ក្នុងជំនួបជាមួយ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នៅក្នុងសិក្ខាសាលាជាន់ខ្ពស់ ស្តីពីនិរន្តរភាពទីក្រុង នៅក្រោមក្របខណ្ឌកិច្ចប្រជុំកំពូលរបស់រដ្ឋមន្រ្តីបរិស្ថានអាស៊ីបូព៌ា នៅថ្ងៃទី៨ ខែមីនា ឆ្នាំ២០១៨ នាខេត្តសៀមរាប ឯកឧត្តម យ៉ាស៊ូ តាកាហាស៊ី អនុរដ្ឋមន្រ្តីទទួលបន្ទុកការងារបរិស្ថាន ពិភពលោក នៃក្រសួងបរិស្ថានជប៉ុន បានបញ្ជាក់ថារាជរដ្ឋាភិបាលជប៉ុន ត្រៀមខ្លួនជាស្រេច ដើម្បី ពង្រឹងកិច្ចសហប្រតិបត្តិការជាមួយកម្ពុជាលើវិស័យបរិស្ថាន តាមរយៈទីភ្នាក់ងារអភិវឌ្ឍន៍អន្តរជាតិរបស់ខ្លួន JICA។

ឯកឧត្តម យ៉ាស៊ូ តាកាហាស៊ី បានបញ្ជាក់ថាកន្លងមក ជប៉ុនបានផ្នែកស្តារ និងកសាងហេដ្ឋារចនាសម្ព័ន្ឋនិងការចូលរួម ផ្នែកការកាត់បន្ថយការលំបាកប្រជាពលរដ្ឋ ផ្នែកសេដ្ឋកិច្ជ លើលកម្ពស់សុខភាព ក៏ដូចជាការផ្គត់ផ្គង់ទឹកស្អាតនៅរាជធានីភ្នំពេញផងដែរ។ ជប៉ុនគ្រោងនឹងសម្របសម្រួលលសហប្រតិបត្តិការបរិស្ថាន ក្នុងប្រធានបទមួយចំនួន ដូចជា ប្រព្រឹត្តិកម្មសំណល់ ការប្រើប្រាសសំណល់ឡើងវិញ ការប្រែប្រួលអាកាសធាតុ ជីវៈចម្រុះ និងនិរន្តរភាពទីក្រុង។

នៅក្នុងជំនួប ឯកឧត្តម សាយ សំអាល់ បានថ្លែងអំណរគុណដល់រាជរដ្ឋាភិបាលជប៉ុន ក្នុងការជួយអភិវឌ្ឍន៍ប្រទេសកម្ពុជា។ ឯកឧត្តមរដ្ឋមន្រ្តី បញ្ជាក់ថា កម្ពុជាត្រៀមខ្លួនជាស្រេចក្នុងការពង្រឹងកិច្ចសហប្រតិបត្តិការលើវិស័យបរិស្ថានជាមួយជប៉ុនដើម្បីសម្រេចបានការអភិវឌ្ឍប្រកបដោយចីរភាព។

សូមបញ្ជាក់ថា កម្ពុជាធ្វើជាម្ចាស់នៅខេត្តសៀមរាប រយៈពេល៣ថ្ងៃចាប់ពីថ្ងៃទី០៨ ដល់ថ្ងៃទី១០ ខែមីនាឆ្នាំ២០១៨ សិក្ខាសាលាជាន់ខ្ពស់ ស្តីពីនិរន្តរភាពទីក្រុង នៅក្រោមក្របខណ្ឌកិច្ចប្រជុំកំពូលរបស់រដ្ឋមន្រ្តី បរិស្ថានអាស៊ីបូព៌ា ដែលជាឱកាសដ៏ពិសេសមួយ សម្រាប់មន្រ្តីជាន់ខ្ពស់ថ្នាក់ជាតិរបស់ស្ថាប័នរដ្ឋាភិបាល ទទួលបន្ទុកលើវិស័យ បរិស្ថាន និងតំណាងស្ថាប័នថ្នាក់ក្រោមជាតិ ក៏ដូចជាភាគីពាក់ព័ន្ធសំខាន់ៗដែលអញ្ជើញមកពី សហគមន៍ អភិវឌ្ឍអន្តរជាតិ ស្ថាប័នសិក្សា និងវិស័យឯកជន ផ្លាស់ប្តូរព័ត៌មាន និងពិភាក្សាគ្នាអំពីបញ្ហា និងគំនិតថ្មីៗ ដើម្បីសម្រេចបានការអភិវឌ្ឍទីក្រុងប្រកបដោយនិរន្តរភាព៕

ព័ត៌មានបន្ថែម

រដ្ឋមន្ត្រីក្រសួងយុត្តិធម៌ថ្លែងកោតសរសើរថាក្រមបរិស្ថានមានភាពប្រទាក់ក្រឡាគ្នា និងមានលក្ខណៈគ្រប់ជ្រុងជ្រោយ
ថ្ងៃ សុក្រ, 16 មិនា, 2018 រដ្ឋមន្ត្រីក្រសួងយុត្តិធម៌ថ្លែងកោតសរសើរថាក្រមបរិស្ថានមានភាពប្រទាក់ក្រឡាគ្នា និងមានលក្ខណៈគ្រប់ជ្រុងជ្រោយ
រដ្ឋមន្ត្រីបរិស្ថានជំរុញឱ្យអង្គការInSTEDD iLab បង្កើតប្រព័ន្ធអេប(APP) ដើម្បីលើកកម្ពស់ចំណេះដឹងបរិស្ថានដល់ប្រជាពលរដ្ឋ
ថ្ងៃ ព្រហស្បតិ៍, 1 មិនា, 2018 រដ្ឋមន្ត្រីបរិស្ថានជំរុញឱ្យអង្គការInSTEDD iLab បង្កើតប្រព័ន្ធអេប(APP) ដើម្បីលើកកម្ពស់ចំណេះដឹងបរិស្ថានដល់ប្រជាពលរដ្ឋ
រដ្ឋមន្ត្រីបរិស្ថាន ជំរុញឱ្យអង្គការជនពិការដាក់ធាតុចូលក្នុងក្រមធនធានធម្មជាតិបរិស្ថាន
ថ្ងៃ ព្រហស្បតិ៍, 1 មិនា, 2018 រដ្ឋមន្ត្រីបរិស្ថាន ជំរុញឱ្យអង្គការជនពិការដាក់ធាតុចូលក្នុងក្រមធនធានធម្មជាតិបរិស្ថាន