាណត្តរបស់ខ្លួន ដើម្បីសម្របសម្រួលជាមួយក្រុមការងារអាស៊ានពាក់ព័ន្ធ។
៣.លេខាធិការដ្ឋានអាស៊ាន នឹងបន្តសម្របសម្រួលរៀបចំឯកសាររបាយការណ៍លទ្ធផលនៃកិច្ចប្រជុំ និងស្នើសុំធាតុចូលបន្ថែមពីសមាជិក មុនពេលដាក់ឆ្លងថ្នាក់ឧត្តមមន្រ្តី និងរដ្ឋមន្រ្តីកសិកម្ម និងព្រៃឈើអាស៊ាន ពិនិត្យសម្រេច។
៤.គណៈកម្មាធិការ នឹងត្រូវរៀបចំកិច្ចប្រជុំនាខែកក្កដា ឆ្នាំ២០២០ ខាងមុខ ដើម្បីពិនិត្យវាយតម្លៃ និងបូកសរុបលទ្ធផលឡើងវិញក្នុងរៀបចំទិសដៅ និងផែនការការងារឆ្នាំ២០២៥។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy