មន្ទីរបរិស្ថានខេត្ដព្រះវិហារ

នាថ្ងៃទី១៦ ខែមករា ឆ្នាំ២០២១ ការិយាល័យដែនជម្រកសត្វព្រៃគូលែន-ព្រហ្មទេព នៃមន្ទីរបរិស្ថានខេត្តព្រះវិហារ បានកសាងសំណុំរឿងបញ្ជូនទៅសាលាដំបូងខេត្រព្រះវិហារ លើបុរសអាយុ៤៦ឆ្នាំ ដែលបច្ចុប្បន្នរស់នៅភូមិគូលែនត្បូង ឃុំគូលែនត្បូង ស្រុកគូលែន ខេត្តព្រះវិហារ ពីបទកាប់គាស់រុករានដីព្រៃដើម្បីយកធ្វើជាកម្មសិទ្ធិ និងប្រើប្រាស់អាវុធកែច្នៃដោយខុសច្បាប់ ដែលផ្ទុយពីច្បាប់ស្តីពីតំបន់ការពារធម្មជាតិ (មាត្រា៦២ ចំណុច១ និងមាត្រា៦១ ចំណុច៦) នៅត្រង់ចំណុចព្រៃត្រពាំងសង្កែឡាក់ ស្ថិតក្នុងភូមិតាកឹង ឃុំថ្មី ស្រុកគូលែន ខេត្តព្រះវិហារ។ វត្ថុតាងរឹបអូស រួមមាន រណាយន្ត០១គ្រឿង អាវុធកែច្នៃ០១ដើម ថ្នាំសំលាប់ស្មៅ០១ធុង និងម៉ូតូ០១គ្រឿង មករក្សាទុកនៅទីចាត់ការតាកឹងជាបណ្តោះអាសន្ន។