នារសៀលថ្ងៃព្រហស្បតិ៍ ២កើត ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៨ ខែវិច្ឆិកា ឆ្នាំ២០១៩ នៅទីស្តី ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានទទួលជួបប្រជុំជាមួយតំណាងកម្មវិធីអភិវឌ្ឍន៍សហប្រជាជាតិ (UNDP) ដេីម្បីពិភាក្សាលើកិច្ចសហប្រត្តិបត្តការក្នុងការអនុវត្តន៍គម្រោង​«និរន្តរភាពតំបន់ទេសភាព និងទេសចរណ៍ធម្មជាតិកម្ពុជា​ – Cambodia Sustainable Landscape and Ecotourism Project (CSLEP)»។​

កិច្ចប្រជុំបានផ្តោតការពិភាក្សាលេីសំណេីររបស់អង្គការ​ UNDP ក្នុងការប្រេីប្រាស់ថវិកាមួយផ្នែកនៃមូលនិធិបរិស្ថានសកល​ (GEF7)​ និងពីគម្រោង​ CSLEP ដើម្បីផ្តល់ការគាំទ្រផ្នែកបច្ចេកទេសសម្រាប់ជួយដល់ការគ្រប់គ្រងនិងការអនុវត្តសកម្មភាពមួយចំនួន​ ដូចខាងក្រោម:
១-ប្រព័ន្ធព័ត៌មានភូមិសាស្រ្តគាំទ្រដល់ការធ្វើសេចក្តីសម្រេចចិត្ត
២-ការរៀបចំផែនការគ្រប់គ្រង និងការអនុវត្តច្បាប់ក្នុងតំបន់ការពារធម្មជាតិ
៣-និរន្តរភាពយន្តការហិរញ្ញវត្ថុ និងការគ្រប់គ្រងចំណូល (PES, REDD+)
៤-បង្កើនឱកាសការងារពីវិស័យទេសចរណ៍ធម្មជាតិ និងលើកកំពស់សង្វាក់តម្លៃអនុផលព្រៃឈើ
៥-ការកសាងផ្លូវពង្រឹងប្រព័ន្ធវាស់ស្ទង់ទឹកជំនន់ និងការធានាសុវត្ថិភាពសង្គម និងបរិស្ថាន និង
៦-ការកសាងសមត្ថភាពនិងចំណេះដឹងលើការត្រួតពិនិត្យ និងវាយតម្លៃគម្រោង។

ជាលទ្ធផល​ ភាគីទាំងពីរបានឯកភាពគ្នាស្នេីឱ្យមន្ត្រីគម្រោងនៃក្រសួងបរិស្ថាន​ និងមន្ត្រីនៃអង្គការ​ UNDP សហការគ្នារៀបចំតារាងថវិកាដែលស្នេីសុំដោយ​ UNDP បន្ស៊ីជាមួយនឹងថវិកានិងផែនការសកម្មភាពដែលបានលេីកឡេីងដោយអង្គភាពអនុវត្តគម្រោង​ ដេីម្បីបន្តពិនិត្យពិភាក្សា​ និងស្នេីសុំការឯកភាពពីឯកឧត្តមរដ្ឋមន្ត្រីក្រសួងបរិស្ថាន​ និងក្រសួងសេដ្ឋកិច្ច​ និងហិរញ្ញវត្ថុ។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy