នៅថ្ងៃសុក្រ ២កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២ ខែសីហា ឆ្នាំ២០១៩ ឯកឧត្តម នេត្រ ភក្រ្តា រដ្ឋលេខាធិការក្រសួងបរិស្ថាន បានដឹកនាំប្រជុំស្តីពីការជ្រើសរើសប្រធានបទ និងការដាក់ពិន្ទុ សម្រាប់ការប្រកួតវេទិកាយុវជនជជែកពិភាក្សាអំពីបរិស្ថាន ឆ្នាំ២០១៩ វគ្គពាក់កណ្តាលផ្តាច់ព្រ័ត្រនៅទីស្តីការក្រសួងបរិស្ថាន។ ឯកឧត្តម នេត្រ ភក្រ្តា បានលើកទឹកចិត្តឱ្យនាយកដ្ឋានអប់រំនៃអគ្គនាយកដ្ឋានចំណេះដឹង និងព័ត៌មានបរិស្ថាន សហការជាមួយអគ្គនាយកដ្ឋាននានានៃក្រសួងបរិស្ថាន ដែលជាអ្នករៀបចំកម្មវិធីអំពីគោលដៅ ដែលត្រូវជ្រើសរើស យកប្រធានបទ ដែលទាក់ទងសំខាន់ទៅនឹងកិច្ចគាំពារបរិស្ថាន សហគមន៍មូលដ្ឋាន ការការពារ និងអភិរក្សធនធានធម្មជាតិ ជីវៈចម្រុះ ការរស់នៅប្រកបដោយចីរភាព។ ការជ្រើសរើសប្រធានបទសម្រាប់វេទិកាជជែកពីបរិស្ថាន រួមចំណែកបណ្តុះគំនិតដល់សិស្សានុសិស្សដែលជាបេក្ខជន ឱ្យបានយល់ដឹងកាន់តែស៊ីជម្រៅពីបរិស្ថាន។
សូមបញ្ជាក់ផងដែរថា ការប្រកួតវេទិកាយុវជនជជែកពិភាក្សាអំពីបរិស្ថាន ឆ្នាំ២០១៩ វគ្គពាក់កណ្តាលផ្តាច់ព្រ័ត្រ នឹងរៀបចំឡើងនៅថ្ងៃទី២៩ ខែសីហា ឆ្នាំ២០១៩ ដែលមានសាលាចំនួន០៨ សាលានឹងធ្វើការប្រកួតប្រជែងស្វែករកសាលាចំនួន ០៤ ដើម្បីឈានទីវគ្គផ្កាច់ព្រ័ត្រនៅក្នុងខែបន្ទាប់។

ព័ត៌មានបន្ថែម

ក្រសួងបរិស្ថាន និងអង្គការដៃគូប្តេជ្ញាចិត្តធ្វើឱ្យប្រសើរឡើងនូវការអភិរក្សជីវៈចម្រុះ និងលើកកម្ពស់ជីវភាពសហគមន៍នៅក្នុងតំបន់ការពារទេសភាពបឹងព្រែកល្ពៅ
ថ្ងៃ អាទិត្យ, 16 មករា, 2022 ក្រសួងបរិស្ថាន និងអង្គការដៃគូប្តេជ្ញាចិត្តធ្វើឱ្យប្រសើរឡើងនូវការអភិរក្សជីវៈចម្រុះ និងលើកកម្ពស់ជីវភាពសហគមន៍នៅក្នុងតំបន់ការពារទេសភាពបឹងព្រែកល្ពៅ
សិក្ខាសាលាពិគ្រោះយោបល់​ថ្នាក់ជាតិ​ស្ដីពី «ការរៀបចំផែនការសកម្មភាពស្ដារសត្វខ្លាធំនៅកម្ពុជា ២០២២-២០២៣»
ថ្ងៃ ព្រហស្បតិ៍, 13 មករា, 2022 សិក្ខាសាលាពិគ្រោះយោបល់​ថ្នាក់ជាតិ​ស្ដីពី «ការរៀបចំផែនការសកម្មភាពស្ដារសត្វខ្លាធំនៅកម្ពុជា ២០២២-២០២៣»
ក្រុមការងារចុះមូលដ្ឋានខេត្តព្រះសីហនុប្រគេនទេយ្យទាន ដល់ព្រះសង្ឃក្នុងស្រុកព្រៃនប់ខេត្តព្រះសីហនុ
ថ្ងៃ ចន្ទ, 10 មករា, 2022 ក្រុមការងារចុះមូលដ្ឋានខេត្តព្រះសីហនុប្រគេនទេយ្យទាន ដល់ព្រះសង្ឃក្នុងស្រុកព្រៃនប់ខេត្តព្រះសីហនុ