ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានជួបជាមួយមន្ត្រីមន្ទីរបរិស្ថានរាជធានី យុវជនស្ម័គ្រចិត្តមកពីក្រុមយុវជន ស.ស.យ.ក

ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានជួបជាមួយមន្ត្រីមន្ទីរបរិស្ថានរាជធានី យុវជនស្ម័គ្រចិត្តមកពីក្រុមយុវជន ស.ស.យ.ក យុវជនស្ម័គ្រក្រៀលកម្ពុជានៅមុខទីស្តីការក្រសួងបរិស្ថានដើម្បីថ្លែងអំណើរគុណពួកគាត់ដែលបានស្ម័គ្រចូលរួមសម្អាតអនាម័យបរិស្ថាននៅក្នុងអំឡុងព្រះរាជពិធីបុណ្យអុំទុក បណ្តែតប្រទីប សំពះព្រះខែ និងអកអំបុក។ ឯកឧត្តម នេត្រ ភក្ត្រា បានលើកទឹកចិត្តប្អូនបន្តកិច្ចខិតខំប្រឹងប្រែងបន្តទៀតដើម្បីបញ្ជ្រាបចំណេះដឹងអំពីបរិស្ថានជាពិសសការគ្រប់គ្រងសំណល់សំរាមដល់បងប្អូនប្រជាពលរដ្ឋដែលមកដើរកម្សាន្តក្នុងព្រះរាជពិធីបុណ្យអុំទូក។ ឯកឧត្តមរដ្ឋលេខាធិការក្រសួងបរិស្ថានបានជម្រាបប្អូនៗយុវជនស្ម័គ្រចិត្តថា សកម្មភាពសម្អាតអនាម័យបរិស្ថានដែលប្អូនបានធ្វើជាសកម្មភាពដ៏មានតម្លៃក្នុងការអប់រំបរស្ថាន និងការប្រតិបត្តិមេត្រីបរិស្ថានល្អ។ សកម្មភាពរបស់ប្អូននឹងបន្សល់ទុកនូវការចងចាំអំពីការគោរព ស្រឡាញ់បរិស្ថានក្នុងក្រអៅបេះដូងរបស់មនុស្សរាប់ម៉ឺនសែននាក់ដែលបានឃើញប្អូនៗប្រតិបត្តិមេត្រីបរិស្ថានល្អ។ បរិស្ថានស្អាតគឺចាប់ផ្តើមពីយើងម្នាក់ៗ!