Warning: chmod(): Operation not permitted in /webhost/www.moe.gov.kh-new/public_html/wp-admin/includes/class-wp-filesystem-direct.php on line 173
វេទិកាស្ដីពីការការពារនិងអភិរក្សធនធានធម្មជាតិ នៅខេត្តមណ្ឌលគិរី – ក្រសួងបរិស្ថាន

នៅខេត្តមណ្ឌលគិរី ក្រសួងបរិស្ថាន បានរៀបចំវេទិកាស្ដីពី “ការការពារ និងអភិរក្សធនធានធម្មជាតិ” ក្រោមប្រធានបទ «សម្ព័ន្ធសហភាពសហគមន៍អភិរក្សធនធានធម្មជាតិ» នាថ្ងៃអង្គារ ១៤រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១២ ខែមិថុនា ឆ្នាំ២០១៨ ក្រោមអធិបតីភាព ឯកឧត្តម សូ ខនប្ញទ្ធីគុណ អនុរដ្ឋលេខាធិការ តំណាង ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងមានការចូលរួមពីតំណាងអគ្គលេខាធិការដ្ឋានអភិវឌ្ឍន៍ដោយចីរភាព អគ្គនាយកដ្ឋានទាំងអស់របស់ក្រសួងបរិស្ថាន អាជ្ញាធរមូលដ្ឋាន មន្ទីរបរិស្ថាន សហគមន៍តំបន់ការពារធម្មជាតិមកពីទូទាំងប្រទេស ដៃគូអភិវឌ្ឍន៍ អង្គការសង្គមស៊ីវិល ប្រមាណ ២៥០ នាក់។

ឯកឧត្តម ញ៉ន សិទ្ធ អភិបាលរង នៃគណៈអភិបាលខេត្តមណ្ឌលគិរីបានឱ្យដឹងថាការចងបណ្តាញនេះជាផ្នែកមួយដើម្បីឆ្លើយតបទៅនឹងគោលដៅជាយុទ្ធសាស្ត្ររបស់រាជរដ្ឋាភិបាលកម្ពុជា ក្នុងការការពារ និងអភិរក្សធនធានធម្មជាតិ។

ក្នុងឱ្យកាសនេះ ឯកឧត្តម សូ ខនប្ញទ្ធីគុណ បានលើកឡើងថា ការរៀបចំចងក្រងសហគមន៍មូលដ្ឋាននេះ ទាំងសហគមន៍តំបន់ការពារធម្មជាតិ សហគមន៍ព្រៃឈើ និងសហគមន៍ផ្សេងៗទៀត ជាបណ្តាញ មានគោលបំណងរួមក្នុងការប្រមូលកម្លាំងរួមគ្នា ដើម្បីពង្រឹងការការពារ និងអភិរក្សធនធានធម្មជាតិឱ្យមានប្រសិទ្ធភាពខ្ពស់។

ឯកឧត្តម ខៀវ បូរិន អគ្គនាយក នៃអគ្គនាយកដ្ឋានសហគមន៍មូលដ្ឋានក្រសួងបរិស្ថាន បានបញ្ជាក់ថា វេទិកា រយៈពេល២ថ្ងៃ នឹងផ្តោតលើ
១. ពិភាក្សា និងធ្វើបច្ចុប្បន្នភាព ពីការងារពាក់ព័ន្ធនឹងការការពារ និងអភិរក្សធនធានធម្មជាតិ នៅថ្នាក់មូលដ្ឋាន
២. ពិភាក្សាលើការរៀបចំ និងបង្កើតឱ្យមានយន្ដការសម្របសម្រួល និងគ្រប់គ្រងសហគមន៍មូលដ្ឋាន រចនាសម្ព័ន្ធថ្នាក់ជាតិ ថ្នាក់តំបន់ (ខាងកើតទន្លេមេគង្គ ខាងជើងបឹងទន្លេសាប និង ខាងត្បូងបឹងទន្លេសាប) និងថ្នាក់ខេត្ត (តំបន់ការពារធម្មជាតិ) នៅទូទាំងប្រទេស។

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩