នៅទីស្តីការក្រសួងបរិស្ថាន ថ្ងៃទី៨ ខែតុលាឆ្នាំ២០២០ ឯកឧត្តម វ៉ាន់ មុនីនាថ អគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាព និងសហការី បានទទួលជួបលោក Nick Beresford នាយកកម្មវិធីអភិវឌ្ឍន៍សហប្រជាជាតិប្រចាំនៅកម្ពុជានិងក្រុមជំនាញទីប្រឹក្សា ដើម្បីពិភាក្សាពីការពង្រឹងកិច្ចសហប្រតិបត្តិការរវាងភាគីទាំងពីរលើវិស័យបរិស្ថាន និងការអភិវឌ្ឍដោយចីរភាព។ លោក Nick Beresford បានជម្រាបជូនពីស្ថានភាពបច្ចុប្បន្ននៃការអនុវត្តគម្រោង ដែលរួមមានគម្រោងសម្ព័ន្ធភាពភាពការប្រែប្រួលអាកាសធាតុ និរន្តរភាពថាមពល ការបង់ថ្លៃសេវាកម្មប្រព័ន្ធអេកូឡូស៊ី និងសេដ្ឋកិច្ចចក្រា និងសំណើគម្រោង៣ រួមមាន ការគ្រប់គ្រងសំណល់ប្លាស្ទីកក្នុងរាជធានីភ្នំពេញ ខេត្តសៀមរាប ព្រះសីហនុ និងកែប កម្មវិធីជាតិគាំទ្រប្រសិទ្ធភាពថាមពលនៅកម្ពុជា និងយន្តការហិរញ្ញវត្ថុដោយនិរន្តរភាព ដែលបាននិងកំពុងស្នើសុំការគាំទ្រពីក្រសួងបរិស្ថាន។

ឯកឧត្តម វ៉ាន់ មុនីនាថ បានសំដែងនូវការស្វាគមន៍ចំពោះលទ្ធផលនៃកិច្ចសហប្រតិបត្តិការល្អរវាងភាគីទាំងពីរក្នុងវិស័យបរិស្ថាន និងបន្តគាំទ្រលើសំណើគម្រោងថ្មី ព្រមទាំងបានពិភាក្សាលើគំនិតផ្តួចផ្តើមថ្មីៗ ដើម្បីឱ្យកម្ពុជាក្លាយជាភាពជាម្ចាស់លើការងារ និងមាននិរន្តរភាព ឆ្ពោះទៅកាន់ការអភិវឌ្ឍដោយចីរភាព។ ឯកឧត្តមក៏បានជម្រាបជូនប្រតិភូតំណាងកម្មវិធីអភិវឌ្ឍន៍សហប្រជាជាតិអំពីភាពរីកចម្រើន បញ្ហាប្រឈម និងតម្រូវការចាំបាច់របស់កម្ពុជាក្នុងវិស័យបរិស្ថាន រួមមាន កិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវចម្រុះ និងការរស់នៅដោយចីរភាព ក្រោមការដឹកនាំដ៏ឈ្លាសវៃរបស់ឯកឧត្តមរដ្ឋមន្រ្តីក្រសួងបរិស្ថាន ដើម្បីឆ្លើយតបទៅកម្មវិធីគោលនយោបាយរបស់រាជរដ្ឋាភិបាល ក្រោមចង្អុលបង្ហាញដ៏ត្រឹមត្រូវប្រកបដោយគតិបណ្ឌិតរបស់សម្តេចតេជោនាយករដ្ឋមន្រ្តីនៃព្រះរាជាណាចក្រកម្ពុជា ឈានឆ្ពោះទៅកាន់ការអភិវឌ្ឍប្រទេសដែលមានចំណូលមធ្យមកម្រិតទាបទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០២០ និងចំណូលកម្រិតខ្ពស់នៅឆ្នាំ២០៥០៕

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩