ក្រៅពីសហគមន៍អេកូទេសចរណ៍ជីផាត់ និងសហគមន៍អេកូទេសចរណ៍អារ៉ែង កោះកុងនៅមានសក្តានុពលធម្មជាតិ​ជាច្រើនកន្លែងទៀតដែលកំពុងទាក់ទាញភ្ញៀវទេសចរជាតិ និងអន្តរជាតិ តំបន់ការពារធម្មជាតិពាមក្រសោប គឺជាតំបន់ទាក់ទាញភ្ញៀវទេសចរជាតិ អន្តរជាតិប្រមាណ៦៤០០០នាក់នៅឆ្នាំ២០១៦នេះហើយចំណូលនៅឆ្នាំដដែលនេះគិតជាទឹកប្រាក់ប្រមាណ២០០លានរៀល។

តំបន់សហគមន៍ពាមក្រសោបដែលគ្របដណ្តប់ភូមិ១ និងភូមិ២ ក្នុងឃុំពាមក្រសោប ស្រុកមណ្ឌលសីមា ខេត្តកោះកុងមានចម្ងាយ៧គីឡូម៉ែត្រពីទីរួមខេត្ត មានសក្តានុពល ឆ្នេរខ្សាច់ស្អាតប្លែក ព្រៃកោងកាង សត្វផ្សោត សត្វស្លាបទឹក ការនេសាទ ភូមិចាស់ និងការកែច្នៃផលនេសាទ។

សូមបញ្ជាក់ថាដែនជម្រកសត្វព្រៃពាមក្រសោបគ្របដណ្តប់សហគមន៍តំបន់ការពារធម្មជាតិចំនួន៥កន្លែង ដែលរួមមានសហគមន៍តំបន់ការពារធម្មជាតិពាមក្រសោប សហគមន៍តំបន់ការពារធម្មជាតិកោះស្រឡៅ សហគមន៍តំបន់ការពារធម្មជាតិកោះការពិ សហគមន៍តំបន់ការពារធម្មជាតិបឹងកាឆាង សហគមន៍តំបន់ការពារធម្មជាតិទួលគគីរ។

-សហគមន៍តំបន់ការពារធម្មជាតិកោះស្រឡៅ ស្ថិតក្នុងភូមិកោះស្រឡៅ ឃុំកោះកាពិ ស្រុកកោះកុង ខេត្តកោះកុង ដែលមានចម្ងាយ២៣គីឡូម៉ែត្រពីទីរួមខេត្ត មានសក្តានុពលព្រៃកោងកាង សត្វផ្សោត ចំការដំណាំ ការនេសាទ ជិះទូកកំសាន្ត និងឆ្នេរខ្សាច់។

– សហគមន៍តំបន់ការពារធម្មជាតិកោះការពិ ស្ថិតក្នុងភូមិកោះកាពិ ឃុំកោះកាពិ ស្រុកកោះកុង ខេត្តកោះកុង ដែលមានចម្ងាយ២២គីឡូម៉ែត្រពីទីរួមខេត្ត មានសក្តានុពល កោះមានរាងមូល ព្រៃកោងកាង ឆ្នេរចំការដូង វត្តសម័យដើម ឆ្នេរខ្សាច់ និងសត្វស្លាបទឹក។

– សហគមន៍តំបន់ការពារធម្មជាតិបឹងកាឆាង ស្ថិតក្នុងភូមិបឹងកាឆាង ឃុំប៉ាក់ខ្លង ស្រុកមណ្ឌលសីមា ខេត្តកោះកុង ដែលមានចម្ងាយពី១១គីឡូម៉ែត្រពីទីរួមខេត្ត មានសក្តានុពល ព្រៃកោងកាង ឆ្នេរខ្សាច់ សត្វផ្សោត ជិះទូកកំសាន្ត និងមើលថ្ងៃលិច៕

ដោយ៖ ស៊ុន  មេសា, ប្រភព៖ មន្ទីរបរិស្ថានខេត្តកោះកុង

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩