យុទ្ធនាការផ្សព្វផ្សាយតាមប្រព័ន្ធផ្សព្វផ្សាយសង្គម
- ប្លាស្ទិកគឺជាសារធាតុម្យ៉ាងស្តើងដែលមានភាពយឺត ទន់ ងាយស្រួលបត់បែន និងប្រើប្រាស់បានយូរ ប៉ុន្តែវាបង្កផលប៉ះពាល់ជាច្រើនដល់បរិស្ថាន និងសុខភាពមនុស្ស។ ប្លាស្ទិកភាគច្រើនធ្វើឡើងពីធនធានធម្មជាតិកម្ររ រួមមានដូចជាប្រេង ធ្យូងថ្ម និងសែនល្យូលូស ដែលធនធានទំាងនេះសុទ្ធតែពិបាកនឹងកកើតឡើងវិញ។ Link #noplasticKH #saynotoplastic #plasticfreecambodia ។
- ទំាងអស់គ្នាមានដឹងទេថា៖ ចាប់តាំងពីការបង្កើតប្លាស្ទិកដំបូងរហូតដល់ឆ្នាំ ២០១៥ សំរាមប្លាស្ទិកមានចំនួនប្រមាណជាជាង៨.៣ ពាន់លានតោន ហើយមានតែ ៩% តែប៉ុណ្ណោះនៃសំរាមប្លាស្ទិកដែលបានកែច្នៃដើម្បីប្រើប្រាស់ឡើងវិញ។ សំណល់ប្លាស្ទិកដ៏ច្រើនទំាងនេះបានធ្វើឲ្យមានផលប៉ះពាល់យ៉ាងធ្ងន់ធ្ងរ ដល់បរិស្ថាន ជីវចម្រុះ និងមនុស្ស។ Link #noplasticKH #saynotoplastic #plasticfreecambodia ។
- ថង់ប្លាស្ទិកអាចត្រូវការពេល ពី ១០ ទៅ២០ឆ្នាំ ដើម្បីពុកផុយ ចំណែកឯប្រអប់ស្នោដាក់អាហារ អាចត្រូវការពេលរាប់ពាន់ឆ្នាំ ហើយមួយចំនួនមិនអាចរលាយបានទេ។ ប្លាស្ទិកទំាងនោះមានសាធាតុពុលជាច្រើន ដែលបាន និងកំពុងបំពុលទឹក ដី និងខ្យល់។ link #noplasticKH #saynotoplastic #plasticfreecambodia
- តើហេតុអ្វីបានជាយើងត្រូវខ្វល់ខ្វាយអំពីប្លាស្ទិក?
- ប្លាស្ទិកបំពុលបរិស្ថានយ៉ាងខ្លំាងរួមមាន ខ្យល់ ទឹក និងដី
- សំរាមសំរាមប្លាស្ទិកអាចសម្លាប់ជីវិតសត្វព្រៃ និងសត្វសមុទ្រ
- ប៉ះពាល់យ៉ាងខ្លំាងដល់សុខភាពមនុស្ស
- យើងត្រូវចំណាយថវិកាច្រើនក្នុងការសម្អាត
- ប្លាស្ទិកមួយចំនួនមិនងាយនឹងរលួយ និងមិនអាចកែច្នៃឡើងវិញបាននោះទេ
- ផលប៉ះពាល់ដល់សេដ្ឋកិច្ចជាតិជាខ្លាំងនៅពេលដែល ទឹក ដី និងខ្យល់ត្រូវបានបំពុលដោយប្លាស្ទិក (UN Environment 2018) #noplasticKH #saynotoplastic #plasticfreecambodia
- រដ្ឋាភិបាលកម្ពុជាបានដាក់ចេញនូវ អនុក្រឹត្យ១៦៨ ស្តីពីការគ្រប់គ្រងថង់ប្លាស្ទិក នៅឆ្នាំ ២០១៧។ មាត្រា១២ បានតម្រូវឲ្យប្រជាពលរដ្ឋគ្រប់រូបមានកាត្វកិច្ចចូលរួមចំណែកកាត់បន្ថយការប្រើប្រាស់ថងប្លាស្ទិកតាមដែលអាចធ្វើទៅបាន តាមរយៈការប្រើប្រាស់ឡើងវិញនូវថង់ប្លាស្ទិក ឬ ប្រើប្រាស់វត្ថុជំនួសថង់ប្លាស្ទិក ។ Link #noplasticKH #saynotoplastic #plasticfreecambodia
- មាត្រា១៨ នៃអនុក្រឹត្យស្តីពីការគ្រប់គ្រងថង់ប្លាស្ទិកបានកំណត់ថា រាល់ផ្សារទំនើប និងមជ្ឈមណ្ឌលពាណិជ្ជកម្មត្រូវគិតកម្រៃបន្ថែមលើការប្រើប្រាស់ថង់បា្លស្ទិក។ រាល់កម្រៃបន្ថែមដែលទទួលបានពីការលក់ថង់ប្លាស្ទិក ត្រូវគិតបញ្ចូលទៅក្នុងវិក្កយបត្រលក់ទំនិញ។ Link #noplasticKH#saynotoplastic #plasticfreecambodia
- មាត្រា១៩ នៃអនុក្រឹត្យស្តីពីការគ្រប់គ្រងថង់ប្លាស្ទិកបានចែងថា ការអនុវត្តនូវគោលការណ៍ ការផ្តល់ថង់ប្លាស្ទិកដល់អតិថិជនត្រូវគិតកម្រៃបន្ថែម នៅតាមគ្រប់ទីតំាងអាជីវកម្មនិងសេវាកម្មទំាងអស់ និងត្រូវអនុវត្តពេញលេញនៅទូទំាងប្រទេស ចាប់តាំងថ្ងៃទី១០ ខែឧសភា ២០១៨ ដែលត្រូវបានកំណត់ដោយប្រកាសអន្តរក្រសួងរវាងក្រសួងបរិស្ថាន និងក្រសួងពាក់ព័ន្ធ។ #noplasticKH #saynotoplastic #plasticfreecambodia
- តើអ្នកដឹងទេថា ប្រសិនបើអ្នកដុត សំរាមប្លាស្ទិក វាបញ្ចេញសារធាតុគីមីដែលមានគ្រោះថ្នាក់យ៉ាងខ្លំាងដូចជាឧស្មន័កាបូន Carbone ឧស្មន័ពុលឌីអុកស៊ីន Dioxin នឹង Furan ដែលធ្វើឲ្យបរិយាកាសកាន់តែក្តៅ ហើយវាប៉ះពាល់ទៅដល់សុខភាពរបស់មនុស្ស សត្វនឹងរុក្ខជាតិទៀតផង។ នៅពេលដែលមនុស្សស្រូបយកឧស្ម័នពុលទំាងនោះ វានឹងធ្វើឲ្យមានផលប៉ះពាល់យ៉ាងខ្លំាងលើផ្លូវដង្ហើម ព្រមទំាងអាចបង្កឲ្យកើតជម្ងឺមហារីកទៀតផង។ link #noplasticKH #saynotoplastic #plasticfreecambodia
- តើអ្នកអាចធ្វើអ្វីបានខ្លះក្នុងការកាត់បន្ថយការប្រើប្រាស់ប្លាស្ទិក?
ចំៈ អនុវត្ត 5Rs (Refuse, reduce, recycle, reuse, remind)
- បដិសេធមិនប្រើប្រាស់ ៖ មិនទទួលយកប្រើប្រាស់ប្លាស្ទិក ដូចជា បំពង់បឺតប្លាស្ទិក កាបូបប្លាស្ទិក និង ប្រអប់ស្នោដាក់អាហារតាមដែលខ្ញុំអាចធ្វើបាន
- កាត់បន្ថយការបង្កើតប្លាស្ទិក៖ ព្យាយាមកាត់បន្ថយប្លាស្ទិកដោយសម្រេចចិត្តទិញរបស់ដែលមិនប្រើប្លាស្ទិកឲ្យបានច្រើន
- កែច្នៃឡើងវិញ៖ កែច្នៃប្លាស្ទិកដើម្បីប្រើប្រាស់ឡើងវិញ ហើយនឹងចោលសំរាមប្លាស្ទិកនៅក្នុងធុងសំរាមកែច្នៃឡើងវិញ
- ប្រើឡើងវិញរាល់ប្លាស្ទិក៖ ប្រើប្រាស់វត្ថុដែលជាប្លាស្ទិកឡើងវិញ មុខពេលសម្រេចចិត្តប្រើប្រាស់ប្លាស្ទិកថ្មី
- រំលឹកអ្នកដទៃ ចួលរួមរំលឹកអ្នកនៅជុំវិញខ្លួនយើងអំពីវិធីកាត់បន្ថយប្លាស្ទិកតាម 4Rs ខាងលើ ហើយឲ្យពួកគាត់ពិចារណាអំពីសកម្មភាពនៃការប្រើប្រាស់ប្លាស្ទិករបស់ខ្លួន Link #noplasticKH#saynotoplastic #plasticfreecambodia
- ឧទាហរណ៍នៃការឈប់ប្រើប្រាស់ប្លាស្ទិក
- ប្រើប្រាស់ស្បោង ឬថង់បរិស្ថាន
- ប្រើប្រាស់ដបទឹកដែលអាចប្រើឡើងវិញបាន
- ប្រើប្រាស់ប្រអប់ ឬវត្ថុជំនួសថង់ប្លាស្ទិកដើម្បីវេចខ្ចប់អាហារ ឬសម្ភារនានា
- ប្រើប្រាស់បំពង់បឺតដែលធ្វើឡើងពីក្រដាស់ ឬ បំពង់ឬស្សី
- ប្រើប្រាស់កែវ ឬដបប្រើឡើងវិញដើម្បីដាក់កាហ្វេ ឬ ភេសជ្ជៈផ្សេងៗ
#noplasticKH #saynotoplastic #plasticfreecambodia
- តើលោកអ្នកទំាងអស់គ្នាធ្លាប់គិតថា កែវកាហ្វេអាចកែច្នៃឡើងវិញដែរឬទេ? ៩៩.៧៥% នៃកែវដាក់កាហ្វេមិនអាចកែច្នៃឡើងវិញបានទេ ដោយសារតែវាត្រូវបានផលិតឡើងដោយការបញ្ចូលគ្នារវាងក្រដាស និងប្លាស្ទិក ដើម្បីធ្វើឲ្យវាអាចរក្សាកំដៅ និងមិនឲ្យជ្រាបទឹក។ យើងគួរ យកកែវកាហ្វេដែលអាចប្រើឡើងវិញបានតាមខ្លួនជានិច្ច នៅពេលដែលយើងចង់ទិញកាហ្វេ។ ព័ត៌មានបន្ថែមសូមចូលទៅកាន់ link #noplasticKH#saynotoplastic #plasticfreecambodia
- តើលោកអ្នកធ្លាប់មើលបាតកែវដាក់ភេសជ្ជៈដែលយើងទិញឬទេ? បើអ្នកឃើញ សញ្ញា (PP) ឬ (5) សញ្ញានោះមានន័យថា កែវប្លាស្ទិកនោះមិនអាចកែច្នៃឡើងវិញបានទេ។ ប្រហែលជាយើងត្រូវសួរខ្លួនឯងថា តើយើងគួរតែបន្តទិញភេសជ្ជៈដែលប្រើប្រាស់ប្លាស្ទិកមិនអាចកែច្នៃបានទៀតទេ ឬក៏អ្នកចង់ចូលរួមចំណែកដោះស្រាយបញ្ហាប្លាស្ទិកនេះ? link #noplasticKH #saynotoplastic #plasticfreecambodia
ប្រភពរូបភាព៖ http://www.lovellrecycling.com/plastic
- សាកទាយមើល តើយើងប្រើប្រាស់ប្លាស្ទិកចំនួនប៉ុន្មានក្នុងមួយថ្ងៃ? តោះរាប់ទំាងអស់គ្នា…………។ តាមការស្រាវជ្រាវបឋមរបស់អង្គការ FFI នាឆ្នាំ២០១៩ បានរកឃើញថា ជាមធ្យមប្រជាជនកម្ពុជានៅតាមតំបន់ឆ្នេរក្នុងមួយផ្ទះប្រើថង់ប្លាស្ទិកជាមធ្យមចំនួន ១២ក្នុងមួយថ្ងៃ។ នៅពេលដែលអ្នកប្រើប្រាស់ប្លាស្ទិកកាន់តែច្រើន អ្នកនឹងកាន់តែទទួលផលប៉ះពាល់ដល់អ្នកកាន់តែ អាក្រក់។ #noplasticKH #saynotoplastic #plasticfreecambodia
- ទំាងអស់គ្នាពិតជាធ្លាប់ទិញអាហារខ្ចប់ត្រូវអត់? ហើយមានចាប់អារម្មណ៍ពីប្រអប់ស្នោខ្ចប់អាហារនោះដែរទេ? ប្រអប់ស្នោខ្ចប់អាហារនោះមិនអាចពុកផុតបានទេ ដូច្នេះបើយើងនៅតែបន្តប្រើប្រាស់ប្រអប់ស្នោប្លាស្ទិកនោះ យើងគឺជាអ្នកបំផ្លាញបរិស្ថាន និងសុខភាពរបស់ខ្លួនឯង។ សម្រាប់ព័ត៌មានបន្ថែម Link #noplasticKH #saynotoplastic #plasticfreecambodia
- ទំាងអស់គ្នាប្រហែលជាមិនចាប់អារម្មណ៍ទេថា ប្លាស្ទិកដែលយើងប្រើប្រាស់ជាប្រចំាថ្ងៃ មានដូចជា ថង់ប្លាស្ទិក បំពង់បឺតប្លាស្ទិក កែវប្លាស្ទិក ដបទឹកប្លាស្ទិក និង ប្រអប់ស្នោដាក់អាហារដែលប្រើតែម្តងរួចបោះចោល មានផលប៉ះពាល់យ៉ាងខ្លាំងដល់បរិស្ថាន សត្វ និងសុខភាពមនុស្សយើង។ យើងត្រូវរួមគ្នាកាត់បន្ថយការប្រើប្រាស់ប្លាស្ទិកទំាងនេះ។ Link #noplasticKH #saynotoplastic #plasticfreecambodia
- ទំាងអស់គ្នាធ្លាប់ឆ្ងល់ទេ នៅពេលដែលផ្សារទំនើបមួយចំនួនគិតលុយថ្លៃថង់ប្លាស្ទិក? ខឹង ឬ សប្បាយចិត្ត? ការគិតលុយថ្លៃថង់ប្លាស្ទិកនេះជាវិធីសាស្ត្រមួយក្នុងការកាត់បន្ថយការប្រើប្រាស់ប្លាស្ទិក ស្របទៅតាមអនុក្រឹត្យស្តីពីការគ្រប់គ្រងថង់ប្លាស្ទិក ដែលចេញដោយរដ្ឋាភិបាលកម្ពុជា។ ផ្សារទំនើប Aeon ថៃ ហួត និង Super Duper បានរាយការណ៍ថា ចំនួននៃការទិញថង់ប្លាស្ទិកមានការថយចុះប្រហែល ៦០%-៧០% ក្រោយអនុវត្តការគិតថ្លៃថ់ងប្លាស្ទិកពីអតិថិជន។ ចូលមើលព័ត៌មានបន្ថែម Link #noplasticKH#saynotoplastic #plasticfreecambodia
- ធ្លាប់ដឹងអត់ថា តើនឹងមានអ្វីកើតឡើងនៅពេលដែលអ្នកបោះចោលប្លាស្ទិកដែលប្រើរួច? សាកមើល Video នេះទំាងអស់គ្នា link #noplasticKH#saynotoplastic #plasticfreecambodia
សំណួរ–ចម្លើយប្រចាំខែ
- តើប្រជាជននៅក្នុងភ្នំពេញ ជាមធ្យមប្រើប្រាស់ថង់ប្លាស្ទិកចំនួនប៉ុន្មានក្នុងមួយថ្ងៃ?
- ១០ លានថង់ប្លាស្ទិក (ចម្លើយត្រឹមត្រូវ)
- ២០ លានថង់ប្លាស្ទិក
- ៣០ លានថង់ប្លាស្ទិក
- ៤០ លានថង់ប្លាស្ទិក
- តើអ្នកដឹងទេថា បំពង់បឺតប្លាស្ទិកមួយ ត្រូវការពេលវេលាប៉ុន្មានដើម្បីរលាយ?
- ១០ ទៅ ២០ ឆ្នាំ
- ៥០ ទៅ ១០០ ឆ្នាំ
- ១០០ ទៅ ៥០០ ឆ្នាំ (ចម្លើយត្រឹមត្រូវ)
- ៥០០ ទៅ ១០០០ ឆ្នាំ
- តើក្នុងមួយឆ្នាំមានសត្វសមុទ្រស្លាប់ប៉ុន្មានដោយសារប្លាស្ទិក?
- ជាង ១ លានសត្វស្លាបសមុទ្រ និង ១ សែនសត្វសមុទ្រ (ចម្លើយត្រឹមត្រូវ)
- ជាង ២ សែនសត្វស្លាបសមុទ្រ និង ១ សែនសត្វសមុទ្រ
- ជាង ៣ សែនសត្វស្លាបសមុទ្រ និង ១ សែនសត្វសមុទ្រ
- តើមានប្លាស្ទិកចំនួនប៉ុន្មានភាគរយដែលត្រូវបានចាក់ចូលទៅក្នុងសមុទ្រប្រទេសកម្ពុជា?
- 28%
- 38%
- 48% (ចម្លើយត្រឹមត្រូវ)
- 58%
- តើអ្នកអាចកាត់បន្ថយប្លាស្ទិកតាមរបៀបណាខ្លះ? (ចម្លើយខាងក្រោមទំាង៤ ត្រូវទំាងអស់)
- បដិសេធសម្ភារប្លាស្ទិកដែលប្រើប្រាស់តែម្តងរួចបោះចោល
- កាត់បន្ថយការប្រើប្រាស់សម្ភារប្លាស្ទិកដោយពិចារណាម៉ត់ចត់មុនពេលសម្រេចចិត្តទិញប្លាស្ទិក
- ប្រើប្រាស់ឡើងវិញរាល់ប្លាស្ទិកចាស់ ជាជាងទិញប្លាស្ទិកថ្មី
- កែច្នៃសម្ភារៈប្លាស្ទិកឡើងវិញ និងតែងតែចោលប្លាស្ទិកក្នុងធុងសំរាមកែច្នៃឡើងវិញ
- តើប្លាស្ទិកមានផលប៉ះពាល់អ្វីខ្លះ?
- បំពុលបរិស្ថាន សម្លាប់សត្វ បំផ្លាញសុខភាពមនុស្ស (ចម្លើយត្រឹមត្រូវ)
- ធ្វើឲ្យរដ្ឋាភិបាលចំណាយច្រើនក្នុងការសម្អាតប្លាស្ទិក (ចម្លើយត្រឹមត្រូវ)
- មិនសូវជាមានផលប៉ះពាល់ច្រើនទេ ដោយសារតែមិនមានការសិក្សាស្រាវជ្រាវច្បាស់
- ធ្វើឲ្យទឹកសមុទ្រក្លាយជាកន្លែងកខ្វក់
