កិច្ចប្រជុំបូកសរុបការងារប្រចាំឆ្នាំ២០១៩ និងទិសដៅបន្ត ព្រមទាំងឆ្លងសេចក្តីព្រាងសៀវភៅណែនាំអំពីប្រតិបត្តិការជំនួយសម្រាប់មូលនិធិបរិស្ថាន និងសង្គម ដែលមានសមាសភាពចូលរួមពីសមាជិកសមាជិកានៃគណៈកម្មាធិការមូលនិធិបរិស្ថាន និងសង្គម(គ.ម.ប.ស.) និងលេខាធិការដ្ឋាន គ.ម.ប.ស.

ថ្ងៃ ព្រហស្បតិ៍, 28 វិច្ឆិកា, 2019

ថ្ងៃព្រហស្បតិ៍្ត ២កើត ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៨ ខែវិច្ឆិកា ឆ្នាំ២០១៩ ឯកឧត្តម សូ ខនឬទ្ធីគុណ រដ្ឋលេខាធិការក្រសួងបរិស្ថាន និងជាប្រធានគណៈកម្មាធិការមូលនិធិបរិស្ថាននិងសង្គម និងឯកឧត្តម វង្ស សណ្តាប់ អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានគណៈកម្មាធិការមូលនិធិបរិស្ថាននិងសង្គម បានដឹកនាំកិច្ចប្រជុំបូកសរុបការងារប្រចាំឆ្នាំ២០១៩ និងទិសដៅបន្ត ព្រមទាំងឆ្លងសេចក្តីព្រាងសៀវភៅណែនាំអំពីប្រតិបត្តិការជំនួយសម្រាប់មូលនិធិបរិស្ថាន និងសង្គម ដែលមានសមាសភាពចូលរួមពីសមាជិកសមាជិកានៃគណៈកម្មាធិការមូលនិធិបរិស្ថាន និងសង្គម(គ.ម.ប.ស.) និងលេខាធិការដ្ឋាន គ.ម.ប.ស.។

ជាលទ្ធផល អង្គប្រជុំ បានសម្រេច ដូចខាងក្រោម៖
១. បានអនុម័តលើរបាយការណ៍ប្រចាំឆ្នាំ២០១៩ និងទិសដៅការងារឆ្នាំ២០២០ របស់លេខាធិការដ្ឋាននៃគ.ម.ប.ស.
២. ជំរុញកែសម្រួលសេចក្តីព្រាងអនុក្រឹត្យស្តីពីវិសោធនកម្មមូលនិធិបរិស្ថាន និងសង្គម
៣. ជំរុញកែសម្រួលសេចក្តីព្រាងប្រកាសស្តីពីការកំណត់តម្លៃបង់មូលនិធិបរិស្ថាន និងសង្គម
៤. ជំរុញកែសម្រួលសេចក្តីព្រាងគោលការណ៍ណែនាំស្តីពីនីតិប្រកាសដាក់ឱ្យប្រើប្រាស់សៀវភៅណែនាំអំពីប្រតិបត្តិការជំនួយ សម្រាប់មូលនិធិបរិស្ថាន និងសង្គម
៥. មតិអង្គប្រជុំ បានគាំទ្រឱ្យបង្កើតរូបសញ្ញាសំគាល់(logo) របស់មូលនិធិបរិស្ថាន និងសង្គម៕