ឯកឧត្តមរដ្ឋមន្ត្រីក្រសួងបរិស្ថានបន្តលើកទឹកចិត្តពង្រឹងកិច្ចសហប្រតិបត្តិការកម្ពុជា-អាមេរិកលើវិស័យបរិស្ថាន និងធនធានធម្មជាតិ

កម្ពុជានិងសហរដ្ឋអាមេរិកនឹងបន្តកិច្ចសហប្រតិបត្តិការល្អបន្តទៀតលើវិស័យបរិស្ថាននិងធនធានធម្មជាតិ។ ការគូសបញ្ជាក់ពីគោលជំហរនេះបានធ្វើឡើងនៅអំឡុងពេលនៃជំនួបពិភាក្សាការងាររវាងឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងឯកឧត្តម ប៉ាទ្រិក ម័រហ្វី (Patrick Murphy) ឯកអគ្គរដ្ឋទូតអាមេរិកប្រចាំប្រទេសកម្ពុជានាទីស្តីការក្រសួងបរិស្ថាន កាលពីថ្ងៃទី១៨ ខែវិច្ឆិកា ឆ្នាំ២០១៩។

នៅក្នុងជំនួប ភាគីទាំងពីបានពិភាក្សាគ្នាលើកិច្ចសហប្រតិបត្តិការរវាង កម្ពុជានិងសហរដ្ឋអាមេរិកលើកិច្ចការងារគ្រប់គ្រង និងអភិរក្សធនធានធម្មជាតិ ក៏ដូចជាកិច្ចគាំពាររិស្ថាន ស្របតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រីដែលបានលើកឡើងក្នុងជំនួបជាមួយឯកអគ្គរដ្ឋទូតសហរស្ឋអមេរិកនាពេលថ្មីៗនេះ។ ឯកឧត្តម សាយ សំអាល់ បានជម្រាបជូនឯកអគ្គរដ្ឋទូតសហរដ្ឋអាមេរិកថា ប្រទេសកម្ពុជាមានតំបន់ការពារធនធានធម្មជាតិច្រើនជាងគេនៅតំបន់អាស៊ី ដែលប្រព័ន្ធតំបន់ការពារធម្មជាតិ និងរបៀងអភិរក្សជីវៈចម្រុះមានផ្ទៃដីរហូតដល់ជាង ៧,២លានហិចតា ស្មើនឹង៤១%នៃផ្ទៃដីប្រទេសកម្ពុជា។

ឯកឧត្តមឯកអគ្គរ្ឋទូតសហរដ្ឋអាមិក ប៉ាទ្រិក ម័រហ្វី បានសម្តែងការកោតសរសើរចំពោះក្រសួងបរិស្ថានដែលបានបំពេញការងារបានយ៉ាងល្អនាពេលកន្លងមកដើម្បីឧត្តមប្រយោជន៍ប្រជជនកម្ពុជា និបានគូសបញ្ជាក់ពីសារៈសំខាន់នៃកិច្ចសហប្រតិបត្តិការរវាងកម្ពុជានិងសហរដ្ឋអាមរិកលើការងារគ្រប់គ្រងនិងអភិរក្សធនធានធម្មជាតិនៅកម្ពុជា។

ជាការឆ្លើយតបឯកឧត្តមរដ្ឋមន្រ្តី សាយ សំអាល់ បានថ្លែងអំណរគុណចំពោះឯកអគ្គរដ្ឋទូតសហរដ្ឋអាមេរិកចំពោះការវាយតម្លៃនិងពាក្យពេចន៍ដ៏ល្អនេះ។ ឯកឧត្តម រដ្ឋមន្ត្រីបានគូសបញ្ជាក់ថា ប្រជាជនកម្ពុជាបច្ចុប្បន្នមានការយល់ដឹងខ្ពស់ពីបញ្ហាបរិស្ថាន ដោយសារកត្តាប្រទេសមានសុខសន្តិភាព ស្ថិរភាពនយោបាយ និងមានកំណើនសេដ្ឋកិច្ចជាង៧%ជាប់គ្នាជាប្រចាំ ក្នុងអំឡុងជាង២០ឆ្នាំ មកនេះបានចូលរួមផ្លាស់ប្តូរជីវភាពប្រជាពលរដ្ឋឱ្យកាន់តែរីកចម្រើន។ ម្យ៉ាងទៀត រាជរដ្ឋភិបាលកម្ពុជា មានគោលនយោបាយច្បាស់លាស់លើការគ្រប់គ្រងវិស័យបរិស្ថាននិងធនធានធម្មជាតិ។ កត្តាទាំងនេះ បានធ្វើឱ្យប្រជាពលរដ្ឋមានពេលវេលា ងាកមកគិតគូរពីបញ្ហាបរិស្ថាន និងបានចូលរួមផ្លាស់ប្តូរផ្នត់គំនិត និងឥរិយាបថរបស់ប្រជាពលរដ្ឋចំពោះបរិស្ថាន។

ជាមួយគ្នានេះ ឯកឧត្តម សាយ សំអាល់ ក៏បានលើកទឹកចិត្តបន្តពង្រឹងកិច្ចសហប្រតិបត្តិការល្អ លើការគ្រប់គ្រងធនធានធម្មជាតិនៅព្រះរាជាណាចក្រកម្ពុជា និងផ្តោតលើការកសាងសមត្ថភាពមន្រ្តីឧទ្យានុរក្ស ដើម្បីចូលរួមការពារ និងអភិរក្សធនធានធម្មជាតិ ឱ្យមានប្រសិទ្ធភាព។

ព័ត៌មានបន្ថែម

ឯកឧត្តម​ សៅ​ សុភាព​ ទទួល​ជួបពិភាក្សាការងារ​ ជាមួយ​ប្រតិភូ​សភាខេត្ត​ហ្វូជាន​ ប្រទេស​ចិន​
ថ្ងៃ ព្រហស្បតិ៍, 12 ធ្នូ, 2019 ឯកឧត្តម​ សៅ​ សុភាព​ ទទួល​ជួបពិភាក្សាការងារ​ ជាមួយ​ប្រតិភូ​សភាខេត្ត​ហ្វូជាន​ ប្រទេស​ចិន​
ពិធីបើកសិក្ខាសាលា”ស្រ្តី និងបរិស្ថាន” នៅទីរួមខេត្តកំពង់ធំ
ថ្ងៃ ព្រហស្បតិ៍, 12 ធ្នូ, 2019 ពិធីបើកសិក្ខាសាលា”ស្រ្តី និងបរិស្ថាន” នៅទីរួមខេត្តកំពង់ធំ
កិច្ចប្រជុំអន្តរក្រសួង​ ស្តីពីការ​ពិនិត្យ និងផ្តល់​យោបល់លើរបាយការណ៍​វាយ​តម្លៃ​ហេតុប៉ះ​ពាល់​បរិស្ថាន និងសង្គម​ដំបូង ​(IESIA​​​) សម្រាប់​គម្រោង​អាជីវកម្ម​ថ្មសំណង់
ថ្ងៃ ព្រហស្បតិ៍, 12 ធ្នូ, 2019 កិច្ចប្រជុំអន្តរក្រសួង​ ស្តីពីការ​ពិនិត្យ និងផ្តល់​យោបល់លើរបាយការណ៍​វាយ​តម្លៃ​ហេតុប៉ះ​ពាល់​បរិស្ថាន និងសង្គម​ដំបូង ​(IESIA​​​) សម្រាប់​គម្រោង​អាជីវកម្ម​ថ្មសំណង់