រសៀលថ្ងៃចន្ទ ៣កើត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៩ ខែតុលា ឆ្នាំ២០២០ នាទីស្តីការក្រសួងបរិស្ថាន ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានអញ្ជើញជាអធិបតីភាពក្នុងពិធីប្រគល់វិញ្ញាបនបត្រជូនដល់និស្សិតស្ម័គ្រចិត្តនៃក្រសួងបរិស្ថាន។ ក្នុងពិធីនេះដែរ ក៏មានការអញ្ជើញចូលរួមពីសំណាក់ឯកឧត្តម ជួប ប៉ារីស៍ អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន លោក លោកស្រីអគ្គនាយករង ប្រធាន អនុប្រធាននាយកដ្ឋាន មន្ត្រីក្រោមចំណុះអគ្គនាយកដ្ឋានចំណេះដឹង និងព័ត៌មានបរិស្ថាន និងនិស្សិតស្ម័គ្រចិត្តទាំង១៨រូបផងដែរ។

ក្នុងឱកាសនោះដែរ ឯកឧត្តម ជួប ប៉ារីស៍ អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន បានលើកឡើងថា ការផ្តល់ជូននូវវិញ្ញាបនបត្រជូនដល់និស្សិតស្ម័គ្រនៃអគ្គនាយកដ្ឋានព័ត៌មាន និងចំណេះដឹងបរិស្ថាន ទាំង១៨រូប នៅពេលនេះ គឺជាថ្លែងអំណរគុណចំពោះបងប្អូននិសិ្សតស្ម័គ្រចិត្តទាំងអស់ ចំពោះកិច្ចខិតខំប្រឹងប្រែងកន្លងមក ដែលធ្វើឲ្យកិច្ចការងារនៅអគ្គនាយកដ្ឋានព័ត៌មាន និងចំណេះដឹងបរិស្ថាន ប្រព្រឹត្តទៅដោយរលូន និងទទួលបានលទ្ធផលយ៉ាងល្អប្រសើរ។

ជាមួយគ្នានេះ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានថ្លែងទៅកាន់និស្សិតស្ម័គ្រចិត្តទាំងអស់ថា តាមរយៈការលះបង់ពេលវេលា ទាំងកម្លាំងកាយ កម្លាំងចិត្តរបស់ប្អូនៗក្នុងនាមជាកម្មសិក្សាការី នៅក្នុងនាយកដ្ឋានចំណុះឲ្យអគ្គនាយកដ្ឋានចំណេះដឹង និងព័ត៌មាន គឺបានរួមចំណែកធ្វើឲ្យមានការបោះជំហានទៅមុខលើកិច្ចការងាររបស់អគ្គនាយកដ្ឋាន ក៏ដូចជា ក្រសួងបរិស្ថាន។

ឯកឧត្តមរដ្ឋលេខាធិការ បានលើកឡើងទៀតថា ការងារស្ម័គ្រចិត្ត គឺជាការងារមួយផ្តល់បទពិសោធន៍ដល់ប្អូនៗ ផ្តល់នូវភាពរឹងមាំក្នុងអាជីពការងារ។ លើសពីនេះទៀត ការងារស្ម័គ្រចិត្ត គឺជាការត្រួសត្រាយផ្លូវ តម្រង់ទិសវិជ្ជាជីវៈ និងជួយគូសវាសផ្លូវចំពោះអ្វីៗ ដែលប្អូនៗចង់ធ្វើនាពេលអនាគត។ មុននឹងបញ្ចប់កម្មវិធី ឯកឧត្តម នេត្រ ភក្ត្រា បានផ្តល់នូវអនុសាសន៍សំខាន់ៗមួយចំនួន ដល់បងប្អូននិស្សិតស្ម័គ្រចិត្តទាំងអស់ ដើម្បីជាការជំនួយស្មារតីដល់ការសិក្សា ក៏ដូចជា ការធ្វើការងារផងដែរ៕

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩