ឯកឧត្តម ជួប ប៉ារីស៍ ផ្តល់កូនឈេីនិងចូលរួមដាំកូនឈេីនៅវិទ្យាល័យហ៊ុន សែន អង្គស្នួលនិងអនុវិទ្យាល័យបែកចាន

នាព្រឹកថ្ងៃពុធ ៩រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនិងថ្ងៃទី២០ ខែវិច្ឆិកា ឆ្នា២០១៩ ឯកឧត្តម ជួប ប៉ារីស អគ្គនាយក នៃអគ្គនាយកដ្ឋានចំណេះដឹង និងព័ត៌មានបរិស្ថាន ក្រសួងបរិស្ថាន បានផ្តល់កូនឈើ និងដាំកូនឈើដែលជាអំណោយរបស់ ឯកឧត្តម សាយ សំអាល់រដ្ឋមន្រ្តីក្រសួងបរិស្ថាន ចំនួន ៣០០ ដើម នៅវិទ្យាល័យហ៊ុន សែន អង្គស្នួល និងអនុវិទ្យាល័យបែកចាន ក្នុងឃុំបែកចានស្រុកអង្គស្នួល ខេត្តកណ្តាល។

ព្រឹត្តិការណ៍នេះ បានរៀបចំឡេីងដោមានការចូលរួមពីអាជ្ញាធរ គណៈគ្រប់គ្រងវិទ្យាល័យ លោកគ្រូ អ្នកគ្រូ និងសិស្សានុសិស្សមកពីវិទ្យាល័យហ៊ុន សែនអង្គស្នួល និងអនុវិទ្យាល័យបែកចាន ជាច្រើននាក់។

ក្នុងឱកាសនេះ ឯកឧត្តម ជួប ប៉ារីស៍ បានធ្វើការលេីកទឹកចិត្តដល់គណៈគ្រប់គ្រងសាលា លោកគ្រូ អ្នកគ្រូ និងសិស្សានុសិស្សទាំងអស់ ខិតខំប្រឹងប្រែងរៀនសូត្រដើម្បីអនាគតរបស់ខ្លួន ក្រុមគ្រួសារ និងសង្គមជាតិ និងចូលរួមថែរក្សាបរិស្ថាន គ្រប់គ្រងសំរាម សំណល់របស់ខ្លួនឲ្យបានល្អ នងបង្កើនភាពបៃតងក្នុងសាលា និងសហគមន៍របស់ខ្លួន។

សូមបញ្ជាក់ថា ឯកឧត្តមអគ្គនាយក បានចែកជូននិងចូលរួមដាំកូនឈើជាមួយអាជ្ញាធរ គណៈគ្រប់គ្រងសាលា លោកគ្រូ អ្នកគ្រូ និងសិស្សានុសិស្សទាំងអស់ នៅក្នុងបរិវេណសាលារៀនប្រកបដោយភាពសប្បាយរីករាយ និងស្និតស្នាលបំផុត។