ឯកឧត្តម សៅ សុភាព អ្នកនាំពាក្យ​ក្រ​សួង​បរិស្ថាន ផ្តល់​បទ​សម្ភាសន៍​ដល់អ្នកសារព័ត៌មាន។

សេចក្តី​ព្រាង​គោលនយោបាយ​ជាតិ​ចុងក្រោយ​ស្តីពី​អេកូទេសចរណ៍​នឹង​ត្រូវ​បញ្ចប់​នៅ​ត្រឹម​ខែ​សីហា​នៅ​ពេល​វេទិកា​ជាតិ​លើក​ទី​ពីរ​ស្តីពី​ការ​ការពារ​ និង​អភិរក្ស​ធនធាន​ធម្មជាតិ​ប្រារព្ធ​ធ្វើ​ឡើង​។ អ្នក​នាំ​ពាក្យ​ក្រសួង​បរិស្ថានឯកឧត្តម សៅ សុភាព បាន​ថ្លែង​ថា​រដ្ឋមន្ត្រី​ទាំង​ពីរ​បាន​ជួប​ប្រជុំ​គ្នា​ជា​លើក​ទី​មួយ​កាលពី​ម្សិលមិញ​ដើម្បី​ពិភាក្សា​គោលនយោបាយ​នេះ​ដែល​ត្រូវ​បាន​ផ្តួចផ្តើម​ដោយ​ក្រសួង​ទេសចរណ៍​ហើយ​ត្រូវ​បាន​រៀបចំ​ដើម្បី​ជំរុញ​ទេសចរណ៍​អេកូ​ក្នុង​ប្រទេស​កម្ពុជា​ដោយសារ​ «​វា​មាន​សក្តានុពល​ដ៏ធំ​មួយ​»​។
ឯកឧត្តម បាន​ថ្លែង​ថា​៖ «​យើង​មាន​គោលបំណង​ [​បញ្ចប់​សេចក្តី​ព្រាង​] ​ក្របខ័ណ្ឌ​នេះ​ពេលវេលា​ពី​ឥឡូវ​រហូត​ដល់​ខែ​សីហា​គឺ​ជិត​ដល់​ហើយ​»​។

ឯកឧត្តមបាន​ថ្លែង​ថា​តំបន់​ការពារ​ធម្មជាតិ​ចំនួន ៧,៥ លាន​ហិកតា​របស់​កម្ពុជា ​តំណាង​ឲ្យ​ «​សក្តានុពល​ដ៏ធំ​មួយ​សម្រាប់​អេកូទេសចរណ៍​» នោះ​នឹង​ជួយ​កម្ពុជា​ ធ្វើ​ពិពិធកម្ម​តំបន់​ទេសចរណ៍​របស់​ខ្លួន​សម្រាប់​ទាំង​ភ្ញៀវ​ជាតិ​ និង​អន្តរជាតិ ខណៈ​សកម្មភាព​នេះ​ជា​ការ​រួម​ចំណែក​ដល់​ការ​អភិរក្ស​ និង​ការ​ការពារ​ធនធាន​ធម្មជាតិ​ព្រម​ទាំង​លើក​កម្ពស់​សេដ្ឋកិច្ច​ប្រជាជន​មូលដ្ឋាន និង​សេដ្ឋកិច្ច​ជាតិ​។

ឯកឧត្តមអ្នកនាំពាក្យ បាន​ថ្លែង​បន្ត​ថា​ក្នុង​អំឡុង​កិច្ចប្រជុំ​កាលពី​ម្សិលមិញ​មេដឹកនាំ​ពី​ក្រសួង​ទាំង​ពីរ​ស្នើ​ឲ្យ​មាន​ការ​បង្កើត​ក្រុម​ការងារ​រួម​គ្នា​មួយ​ដើម្បី​ពិនិត្យ​មើល​ការ​អភិវឌ្ឍ​ទេសចរណ៍​អេកូ​ទាំង​មូល​ក្នុង​ប្រទេស​កម្ពុជា​។

ឯកឧត្តម ទិត ចាន់ថា រដ្ឋលេខាធិការ​ក្រសួង​ទេសចរណ៍​មិន​បាន​ឆ្លើយតប​នឹង​សំណើ​សុំ​អត្ថាធិប្បាយ​ទេ​។ សេចក្តី​ព្រាង​ច្បាប់​នេះ​មិន​ទាន់​បង្ហាញ​ជា​សាធារណៈ​នៅ​ឡើយ​ទេ​រហូត​ទាល់​តែ​សេចក្តី​ព្រាង​ចុងក្រោយ​ត្រូវ​បាន​ធ្វើ​ចប់​សព្វ​គ្រប់​។ គោលនយោបាយស្តីពីតំបន់ទេសចរណ៍ចុងក្រោយនេះ នឹ​ង​ដាក់​ឱ្យ​ប្រមុខ​រដ្ឋា​ភិបាល​សម្តេចតេជោ ហ៊ុន សែន អនុម័តនិងប្រកាស​​នៅក្នុងវេទិកា​ស្តីពី​បញ្ហា​បរិស្ថាន​ដែល​គ្រោង​ធ្វើ​ឡើងនៅខែសីហាខាងមុខ៕

កែសម្រួល ដោយ៖ ចក្រី

ដកស្រង់ពី៖ ប៉ុស្តិ៍ខ្មែ, http://www.postkhmer.com/

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩