ស្តីទីការក្រសួងបរិស្ថាន៖ នាព្រឹកថ្ងៃទី០៣ ខែសីហា ឆ្នាំ២០១៧ មានរៀបចំកិច្ចប្រជុំក្រុមការងារក្រសួងបរិស្ថានដើម្បីត្រៀមរៀបចំវេទិកាថ្នាក់ជាតិលើកទី២ ស្តីពី “ការការពារ និងអភិរក្សធនធានធម្មជាតិ” ដែលដឹកនាំដោយឯកឧត្តម ផៃ ប៊ុនឈឿន រដ្ឋលេខាធិការក្រសួងបរិស្ថាន និងមានការចូលរួមពីឯកឧត្តម លោកជំទាវ លោក លោកស្រី ជាសមាជិកគណៈកម្មការរៀបចំវេទិកាប្រមាណ៥០នាក់។

ក្រសួងបរិស្ថានទទួលបានចំណារឯកភាពដ៏ខ្ពង់ខ្ពស់សម្តេចតេជោនាយករដ្ឋមន្រ្តី ចុះថ្ងៃទី១៨ ខែមេសា ឆ្នាំ២០១៧ ដើម្បីដឹកនាំរៀបចំវេទិកាជាតិលើកទី២ ស្តីពី “ការការពារ និងអភិរក្សធនធានធម្មជាតិ” ដែលនឹងប្រព្រឹត្តទៅនៅថ្ងៃទី ២២ ខែ សីហា ឆ្នាំ ២០១៧ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ដើម្បីត្រួតពិនិត្យការងារ និងដាក់ចេញទិសដៅការងារអទិភាពសម្រាប់អនុវត្តន៍បន្ត។

វេទិការដែលគ្រោងនឹងរៀបចំនេះមានគោលបំណងពិភាក្សា និងរកដំណោះស្រាយ ទាក់ទងនឹងចំណុចសំខាន់ៗដូចជា ការគ្រប់គ្រងសំណល់រឹង-រាវ នៅតាមបណ្តារោងចក្រ-ទីប្រជុំជននានា, ការលើកកម្ពស់ជីវភាពរបស់ប្រជាពលរដ្ឋនៅតាមសហគមន៍មូលដ្ឋាន, ជំរុញការអភិវឌ្ឍន៍វិស័យទេសចរណ៍ធម្មជាតិ, លើកកម្ពស់ការអប់រំដល់កូនចៅប្រជាសហគមន៍មូលដ្ឋាន និងការបណ្តុះបណ្តាលវិជ្ជាជីវៈ, និងការរកទីផ្សារកសិផលជូនប្រជាពលរដ្ឋនៅសហគមន៍មូលដ្ឋាន។

សូមបញ្ជាក់ថាក្រសួងបរិស្ថានបានដឹកនាំរៀបចំវេទិកាថ្នាក់ជាតិ ស្តីពី “ការការពារ និងអភិរក្សធនធានធម្មជាតិ” ម្តងរួចមកហើយកាលពីឆ្នាំ២០១៦ ហើយវេទិកាដែលគ្រោងនឹងរៀបចំជាលើកទីពីរនេះគឺនៅថ្ងៃទី២២ ខែសីហា ឆ្នាំ២០១៧ នៅវិមានសន្តិភាព (ទីស្តីការគណៈរដ្ឋមន្រ្តី) ដែលនឹងមានការអញ្ជើញចូលរួមពីតំណាងមកពី ក្រសួង និងស្ថាប័នរដ្ឋ អង្គទូត វិស័យឯកជន គ្រឹះស្ថានអប់រំសិក្សា និងស្រាវជ្រាវ ដៃគូអភិវឌ្ឍន៍ អង្គការមិនមែនរដ្ឋាភិបាលជាតិ និងអន្តរជាតិ រដ្ឋបាលថ្នាក់ក្រោមជាតិ សហគមន៍ និងសមាគមន៍ចំនួន ៦០០នាក់៕



ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩