សិក្ខាសាលាផ្តួចផ្តើមសម្រាប់គាំទ្រការកាត់បន្ថយសំណល់សមុទ្រនៅក្នុងប្រទេសសមាជិកអាស៊ាន
លើសេចក្តីព្រាងផែនការសកម្មភាពថ្នាក់តំបន់ និងការរៀបចំសកម្មភាពជាតិ ស្តីពីសំណល់សមុទ្រ
~~~~~~~~~~~~~~~~~~~~
នៅទីក្រុងបាងកក ចាប់ពីថ្ងៃទី​២៩-៣០ ខែតុលា ឆ្នាំ២០១៩ ប្រតិភូ​ក្រសួងបរិស្ថាន​ រួមមាន​លោក ឡុង រិទ្ធីរក្ស អគ្គនាយករងនិងជាមន្រ្តីបង្គោលក្រុមការងារអាស៊ានសាធាតុគីមីនិងសំណល់ ឯកឧត្តម ថៃ ចន្ថា ប្រធាននាយកដ្ឋាននិងជាមន្រ្តីបង្គោលក្រុមការងារអាស៊ានបរិស្ថានសមុទ្រនិងតំបន់ឆ្នេរ និងលោក ដែក វិមានរស្មី អនុប្រធាននាយកដ្ឋាននិងជាតំណាងក្រុមការងារអាស៊ាននិរន្តរភាពបរិស្ថានទីក្រុង​បានអញ្ជេីញចូលរួមសិក្ខាសាលាផ្តួចផ្តើមសម្រាប់គាំទ្រការកាត់បន្ថយសំណល់សមុទ្រនៅក្នុងប្រទេសសមាជិកអាស៊ានលើសេចក្តីព្រាងផែនការ​ សកម្មភាពថ្នាក់តំបន់ និងការរៀបចំសកម្មភាពជាតិ ស្តីពីសំណល់សមុទ្រ។

វេទិកា​នេះ​ រៀបចំឡេីងក្រោមអធិបតីភាព​ឯកឧត្តម VARAWUT SILA-ARCHA រដ្ឋមន្រ្តីក្រសួងធនធានធម្មជាតិ និងបរិស្ថានថៃ និងមានការចូលរួមពីមន្រ្តីបង្គោលពីប្រទេសសមាជិកអាស៊ាន តំណាងលេខាធិការដ្ឋានអាស៊ាន ជំនាញការសំខាន់ៗ និងអង្គការអន្តរជាតិពាក់ព័ន្ធ ដោយមានការគាំទ្រថវិកានិងការរៀបចំពីក្រសួងធនធានធម្មជាតិ និងបរិស្ថានថៃ និងក្រសួងបរិស្ថានជប៉ុន សរុបចំនួន ៦០រូប។

ក្នុងសិក្ខាសាលានេះផ្តោតសំខាន់លើការងារសំខាន់ដូចខាងក្រោម៖

១. ដើម្បីពិនិត្យពិភាក្សាជាមួយប្រទេសសមាជិកអាស៊ាន លើសំណើផែនការសកម្មភាពថ្នាក់តំបន់ស្តីពីសំណល់សមុទ្រ ដោយផ្តោតលើគោលនយោបាយនិងផែនការ។

២. ទទួលនូវមតិយោបល់ពីប្រទេសសមាជិកអាស៊ានលើការគម្រោងសម្រាប់ផែនការសកម្មភាពជាតិ ដែលអាចផ្តល់នូវបទដ្ឋានឯកភាពសសម្រាប់រាយការណ៍និងត្រួតពិនិត្យ

ជាមួយគ្នានោះ ក្រុមការងារអាស៊ានកម្ពុជាក៏បានចូលរួមយោបល់ និងចែករំលែកនូវបទដ្ឋានគតិយុត្តិ ផែនការកសកម្មភាពនានា​ ដែលកម្ពុជាមាននិងកំពុងបានអនុវត្តក្នុងការពង្រឹងគ្រប់គ្រងសំរាម សំណល់រឹង ទីប្រជុំជន និងបណ្តាកោះនានា ដើម្បីចូលរួមការកាត់បន្ថយសំណល់សមុទ្រក្នុងប្រទេសក៍ដូចជាតំបន់ផងដែរ។

ព័ត៌មានបន្ថែម

អបអរសាទរ «ទិវាភពផែនដី » ២២ មេសា រួបរួមគ្នា ដើម្បីការពារផែនដីយើង
ថ្ងៃ ព្រហស្បតិ៍, 22 មេសា, 2021 អបអរសាទរ «ទិវាភពផែនដី » ២២ មេសា រួបរួមគ្នា ដើម្បីការពារផែនដីយើង
សូមអបអរសាទរទិវាភពផែនដី ២២ មេសា
ថ្ងៃ ពុធ, 21 មេសា, 2021 សូមអបអរសាទរទិវាភពផែនដី ២២ មេសា
មន្ត្រីនៃក្រសួងបរិស្ថានចំនួន៣៥៣នាក់ (ស្ត្រី ១២៩នាក់)បានមកចាក់វ៉ាក់សាំងស៊ីណូវ៉ាក់បង្ការជំងឺកូវីដ១៩ ដូសទី២ នាព្រឹកថ្ងៃទី១៧ ខែមេសា ឆ្នាំ២០២១
ថ្ងៃ សៅរ៍, 17 មេសា, 2021 មន្ត្រីនៃក្រសួងបរិស្ថានចំនួន៣៥៣នាក់ (ស្ត្រី ១២៩នាក់)បានមកចាក់វ៉ាក់សាំងស៊ីណូវ៉ាក់បង្ការជំងឺកូវីដ១៩ ដូសទី២ នាព្រឹកថ្ងៃទី១៧ ខែមេសា ឆ្នាំ២០២១