អគ្គនាយកដ្ឋានចំណេះដឹង និងព័ត៌មានបរិស្ថាន សម្រេចបានការងារអប់រំ ផ្សព្វផ្សាយការងារបរិស្ថានដើម្បីពង្រីកការយល់ដឹងជាសាធារណៈ

បន្ទាប់ពីពិធីបើកផ្លូវការ«សន្និបាតបូកសរុបលទ្ធផលការងារបរិស្ថានឆ្នាំ២០១៩ និងលើកទិសដៅការងារឆ្នាំ២០២០» នាព្រឹកថ្ងៃទី០៤ ខែវិច្ឆិកា ឆ្នាំ២០១៩ ឯកឧត្តម ជួប ប៉ារីស៍ អគ្គនាយកដ្ឋានចំណេះដឹង និងព័ត៌មានបរិស្ថាន ធ្វើបទបង្ហាញលម្អិតអំពីបញ្ហាប្រឈម មេរៀន បទពិសោធន៍ និងសំណូម ដែលបានជួបប្រទះ ដែលទទួលបានតាមរយៈសិក្ខាសាលាបច្ចេកទេសកន្លងមក។ ផ្អែកលើទំនើបកម្មស្ថាប័នរបស់ក្រសួងបរិស្ថាន ឯកឧត្តមបានសង្កត់ធ្ងន់ថា អគ្គនាយកដ្ឋានចំណេះដឹង និងព័ត៌មានបរិស្ថានមានទិសដៅជម្រុញលើកកម្ពស់ចំណេះដឹង និងផ្សព្វផ្សាយព័ត៌មានបរិស្ថានតាមរយៈការពង្រឹងការអប់រំ ការកសាងទិន្នន័យ-ព័ត៌មានដោយសិក្សាសា្រវជ្រាវ តាមបែបវិទ្យាសាស្រ្ត ការគ្រប់គ្រងទិន្នន័យព័ត៌មានភូមិសាស្រ្ត ការបង្កើតប្រព័ន្ធផ្សព្វផ្សាយផ្សេងៗ និងផ្តល់ការវាយតម្លៃការងារប្រតិបត្តិការបរិស្ថានល្អ ដើម្បីពង្រីកការយល់ដឹងជាសាធារណៈ ដែលជាមូលដ្ឋានគ្រឹះក្នុងការប្រែក្លាយចំណេះដឹងបរិស្ថានទៅជាការប្រតិបត្តិបរិស្ថានល្អ ទាំងការផ្លាស់ប្តូរផ្នត់គំនិត និងឥរិយាបទរបស់ប្រជាជនឆ្ពោះទៅកាន់មនសិការបរិស្ថាន ពិសេសស្រឡាញ់ធនធានធម្មជាតិ គាំទ្រនិងចូលរួមរាល់សកម្មភាពថែរក្សានិងការពារបរិស្ថាន ដូចជាចលនាមេត្រីភាពបរិស្ថាន ចលនាអនាម័យបរិស្ថាន និងបណ្តាញសង្គមបរិស្ថានដើម្បីធានាឱ្យបាននូវតុល្យភាពរវាងការអភិរក្សនិងការអភិវឌ្ឍន៍ និងការរស់នៅប្រកបដោយចីរភាព។

ជាមួយគ្នានេះ អគ្គនាយកដ្ឋានចំណេះដឹង និងព័ត៌មានបរិស្ថាន បានសម្រេចផែនការសកម្មភាពការងាររបស់ខ្លួនយ៉ាងល្អប្រសើរ ដែលសមិទ្ធផលទំាងនេះសម្រេចបានតាមរយៈនាយកដ្ឋាន ជំនាញក្រោមចំណុះអគ្គនាយកដ្ឋាន ដើម្បីធានាដល់ការ ប្រែក្លាយចំណេះដឹងបរិស្ថានទៅជាការប្រតិបត្តិបរិស្ថានល្អនៅកម្ពុជា។ឯកឧត្តម ជួប ប៉ារីស៍ បានលើកឡើងថា អគ្គនាយកដ្ឋានចំណេះដឹង និងព័ត៌មានបរិស្ថាន ដែលជាសេនាធិការ ក្រសួងបានខិតខំអនុវត្តឱ្យសម្រេចបានជោគជ័យលើការងារអាទិភាពដូចខាងក្រោម៖
– បានសម្របសម្រួលអនុវត្តកម្មវិធីសាលាមេត្រីភាពបរិស្ថានទូទាំងប្រទេស និងកំពុងបន្តរៀបចំចលនាប្រឡងប្រណាំងសាលាមេត្រីភាពបរិស្ថានថ្នាក់ជាតិ គ្រឹះស្ថានមេត្រីភាពបរិស្ថាន និងគោលការណ៍ជាតិស្ដីពីអារ៉ាមមេត្រីភាពបរិស្ថាន ព្រមទាំងបំផុសចលនាប្រឡងប្រណាំងសកម្មភាពមេត្រីភាពបរិស្ថាននានា តាមរយៈការផ្តល់រង្វាន់លើកទឹកចិត្ត ការផ្តល់វិញ្ញាបនប័ត្របៃតងដល់អ្នកប្រតិបត្តិល្អមេត្រីភាពបរិស្ថាន ក៏ដូចជាអ្នកផ្តល់សេវាកម្ម បង្កើតបច្ចេកវិទ្យា និងផលិតផលិតផលបៃតង
– បានផ្សព្វផ្សាយ និងបញ្ជ្រាបចំណេះដឹងបរិស្ថានឱ្យបានដល់សាធារណៈជនគ្រប់មជ្ឈដ្ឋាន ជាពិសេសដល់យុវជន និងសិស្សានុសិស្ស តាមរយៈការផលិតព័ត៌មានបរិស្ថានប្រចាំថ្ងៃ សិក្ខាសាលាស្ដីពីចំណេះដឹងនៃកិច្ចគាំពារបរិស្ថាននិងការគ្រប់គ្រងធនធានធម្មជាតិ វេទិកាយុវជនជជែកពិភាក្សាអំពីបរិស្ថាន ទិវាបរិស្ថានជាតិ និងបរិស្ថានពិភពលោក
– បានប្រមូលចងក្រងទិន្នន័យបរិស្ថាន ជាពិសេសទិន្នន័យព័ត៌មានភូមិសាស្រ្ត និងបោះពុម្ពផ្សាយរបាយការណ៍ស្ថានភាពបរិស្ថានលើកទី៣ និងកំពុងបន្តរៀបចំរបាយការណ៍ស្ថានភាពបរិស្ថានលើកទី៤ ព្រមទាំងបានបង្កើត និងដាក់ឱ្យប្រើប្រាស់នូវប្រព័ន្ធប្រមូលផ្តុំទិន្នន័យព័ត៌មានភូមិសាស្ត្របរិស្ថាន ក្រោមកិច្ចសហការជាមួយអង្គការ USAID និង UNDP ។

4

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ