នៅរសៀលថ្ងៃទី១៩ ខែមេសា ឆ្នាំ២០១៩ ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារជាមួយភាគីពាក់ព័ន្ធក្នុងគម្រោងព្រៃឡង់ JCM-រេដបូក ដោយមាន​ការចូលរួមពីមន្ត្រីថ្នាក់ដឹកនាំនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រុមការងារបច្ចេកទេសJCM-រេដបូក សរុបចំនួន១៤នាក់។ ក្នុងឱកាសនេះដែរភាគីជប៉ុន ក៏បានពិភាក្សា​ស្វែងយល់អំពីស្ថានភាពនៃការគ្រប់គ្រងព្រៃឈើបច្ចុប្បន្ននៅកម្ពុជា អំពីវឌ្ឍនភាពនៃការរៀបចំវិធីសាស្ត្រគម្រោងJCM-រេដបូក ហើយក៏បានលើកឡើងអំពីប្រធានបទការបំលែងកាកសំណល់​ម្ហូបអាហារទៅជាឥន្ធន:ជីវឧស្ម័ន ហើយជាមួយគ្នានេះបានស្នើការណែនាំអង្គភាព ឬស្ថាប័នដែលមានសក្តានុពលនិងសមស្របចូលរួមសិក្សាស្រាវជ្រាវនៅកម្ពុជា។ ជាការឆ្លើយតប ឯកឧត្តម សៅ សុភាព បានជម្រាបជូនភាគីជប៉ុនថា ស្ថានភាពនៃការគ្រប់​គ្រង​ធនធានព្រៃឈើនៅកម្ពុជាមានការរីកចម្រើនជាវិជ្ជមានល្អបើទោះជានៅមានបញ្ហាប្រឈមមួយចំនួនក៏ដោយ។ អំពីវឌ្ឍនភាពជាមួយវិធីសាស្ត្រគម្រោងគឺក្រុមការងារបច្ចេកទេសរេដបូកបានធ្វើការពិនិត្យ និងផ្តល់មតិកែសម្រួលជាមួយមន្រ្តីបច្ចេកទេសរបស់គម្រោងរួចហើយ។ ឯកឧត្តមសង្ឃឹមថា​សំណើវិធីសាស្ត្រគម្រោងខាងលើនេះនឹងត្រូវបានអនុម័តនៅក្នុងកិច្ចប្រជុំគណ:កម្មាធិការចម្រុះJCM នៅពេលខាងមុខ។ អំពីគោលបំណងសិក្សាស្រាវជ្រាវការបំលែងកាកសំណល់ម្ហូបអាហារទៅជាឥន្ធន:ជីវឧស្ម័ននៅកម្ពុជា ឯកឧត្តមប្រធានបានស្នើសុំផ្តល់ព័ត៌មានបន្ថែមនិងរក្សាការពិភាក្សាបន្តទៀត។

ព័ត៌មានបន្ថែម

សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ អង្គារ, 6 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានអនុញ្ញាតឱ្យលោកស្រី Suwanna Gauntlett នាយកប្រតិបត្តិនៃអង្គការសម្ពន្ធ័មិត្តសត្វព្រៃ(Wildlife Alliance )ចូលជួបពិភាក្សាការងារ
ថ្ងៃ សុក្រ, 10 ឧសភា, 2019 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានអនុញ្ញាតឱ្យលោកស្រី Suwanna Gauntlett នាយកប្រតិបត្តិនៃអង្គការសម្ពន្ធ័មិត្តសត្វព្រៃ(Wildlife Alliance )ចូលជួបពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ សុក្រ, 10 ឧសភា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ