នារសៀលថ្ងៃសុក្រ ១១រោច ខែកក្តិក ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២២ ខែវិច្ឆិកា ឆ្នាំ២០១៩ វេលាម៉ោង២:៣០នាទី នៅទីស្តីការក្រសួងបរិស្ថាន ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានដឹកនាំក្រុមការងារប្រជុំពិភាក្សាត្រៀមរៀបចំកម្មវីធីចុះបំពេញទស្សនកិច្ចជាលក្ខណៈអន្តរក្រសួង ដើម្បីចុះពិនិត្យស្ថានភាពគ្រប់គ្រងដែនជម្រក
សត្វព្រៃ«ព្រៃឡង់» និងសួរសុខទុក្ខមន្ត្រីឧទ្យានុរក្ស និងប្រជាសហគមន៍មូលដ្ឋានក្នុងដែនជម្រកសត្វព្រៃ « ព្រៃឡង់ » នៅស្នាក់ការព្រះអាទិត្យ ឃុំមានរិទ្ធិ ស្រុកសណ្តាន់ ខេត្តកំពង់ធំដែលនឹងប្រព្រឹត្តទៅនៅថ្ងៃទី២៦ ខែវិច្ឆិកា ឆ្នាំ២០១៩ ហើយនឹងមានការចូលរួមពីស្ថាប័នព្រឹទ្ធសភា រដ្ឋសភា និងអន្តរក្រសួង អាជ្ញាធរដែនដីពាក់ព័ន្ធ។
កិច្ចប្រជុំនេះមានការអញ្ជើញចូលរួមពីឯកឧត្តម រ័ត្ន វិរៈ អនុរដ្ឋលេខាធិកា ,ឯកឧត្តមអគ្គនាយក នៃអគ្គនាយកដ្ឋានរដ្ឋបាលការពារ និងអភិរក្សធម្មជាតិ ,ឯកឧត្តមអគ្គនាយក នៃអគ្គនាយកដ្ឋានសហគមន៍មូលដ្ឋាន,ឯកឧត្តមនាយកខុទ្ទកាល័យ និងមន្រ្តីជំនាញសរុប១២នាក់។
និងនៅវេលាម៉ោង៤:០០រសៀលថ្ងៃដដែល ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានដឹកនាំក្រុមការងារប្រជុំជាមួយតំណាងកម្មវិធីអភិវឌ្ឍន៍សហប្រជាជាតិដោយមានការអញ្ជើញចូលរួមពីឯកឧត្តម ទិន ពន្លក អគ្គលេខាធិការ នៃអគ្គលេខាធិការដ្ឋានក្រុមប្រឹក្សជាតិអភិវឌ្ឍន៍ដោយចីរភាព និងមន្រ្តីជំនាញតំណាងនាយកដ្ឋានសេដ្ឋកិច្ចបៃតង សរុប៩នាក់។
កិច្ចប្រជុំនេះមានគោលបំណងពិភាក្សាពីៈ
– បញ្ហាប្រឈមនៃការតម្លើងបន្ទះថាមពលពន្លឺព្រះអាទិត្យនៅលើដំបូលក្រសួងបរិស្ថាន
– បញ្ហាប្រឈមទាក់ទងនឹងការអនុវត្តច្បាប់ស្តីពីការតភ្ជាប់ប្រព័ន្ធពន្លឺព្រះអាទិត្យចូលទៅក្នុងបណ្តាញជាតិរបស់អាជ្ញាធរអគ្គិសនីកម្ពុជា(EAC) និងអគ្គិសនីកម្ពុជា(EDC)។
ទន្ទឹមនឹងនេះខាង UNDP បានធ្វើបទបង្ហាញ និងពន្យល់ពីផលប៉ះពាល់បន្ទាប់ពីធ្វើការតភ្ជាប់បណ្តាញរួច នឹងធ្វើអោយមានការខាតបង់រិតតែច្រើនឡើងពីការតម្លើងពន្លឺព្រះអាទិត្យនេះដែលវានឹងធ្វើអោយមានការចំណាយទ្វេរដងដោយសារតែច្បាប់តម្រូវអោយបង់ចំនួនប្រាក់ទៅតាមការកំណត់នៅក្នុងច្បាប់ថ្មីរបស់អាជ្ញាធរអគ្គិសនីកម្ពុជា( EAC) និងអគ្គិសនីកម្ពុជា(EDC)។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy