នៅរសៀលថ្ងៃសុក្រ ១៥កើត ខែចេត្រ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី១៩ ខែមេសា ឆ្នាំ ២០១៩ នៅទីស្តីការក្រសួងបរិស្ថាន ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានអនុញ្ញាតិអោយឯកឧត្តម Christopher Balthazar Montero ឯកអគ្គរដ្ឋទូតនៃសាធារណៈរដ្ឋហ្វីលីពីនប្រចាំនៅព្រះរាជាណាចក្រកម្ពុជាបានចូលជួបសំដែងការគួរសម និងជម្រាបលា បន្ទាប់ពីបញ្ចប់អាណ្តិតបេសកមម្មកាទូត នៅព្រះរាជាណាចក្រកម្ពុជាអស់រយៈពេល៤ឆ្នាំកន្លងមកនេះ។
ឯកឧត្តមឯកអគ្គរដ្ឋទូតនៃសាធារណៈរដ្ឋហ្វីលីពីនបានមានប្រសាសន៍ថា បន្ទាប់ពីបំពេញបេសកកម្មការទូតអស់រយៈពេល៤ឆ្នាំនៅក្នុងប្រទេសកម្ពុជា ឯកឧត្តមសូមសំដែងនូវអំណរគុណ និងការកោតសរសើរចំពោះការដឹកនាំ និងភាពរីកចំរើនរបស់កម្ពុជាលើគ្រប់វិស័យ ជាពិសេសឯកឧត្តម បានស្វែងយល់កាន់តែច្បាស់ពីកិច្ចខិតខំប្រឹងប្រែងរបស់កម្ពុជា ដែលមានក្រសួងបរិស្ថានជាសេនាធិការផ្ទាល់ក្នុងកិច្ចគាំពារបរិស្ថាន ការការពារធនធានធម្មជាតិ ការអភិវឌ្ឍន៍ជីវៈចម្រុះ សំដៅការរស់នៅដោយចេរភាព តាមរយៈដំណើរទស្សនៈកិច្ចសិក្សាស្វែងយល់នៅខេត្តមណ្ឌលគីរី និង តំបន់ឧទ្យានជាតិបូកគោ ។ ក្នុងរយៈពេលកន្លងមកពីនេះក្រសួងបរិស្ថានក្នុងនាមជាម្ចាស់ផ្ទះ បានផ្តល់នូវកិច្ចសហប្រតិបត្តិ រយ៉ាងកក់ក្តៅជាមួយប្រទេសហ្វីលីពីន និងបណ្តាស្ថានទូតនានា។ ឯកឧត្តមបានបន្តថា កម្ពុជាមានសក្តានុពលផ្នែកទេសចរណ៍ធម្មជាតិ និងប្រវត្តិសាស្រ្តជាច្រើន ស្របពេលដែលប្រទេសហ្វីលីពីន មានអ្នកជំនាញផ្នែកអេកូ ទេសចរណ៍ដែរ ដូចនេះប្រទេសទាំង២នឹងបន្តនៅកិច្ចសហប្រតិបត្តិការកាន់តែល្អប្រសើរតាមរយៈការផ្លាស់ប្តូរបទសោធន៍ និងការកសាងសមត្ថភាពផែ្នកអេកូទេសចរណ៍ ។ជាកិច្ចឆ្លើយតប ឯកឧត្តមរដ្ឋមន្រ្តី បានថ្លែងនូវអំណរគុណចំពោះឯកឧត្តមឯកអគ្គរដ្ឋទូតនៃសាធារណរដ្ឋហ្វីលីពីនដែលកន្លងមកបានសំរបសម្រួល និង សហប្រតិបត្តិការយ៉ាងល្អជាមួយកម្ពុជា ឯកឧត្តមរដ្ឋមន្រ្តីក៏បានជូនពរ ឯកឧត្តម Christopher ចំពោះការបន្តបេសកកម្មការទូតទៅប្រទេសប្រុយណេ សូមប្រកបដោយភាពជោគជ័យ និងសូមផ្តាំផ្ញើរនិងថ្លែងអំណរគុណចំពោះថ្នាក់ដឹកនាំប្រទេសហ្វីលីពីន ដែលតែងតែបញ្ជូនបេសកជនការទូតល្អៗមកកម្ពុជា។

ព័ត៌មានបន្ថែម

ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថានបានតម្រង់ទិសយុវជនដោយផ្តល់ព័ត៌មានសំខាន់ៗទាក់ទងនឹងសំណល់សំរាមដែលបរិមាណសំរាម សំណល់ទីប្រជុំជនដែលបានបង្កើតឡើងនៅកម្ពុជា
ថ្ងៃ អាទិត្យ, 20 តុលា, 2019 ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថានបានតម្រង់ទិសយុវជនដោយផ្តល់ព័ត៌មានសំខាន់ៗទាក់ទងនឹងសំណល់សំរាមដែលបរិមាណសំរាម សំណល់ទីប្រជុំជនដែលបានបង្កើតឡើងនៅកម្ពុជា
ឯកឧត្តម នេត្រ ភក្ត្រា៖ ដើម្បីអប់រំមនុស្សឱ្យចេះស្រលាញ់បរិស្ថាន ត្រូវតែបណ្តុះគំនិតពួកគេពីក្មេងៗឡើងទៅ
ថ្ងៃ សៅរ៍, 19 តុលា, 2019 ឯកឧត្តម នេត្រ ភក្ត្រា៖ ដើម្បីអប់រំមនុស្សឱ្យចេះស្រលាញ់បរិស្ថាន ត្រូវតែបណ្តុះគំនិតពួកគេពីក្មេងៗឡើងទៅ
សិក្ខាសាលាស្តីពីការអនុវត្តគោលនយោបាយ រាជរដ្ឋាភិបាលកម្ពុជា ក្នុងការពង្រឹងកិច្ច ដំណើការកំណែទម្រង់ការងារវិមជ្ឈការ និង វិសហមជ្ឈការ នៃក្រសួងបរិស្ថាន
ថ្ងៃ សុក្រ, 18 តុលា, 2019 សិក្ខាសាលាស្តីពីការអនុវត្តគោលនយោបាយ រាជរដ្ឋាភិបាលកម្ពុជា ក្នុងការពង្រឹងកិច្ច ដំណើការកំណែទម្រង់ការងារវិមជ្ឈការ និង វិសហមជ្ឈការ នៃក្រសួងបរិស្ថាន