ឯកឧត្តម​ សាយ​ សំអាល់​ បើកកិច្ចប្រជុំត្រួតពិនិត្យការទន្ទ្រានដីព្រៃនៅសហគមន៍តំបន់ការពារធម្មជាតិនៅក្នុងខេត្តពោធិ៍សាត់

នៅ​សាលាខេត្តពោធិ៍សាត់​ កាលពីថ្ងៃទី២៣ខែវិច្ឆិកាឆ្នាំ២០១៩​ ឯកឧត្តម​ សាយ​ សំអាល់​ រដ្ឋមន្រ្តីក្រសួងបរិស្ថានបាន ដឹកនាំបើកកិច្ចប្រជុំត្រួតពិនិត្យការទន្ទ្រានដីព្រៃនៅសហគមន៍តំបន់ការពារធម្មជាតិភូមិស្ទឹងថ្មី​ នៃដែនជម្រកសត្វព្រៃភ្នំសំកុសក្នុងភូមិប្រម៉ោយស្រុកវាលវែង ខេត្តពោធិ៍សាត់។ កិច្ចប្រជុំ​​បានដំណេីរការដោយមាន​ការចួលរួមពី​ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងថ្នាក់ដឹកនាំ​ ក្រសួង​ ស្ថាប័ន​ មន្ទីរពាក់ព័ន្ធជុំវិញខេត្ត តំណាងសហគមន័ និងអង្គការជាដៃគូជាច្រេីននាក់។

​ក្នុងពិធីនេះ​ ឯកឧត្តម​ សាយ​ សំអាល់​ បានលេីកទឹកចិត្តឱ្យមន្រ្តីពាក់ព័ន្ធនិងដៃគូចូលរួមរអភិវឌ្ឍន៍តំបន់សហគមន៍នេះដើម្បីលើកកម្ពស់ជីវភាពប្រជាសហគមន៍ តាមរយៈការធ្វើផ្លូវថ្នល់ ទឹកស្អាត ផ្តល់នូវចំណេះដឹងលើការចិញ្ចឹមសត្វដើម្បីប្រជាសហគមន៍អាចដោះស្រាយជីវភាពរស់នៅបានធូរធារ។ ក្រៅពីនេះក្រសួងបរិស្ថាននឹងចូលរួមសហការជាមួយក្រសួងសុខាភិបាល​ លុបបំបាត់នូវជំងឺគ្រុនចាញ់ ជំងឺគ្រុនឈាម ជំងឺអេដស៍និងក៏ដូចជាជួយលើវាក់សាំងបង្ការរោគជំងឺមួយចំនួនតាមសហគមន៍ផងដែរ។

គួរបញ្ជាក់ថា កិច្ចប្រជុំ​នៅ​ក្នុងពេល​នេះ​ មានការលើកឡើងជុំវិញបញ្ហាជនល្មើសបានទន្រ្ទានឈូសឆាយដីតំបន់សហគមន៍មកធ្វើកម្មសិទ្ធផ្ទាល់ខ្លួនដែលនឹងត្រូវចាត់វិធានការផ្លូវច្បាប់នាថ្ងៃខាងមុខ។

សូមបញ្ជាក់ថាដែន​ជម្រក​សត្វ​ព្រៃ​ភ្នំសំកុស​នេះ​ មានទីតាំងសិ្ថតនៅខេត្តពោធិ៍សាត់ បាត់ដំបង និងកោះកុង ដែលមានផ្ទៃក្រឡា៣សែនហិកតារចេញដោយព្រះរាជក្រឹត្យ ចុះថ្ងៃទី០១ វិច្ឆិកា ឆ្នាំ១៩៩៣៕

ព័ត៌មានបន្ថែម

ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ថ្ងៃ អង្គារ, 12 តុលា, 2021 កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)
ថ្ងៃ ចន្ទ, 11 តុលា, 2021 ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)