សន្និសីទ ស្តីពីដំណោះស្រាយសមុទ្រ “SEA of Solutions Conference”
——————————–
នាទីក្រុងបាងកក នៃប្រទេសថៃ ៖ ឯកឧត្តម វ៉ាន់ មុនីនាថ អគ្គលេខាធិការរងក្រុមប្រឹក្សាជាតិអភិវឌ្ឍន៍ដោយចីរភាព ជាតំណាងឯកឧត្តមរដ្ឋមន្រ្តី បានដឹកនាំគណៈប្រតិភូក្រសួងបរិស្ថាន ដែលរួមមាន ឯកឧត្តម គឹម ណុង និងលោក ស្រេង សុផល តំណាងអគ្គនាយកដ្ឋានរដ្ឋបាលការពារ និងអភិរក្សធម្មជាតិ ចូលរួមក្នុងសន្និសីទ ស្តីពីដំណោះស្រាយសមុទ្រ ចាប់ពីថ្ងៃទី១១-១៤ ខែវិចិ្ឆកា ឆ្នាំ២០១៩។ សន្និសីទ មានការចូលរួមពីថ្នាក់ដឹកនាំជាន់ខ្ពស់ពីរដ្ឋាភិបាល ក្រុមហ៊ុនពាណិជ្ជកម្ម អង្គការអន្តរជាតិ សង្គមស៊ីវិល និងស្ថាប័នស្រាវជ្រាវមកពីបណ្តាប្រទេសជុំវិញពិភពលោកសរុប៥០០ នាក់ ដើម្បីពិភាក្សាលើបញ្ហាប្រឈម ជំរុញលើកទឹកចិត្តគ្រប់ភាគីពាក់ព័ន្ធ និងកិច្ចសហការ ដើម្បីបង្កើនសកម្មភាពប្រយុទ្ធប្រឆាំងទៅនឹងការបំពុលសមុទ្រដោយសំណល់ប្លាស្ទិកក្នុងសមុទ្រអាស៊ីបូព៌ា។ អង្គសន្និសីទ បានបើកវេទិកាសន្ទនាតាមប្រធានបទសំខាន់ៗ ដែលរួមមាន (ក)របកគំហើញវិទ្យាសាស្ត្រ ទិន្នន័យ និងការស្រាវជ្រាវអភិវឌ្ឍន៍ (ខ)ការបង្ហាញពីកាលានុវត្តន៍ភាពទីផ្សារសម្រាប់នវានុវត្តន៍ផលិតផល (គ)ដំណោះស្រាយសមស្របសម្រាប់ការគ្រប់ គ្រងសំណល់ និងតម្លៃការចូលរួមសហគមន៍ និង(ឃ)វេទិកាកំរិតខ្ពស់ ដើម្បីសម្របសម្រួលសកម្មភាពខ្សែចង្វាក់តម្លៃ។ អង្គសន្និសីទ បានផ្តល់ជាអនុសាសន៍ថា ដើម្បីទប់ស្កាត់ កាត់បន្ថយ និងប្រយុទ្ធប្រឆាំងនឹងការបំពុល និងចរាចរណ៍សំណល់ប្លាស្ទិក ត្រូវចាត់វិធានការ ១)ពង្រឹងការអនុវត្តច្បាប់ និងបទបញ្ជា ដើម្បីបង្កើនកិច្ចសហប្រតិបត្តិការក្នុងតំបន់ និងអន្តរជាតិ ២)ជំរុញការចូលរួមពីវិស័យឯកជន ការវិនិយោគ និងសហគមន៍ ៣)ការពង្រឹងសមត្ថភាពស្រាវជ្រាវ ប្រើចំណេះដឹងខាងវិទ្យាសាស្រ្តក្នុងការតាក់តែងគោលនយោបាយ និងសេចក្តីសម្រេចចិត្ត ៤)ការជំរុញឱ្យមានដំណោះស្រាយប្រកបដោយនវានុវត្តន៍ ដើម្បីលើកកម្ពស់ខ្សែចង្វាក់ផលិតកម្មប្លាស្ទិក និងបង្កើនប្រសិទ្ធភាពធនធានតាមរយៈវិធីសាស្រ្ត 3R ៥)បង្កើនការយល់ដឹង និងការចូលរួមពីសាធារណៈជនក្នុងការលើកកម្ពស់ការអប់រំ ដើម្បីផ្លាស់ប្តូរអាកប្បកិរិយា និង ៦)ភាពជាម្ចាស់ និងនិរន្តរភាពថវិកា។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy