នាព្រឹកថ្ងៃព្រហស្បត្តិ៍ ១៥រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៤ ខែមេសា ឆ្នាំ២០១៩ នៅសាលប្រជុំប្រាជ្ញ ស្រ៊ុន នៃទីស្តីការក្រសួងបរិស្ថាន ឯកឧត្តម សៅ សុភាព រដ្ឋលេខាធិការក្រសួងបរិស្ថាន និងជាតំណាងដ៏ខ្ពង់ខ្ពស់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានដឹកនាំកិច្ចប្រជុំអន្តរក្រសួង ដេីម្បី​បន្តពិភាក្សាលើសេចក្តីព្រាងប្រកាសស្តីពីចំណាត់ថ្នាក់នៃការវាយតម្លៃហេតុប៉ះពាល់បរិស្ថានសម្រាប់គម្រោងអភិវឌ្ឍន៍ ដោយមានការចូលរួមពីឯកឧត្តម លោកជំទាវតំណាងក្រសួង ស្ថាប័នពាក់ព័ន្ធ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការក្រសួងបរិស្ថាន និងឯកឧត្តម លោកជំទាវ​ លោក​ លោកស្រី តំណាងអគ្គនាយកដ្ឋានពាក់ព័ន្ធនៃក្រសួងបរិស្ថាន និងមន្ត្រីជំនាញ​នៃនាយកដ្ឋានវាយតម្លៃហេតុប៉ះពាល់បរិស្ថាន នៃក្រសួងបរិស្ថានជាច្រើនរូប។
នៅក្នុងកិច្ចប្រជុំនេះ ឯកឧត្តម សៅ សុភាព បានលើកឡើងពីគោលបំណងសំខាន់ក្នុងការបន្តពិភាក្សាលើសេចក្តីព្រាងប្រកាស​នេះ គឺដើម្បីទទួលយកធាតុចូលបន្ថែមទៀតពីក្រសួង ស្ថាប័នពាក់ព័ន្ធ សំដៅធ្វើយ៉ាងណាឱ្យសេចក្តីព្រាងប្រកាស​នេះពេលចូលជាធរមានអាចអនុវត្តប្រកបដោយប្រសិទ្ធភាពខ្ពស់ និងផ្តល់ភាពងាយស្រួលដល់ម្ចាស់គម្រោងអភិវឌ្ឍន៍។
ក្រោយពី​ ឯកឧត្តម លោកជំទាវ អស់លោក លោកស្រីជាសមាជិកអង្គប្រជុំបានពិនិត្យ និងពិភាក្សាយ៉ាងផុសផុលរួចមក អង្គប្រជុំបានទទួលនូវមតិយោបល់ជាធាតុចូលយ៉ាងច្រើន ដើម្បីឱ្យក្រុមការងារ​នាយកដ្ឋានវាយតម្លៃហេតុប៉ះពាល់បរិស្ថាននៃក្រសួងបរិស្ថាន យក​ទៅកែសម្រួល និងបញ្ចូលទៅក្នុងសេចក្តីព្រាងប្រកាសខាងលើបន្ថែមទៀត។
នៅចុងបញ្ចប់នៃកិច្ចប្រជុំនេះ តំណាងក្រុមប្រឹក្សាអភិវឌ្ឍន៍កម្ពុជាក៏បានសំណូមពរឱ្យក្រសួងបរិស្ថានរៀបចំកិច្ចប្រជុំលើសេចក្តី​ព្រាង​ប្រកាសនេះជាមួយនឹងវិស័យឯកជន បន្ថែមទៀតផងដែរ។

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ