ពិធីដាំកូនឈើព្រៃចំនួន ១៧,១៧៩ដើម ក្រោមប្រធានបទ«សៀមរាបផ្ទះខ្ញុំ ភ្នំគូលែនខ្ញុំ» បានរៀបចំឡើង នាព្រឹកថ្ងៃសៅរ៍ ២កើត ខែភទ្របទ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៣១ ខែសីហា ឆ្នាំ២០១៩ នៅតំបន់ឧទ្យានជាតិព្រះជ័យវរ្ម័ន នរោត្តម ភ្នំគូលែន នាភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាប ក្រោមអធិបតីភាពដ៏ខ្ពង់ខ្ពស់ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ឯកឧត្ដម ទៀ សីហា អភិបាលនៃគណៈអភិបាលខេត្តសៀមរាប រួមជាមួយថ្នាក់ដឹកនាំ មន្រ្តីរាជការ អាជ្ញាធរមូលដ្ឋានគ្រប់លំដាប់ថ្នាក់ កងកម្លាំងប្រដាប់អាវុធទាំងបីប្រភេទ មន្រ្តីឧទ្យានុរក្ស និងប្រជាពលរដ្ឋជាច្រើននាក់។

ឯកឧត្តម សាយ សំអាល់ បានលើកឡើងថា ព្រៃឈើ រក្សាបាននូវលំនឹងបរិស្ថានធម្មជាតិ រក្សាខ្យល់បរិសុទ្ធ បង្កើនអុកស៊ីសែន និងអាចទាក់ទាញភ្លៀវទេសចរជាតិ និងអន្តរជាតិមកកំសាន្ត។ ឯកឧត្តមរដ្ឋមន្រ្តី បានបន្ថែមថា ការដាំស្តារព្រៃឈើនេះផ្តល់ប្រយោជន៍ជួយបង្កើនធនធានជីវៈចម្រុះ ការធានាការការពារ និងអភិរក្សទីកន្លែងប្រវត្តិសាស្រ្ត វប្បធម៌ធម្មជាតិ នៅក្នុងឧទ្យានជាតិព្រះជ័យវរ្ម័ន នរោត្តម ភ្នំគូលែន និងជាពិសេសធានាការផ្គត់ផ្គង់ទឹកសម្រាប់ប្រជាសហគមន៍ ដែលរស់នៅលើភ្នំគូលែន និងប្រជាពលរដ្ឋនៅខេត្តសៀមរាបទាំងមូល។

ក្នុងឱកាសនោះ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្រ្តីក្រសួងការពារជាតិមានប្រសាសន៍ថាការដាំស្តារកូនឈើ នៅលើខ្នងភ្នំគូលែននាពេលនេះ បានបង្ហាញឱ្យឃើញនូវការគាំទ្រយ៉ាងខ្លាំងពីប្រជាសហគមន៍ និងអាជ្ញាធរមូលដ្ឋាន ដែលបានចាត់ទុកការដាំកូនឈើ គឺជាកាព្វកិច្ចចំបងរបស់យើងគ្រប់គ្នា។ ជាមួយគ្នានេះ សម្ដេចពិជ័យសេនា ឧបនាយករដ្ឋមន្ត្រី បានលើកទឹកចិត្តប្រជាសហគមន៍ចូលរួមពង្រឹង និងអនុវត្តច្បាប់ ដើម្បីគ្រប់គ្រងធនធានធម្មជាតិក្នុងសហគមន៍ឲ្យមាននិរន្តភាព ជាពិសេសចូលរួមទប់ស្កាត់ការកាប់ទន្រ្ទានដីព្រៃធ្វើជាកម្មសិទ្ធិ ការបរបាញ់សត្វ ហើយរួមគ្នាការពារនិងអភិរក្សធនធានធម្មជាតិថែមទៀត។ ជាមួយគ្នានេះ សម្តេចពិជ័យសេនា បានលើកទឹកចិត្តដល់ប្រជាពលរដ្ឋចូលរួមដាំស្តារព្រៃឈើឡើងវិញ នៅក្នុងតំបន់ការពារធម្មជាតិ ដើម្បីរួមចំណែកកាត់បន្ថយនូវការប្រែប្រួលអាកាសធាតុក្នុងតំបន់ និងពិភពលោក និងជាពិសេសសហគមន៍ត្រូវបង្កើត តំបន់ទេសចរណ៍ធម្មជាតិ ផ្តល់សេវា ដើម្បីជួយលើកកម្ពស់ជីវភាពគ្រួសារ និងការអភិវឌ្ឍសហគមន៍កាន់តែប្រសើរ៕

ព័ត៌មានបន្ថែម

សេចក្តី​ជូន​ដំណឹង​របស់ក្រសួង​បរិស្ថាន​ ស្តីពី​ការរៀបចំពិធី​អបអរសាទរ​ទិវាអនាម័យ​បរិស្ថានជាតិ ២៣ វិច្ឆិកា
ថ្ងៃ សុក្រ, 22 វិច្ឆិកា, 2019 សេចក្តី​ជូន​ដំណឹង​របស់ក្រសួង​បរិស្ថាន​ ស្តីពី​ការរៀបចំពិធី​អបអរសាទរ​ទិវាអនាម័យ​បរិស្ថានជាតិ ២៣ វិច្ឆិកា
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព បានអញ្ជើញជាអធិបតីក្នុងកម្មវិធីបេីកសម្ពោធដាក់អោយប្រើប្រាស់របាយការណ៍អភិវឌ្ឍន៍មនុស្សនៅកម្ពុជា ក្រោមប្រធានបទ​ “និរន្តរភាពនៃធនធានធម្មជាតិសម្រាប់ទាំងអស់គ្នា”
ថ្ងៃ ព្រហស្បតិ៍, 21 វិច្ឆិកា, 2019 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព បានអញ្ជើញជាអធិបតីក្នុងកម្មវិធីបេីកសម្ពោធដាក់អោយប្រើប្រាស់របាយការណ៍អភិវឌ្ឍន៍មនុស្សនៅកម្ពុជា ក្រោមប្រធានបទ​ “និរន្តរភាពនៃធនធានធម្មជាតិសម្រាប់ទាំងអស់គ្នា”
ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបសម្តែងការគួរសម និងជម្រាបលាពីសំណាក់លោកជំទាវ Angela Corcoran ឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា
ថ្ងៃ ព្រហស្បតិ៍, 21 វិច្ឆិកា, 2019 ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបសម្តែងការគួរសម និងជម្រាបលាពីសំណាក់លោកជំទាវ Angela Corcoran ឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា